Friday, March 29, 2024

ਵਾਹਿਗੁਰੂ

spot_img
spot_img

ਗਲਵਕੜੀਆਂ ਲਈ ਤਰਸਣਗੇ ਮਹਿਫ਼ਲਾਂ ਲਈ ਵਿਲਕਣਗੇ ਰਾਹ: ਅਮਰਜੀਤ ਟਾਂਡਾ

- Advertisement -

ਕਰੋਨਾ ਵਾਇਰਸ ਵੱਡੀ ਸੰਸਾਰ ਸਮੱਸਿਆ ਬਣੀ ਪਈ ਹੈ। ਹਰ ਕੋਈ ਇਸ ਦਾ ਹੱਲ ਲੱਭਣ ਜਾ ਰਿਹਾ ਹੈ। ਲੋਕ ਮੁਸ਼ਕਲ ਦੀ ਘੜੀ ਵਿੱਚ ਫਸੇ ਹੋਏ ਹਨ। ਅਸਲ ਚ ਇਸ ਤੋਂ ਡਰਨ ਦੀ ਨਹੀਂ ਲੋੜ ਸਾਵਧਾਨੀਆਂ ਲੈਣੀਆਂ ਬਹੁਤ ਜ਼ਰੂਰੀ ਹਨ।

ਸ਼ਾਇਦ ਲੋਕਾਂ ਨੇ ਰਲ ਮਿਲ ਜਿਉਣਾਂ ਤਿਆਗ ਦਿੱਤਾ ਸੀ। ਹੰਕਾਰ ਡੁੱਲ ਰਿਹਾ ਸੀ ਹਿੱਕਾਂ ਚੋਂ। ਨਫ਼ਰਤ ਨੇ ਅੱਤ ਚੁੱਕ ਲਈ ਸੀ। ਬੇਪਛਾਣ ਹੋ ਗਿਆ ਸੀ ਆਪਣਾ ਪਰਾਇਆ।

ਸੰਸਾਰ ਇੱਕ ਦੂਸਰੇ ਦੀ ਖੈਰ ਸੁੱਖ ਮੰਗਣੋਂ ਭੁੱਲ ਗਿਆ ਸੀ। ਬਜ਼ੁਰਗਾਂ ਦੋਸਤਾਂ ਦੀਆਂ ਯਾਦਾਂ ਸਿਰਹਾਣੇ ਥੱਲਿਓਂ ਚੁੱਕ ਦਿੱਤੀਆਂ ਸਨ ਲੋਕਾਂ ਨੇ। ਲੋਕਾਂ ਨੂੰ ਸ਼ਾਇਦ ਭੁੱਲ ਗਈਆਂ ਸਨ ਗੀਤ ਸੁਪਨੇ ਤੇ ਦਾਦੀ ਦੀਆਂ ਦਿੱਤੀਆਂ ਲੋਰੀਆਂ। ਕਿਸੇ ਹੋਰ ਧਰਤ ਨੂੰ ਸ਼ਾਇਦ ਮਾਂ ਕਹਿ ਬੈਠਾ ਸੀ। ਜਿੱਥੇ ਮਾਂ ਦੀ ਗੋਦ ਵਰਗਾ ਨਿੱਘ ਨਹੀਂ ਲੱਭਦਾ।

ਉਜੜੇ ਦਰਾਂ, ਜੰਗਾਲੇ ਜਿੰਦਰਿਆਂ ਤੇ ਗੁਆਚੇ ਯਾਰਾਂ ਦੀਆਂ ਮਹਿਫ਼ਲਾਂ ਉਹਨੇ ਵਿਸਾਰ ਦਿੱਤੀਆਂ ਸਨ। ਔਖੇ ਵੇਲਿਆਂ ਦੀਆਂ ਸ਼ਹਿਦ ਉਹ ਕਹਾਣੀਆਂ ਭੁੱਲ ਗਿਆ ਸੀ। ਸੰਨ ਸੰਤਾਲੀ ਅਤੇ ਚੁਰਾਸੀ ਦਾ ਦੁਖਾਂਤ ਉਹਦੀ ਯਾਦ ਚੋਂ ਕਿਰ ਗਿਆ ਸੀ। ਦੋਸਤਾਂ ਨੂੰ ਮਿਲਣ ਜਾਂਦਾ ਜੇਬਾਂ ਚ ਖੁਸ਼ੀਆਂ ਤਾਂ ਪਾ ਲੈਂਦਾ ਪਰ ਹੰਝੂ ਘਰ ਭੁੱਲ ਜਾਂਦਾ। ਹਉਕੇ ਤੇ ਪੀੜਾਂ ਨੇ ਫਿਰ ਉਹਨੂੰ ਆਰਾਮ ਨਾ ਕਰਨ ਦਿੱਤਾ। ਉਹ ਰੋਂਦਾ ਤੇ ਚੀਸਾਂ ਸਹਾਰ ਨਾ ਹੁੰਦੀਆਂ।

ਉਹ ਕੁਝ ਹੀ ਦਿਨਾਂ ਦੀ ਗੁਲਾਮੀ ਬੰਦ ਘਰਾਂ ਵਿੱਚ ਰਹਿ ਕੇ ਤੋਤਿਆਂ ਦੇ ਪਿੰਜਰਿਆਂ ਦੇ ਤੇ ਪਸ਼ੂਆਂ ਦੇ ਸੰਗਲਾਂ ਰੱਸੀਆਂ ਵੱਲ ਦੇਖਣ ਲੱਗਾ। ਇਹ ਤਾਂ ਮੈਂ ਕਿੰਨਾਂ ਚਿਰਾਂ ਦੇ ਗੁਲਾਮ ਕੀਤੇ ਹੋਏ ਨੇ ਤਾੜੇ ਹੋਏ ਨੇ ਪਿੰਜਰਿਆਂ ਵਿੱਚ। ਉਹਨੂੰ ਸੋਚ ਕੇ ਪਤਾ ਲੱਗਾ ਕਿ ਕੈਦ ਦੀ ਸਜ਼ਾ ਇਕੱਲੇ ਰਹਿਣਾ ਬੰਦ ਕਮਰਿਆਂ ਵਿੱਚ ਕਿੰਨਾ ਮੁਸ਼ਕਲ ਹੁੰਦਾ ਹੈ।

ਗ਼ਰੀਬੀ ਮਸ਼ੱਕਤ ਦੇ ਖ਼ੂਨ ਪਸੀਨੇ ਦੀ ਕੀ ਕੀਮਤ ਹੁੰਦੀ ਹੈ। ਡੁੱਲ੍ਹਦੀਆਂ ਪੀੜਾਂ ਉਨੀਂਦਰੀਆਂ ਰਾਤਾਂ ਭੁੱਖਾਂ ਪਸੀਨੇ ਦੀ ਖੁਸ਼ਬੂ ਕਿੰਝ ਖੋਹ ਸਕਦੀਆਂ ਹਨ। ਮਾਪਿਆਂ ਤੇ ਯਾਰਾਂ ਦੇ ਵਿਛੋੜੇ ਦੀ ਕੀ ਅਹਿਮੀਅਤ ਹੁੰਦੀ ਹੈ ਉਹਨੇ ਦੁਆਰਾ ਸਬਕ ਪੜ੍ਹਿਆ। ਇਹ ਗਵਾਹੀ ਜੋ  ਸਦੀਆਂ ਵੀ ਭਰਦੀਆਂ ਨੇ ਉਹਨੇ ਰਾਹਾਂ ਵਿੱਚ ਲਿਖਿਆ ਦੇਖਿਆ ਤੇ ਸੋਚਿਆ ਕਿ ਬਚਪਨ ਦੇ ਗੁਆਚੇ ਤਾਂ ਪ੍ਰਛਾਵੇਂ ਵੀ ਨਹੀਂ ਲੱਭਦੇ ਹੁੰਦੇ। ਉਹ ਥਾਵਾਂ ਜਿਨ੍ਹਾਂ ਤੇ ਖੇਡ ਖੇਡ ਕੇ ਬਚਪਨ ਉਸਾਰਿਆ, ਗਾਇਆ ਤੇ ਜ਼ਿੰਦਗੀ ਨੂੰ ਅਗਾਂਹ ਤੋਰਿਆ ਮੁੜ ਨਹੀਂ ਹੱਸਦੇ ਹੁੰਦੇ । ਆਪਣੇ ਹੱਥੀਂ ਨਹੀਂ ਬਣਾਏ ਜਾਂਦੇ ਮਿੱਟੀ ਦੇ ਘਰ ਬਚਪਨ ਲੰਘ ਜਾਵੇ ਤਾਂ। ਬੁੱਢੇ ਘਰਾਂ ਦੀਆਂ ਸਾਰਾਂ ਤਾਂ ਅੱਥਰੂ ਹੀ ਲੈਂਦੇ ਨੇ ਕਦੇ ਕਦਾਈਂ।

ਪਿੰਡਾਂ ਸ਼ਹਿਰਾਂ ਦੀਆਂ ਗਲੀਆਂ ਨੇ ਜਦੋਂ ਨੇੜੇ 2 ਹੋ ਕੇ ਤੱਕਿਆ ਤਾਂ ਜਿੰਦਗੀ ਦੀ ਪਰਿਭਾਸ਼ਾ ਕੋਈ ਹੋਰ ਸੀ। ਦੋਸਤਾਂ ਦੀ ਪਿਆਸ ਕੁਝ ਹੋਰ ਸੀ ਭੁੱਖ ਕੋਈ ਹੋਰ ਸੀ।

ਸਮਾਂ ਆਇਆ ਤਾਂ ਯਾਰ ਯਾਰਾਂ ਲਈ ਦੁਆਵਾਂ ਕਰਨ ਲੱਗੇ। ਦੁਸ਼ਮਣ ਘਰੀਂ ਤਲਵਾਰਾਂ ਖੰਜਰ ਵੀ ਨਾਲ ਲਿਜਾਣੀਆਂ ਭੁੱਲ ਗਏ। ਕੁੜਤਿਆਂ ਕਮੀਜ਼ਾਂ ਦੀਆਂ ਜੇਬਾਂ ਚ ਦਵਾ ਤੇ ਦੁਆਵਾਂ ਸਨ।

ਜੇ ਇੰਜ ਰਿਹਾ ਤਾਂ ਮਿੱਟੀਆਂ ਦੇ ਰੁਦਨ ਖੁਰ ਜਾਣਗੇ। ਚੁੱਪ ਹੋ ਜਾਣਗੀਆਂ ਸਦੀਆਂ ਦੀਆਂ ਚੀਸਾਂ। ਦੋਸਤੀਆਂ ਦਾਗ ਲੱਗਣੋਂ ਬੱਚ ਜਾਣਗੀਆਂ।ਬਚਪਨ ਦੀਆਂ ਯਾਰੀਆਂ ਮੁੜ ਲੱਭ ਜਾਣਗੀਆਂ। ਏਅਰ ਪੋਰਟਾਂ ਤੇ ਵਿਛੋੜਿਆਂ ਦੀ ਜਗ੍ਹਾ ਤੇ ਸੈਰ ਸਪਾਟੇ ਲਿਖੇ ਜਾਣਗੇ। ਚਾਅ ਆਪਣੇ ਹੱਥੀਂ ਬੰਦ ਕੀਤੇ ਦਰਵਾਜ਼ੇ ਖੋਲ੍ਹਣਗੇ। ਰਾਹ ਰੁੱਖ ਤੇਰੀਆਂ ਖੈਰਾਂ ਮੰਗਦੇ ਨਹੀਂ ਥੱਕਣਗੇ।

ਗਲਵੱਕੜੀਆਂ ਚੋਂ ਰੀਝਾਂ ਨਹੀਂ ਮਰਨਗੀਆਂ। ਮੁਸਕਾਣਾ ਨਹੀਂ ਮਿਟਣਗੀਆਂ ਬੁੱਲ੍ਹਾਂ ਤੋਂ। ਵਸਲ ਨਹੀਂ ਗੁਆਚਣਗੇ ਸਮਿਆਂ ਚੋਂ। ਸ਼ਬਦ ਤਿੱਖੇ ਤੀਰ ਨਹੀਂ ਬਣਨਗੇ। ਦਿਲ ਦੀਆਂ ਪਰਤਾਂ ਚ ਮੋਹ ਦਾ ਲਹੂ ਟਪਕੇਗਾ।

ਨਾਨਕ ਦੀਆਂ ਪੈੜਾਂ ਦੀਆਂ ਛੋਹ ਲੱਭਣ ਤੁਰਨਗੇ ਲੋਕ। ਬੂਹੇ ਤਾਲੇ ਲਾ ਨਹੀਂ ਬੈਠਣਗੇ ਅੰਦਰ। ਦਰਵਾਜ਼ੇ ਨਹੀਂ ਵਰਜਣਗੇ ਯਾਰਾਂ ਨੂੰ ਅੰਦਰ ਆਉਣ ਤੋਂ। ਧਰਤੀਆਂ ਅੱਡਾ ਖੱਡਾ ਖੇਡਣ ਲਈ ਹਿੱਕਾਂ ਖੋਲ੍ਹਣਗੀਆਂ।

ਨਫ਼ਰਤਾਂ ਨਸ਼ੇ ਹੰਕਾਰ ਪੂੰਝੇ ਜਾ ਸਕਦੇ ਹਨ ਗਲੀਆਂ ਚੋਂ। ਅਣਿਆਏ ਜ਼ੁਲਮ ਗੋਲੀਆਂ ਕਬਰਾਂ ਨੂੰ ਤੋਰੀਆਂ ਜਾ ਸਕਦੀਆਂ ਹਨ। ਭੋਜਨ ਮਿਲਾਵਟ ਕਰਨ ਵਾਲਿਆਂ ਨੂੰ ਸਬਕ ਸਿੱਖਣਾ ਚਾਹੀਦਾ ਹੈ। ਸਾਦਗੀ ਨੂੰ ਵਿਹੜਿਆਂ ਚ ਸੱਦਣ ਦਾ ਵੇਲਾ ਆ ਗਿਆ ਹੈ।

ਬਜ਼ੁਰਗਾਂ ਦੀ ਤੰਦਰੁਸਤੀ ਪੁੱਛਣ ਦਾ ਸਮਾਂ ਹੈ। ਆਂਡ ਗੁਆਂਡ ਚ ਮਿਲਵਰਤਨ ਪਿਆਰ ਦੀ ਘੜੀ ਪਰਤੀ ਹੈ। ਵਾਧੂ ਖ਼ਰਚਿਆਂ ਤੇ ਬੇਲੋੜੇ ਦਿਖਾਵਿਆਂ ਤੋਂ ਬਚਾਏਗਾ ਇਹ ਸਮਾਂ। ਮਿਹਨਤ ਮੁਸ਼ੱਕਤ ਤੇ ਹੱਥੀਂ ਕੰਮ ਕਰਨ ਦਾ ਰਿਵਾਜ ਪਵੇਗਾ। ਅਜ਼ਵਾਇਨ ਲਸਣ ਅਦਰਕ ਸੌਂਫ ਹਲਦੀ ਨਿੰਬੂ ਤੇ ਹੋਰ ਜੜੀ ਬੂਟੀਆਂ ਦੀ ਪੁੱਛ ਪੜਤਾਲ ਵਧੇਗੀ। ਅਲਸੀ ਮੇਥਿਆਂ ਗੁੜ ਦਾ ਰਾਜ ਆਵੇਗਾ।

ਵੱਡੇ ਵੱਡੇ ਇਕੱਠਾਂ ਧੰਨ ਦੌਲਤ ਨੂੰ ਸਿੱਧੇ ਰਾਹੇ ਪਾਣਗੇ ਇਹ ਪਹਿਰ।ਪੁਜਾਰੀਆਂ ਪੰਡਤਾਂ ਭਾਈਆਂ ਪਖੰਡੀਆਂ ਜੰਤਰਾਂ ਮੰਤਰਾਂ ਦੇ ਪਖੰਡਾਂ ਨੂੰ ਦਫ਼ਨਾਏਗਾ ਇਹ ਵੇਲਾ।

ਸਾਂਝਾਂ ਪਰਤਣਗੀਆਂ ਫਿੱਕੇ ਬੋਲ ਮਰਨਗੇ। ਦਿਆਲਤਾ ਤਿਆਗ ਸਾਦਗੀ ਦਰਾਂ ਤੇ ਆ ਖੜ੍ਹੇਗੀ।ਮਜ਼ਹਬਾਂ ਦੇ ਰਾਹ ਸੁੰਨੇ ਹੋਣਗੇ। ਪਿੰਡਾਂ ਸ਼ਹਿਰਾਂ ਦੀਆਂ ਗਲੀਆਂ ਮੁਹੱਲਿਆਂ ਚ ਮੁਹੱਬਤਾਂ ਮੁਸਕਰਾਉਂਦੀਆਂ ਆ ਖੜ੍ਹੀਆਂ ਹੋਣਗੀਆਂ।

ਗੁਆਚਾ ਸੱਭਿਆਚਾਰ ਘਰੀਂ ਪਰਤੇਗਾ। ਧਾਰਮਿਕਤਾ ਤੇ ਸਿਆਸਤ ਵੀ ਸ਼ਾਇਦ ਕੁਝ ਸੋਚ ਲਵੇ ਕੇ ਗੁਰਬਤ ਦੇ ਘਰੀਂ ਵੀ ਜਾਈਦਾ। ਭਲਾਈ ਪਿੰਡਾਂ ਸ਼ਹਿਰਾਂ ਦੇ ਨੌਜਵਾਨਾਂ ਬੰਦਿਆਂ ਔਰਤਾਂ ਤੇ ਬੱਚਿਆਂ ਦੇ ਤੋਤਲੇ ਬੋਲਾਂ ਵਿੱਚ ਵੀ ਦਿੱਸੇਗੀ। ਰੁੱਖ ਵੀ ਇੱਕ ਦੂਸਰੇ ਦੀ ਸੁੱਖ ਸਾਂਦ ਪੁੱਛਣ ਤੁਰਨਗੇ।

ਜੇ ਪਹਿਰਾਂ ਘੜੀਆਂ ਨੇ ਸਮੇਂ ਦੀ ਨਬਜ਼ ਪਛਾਣੀ ਅੱਖ ਚ ਅੱਖ ਪਾ ਕੇ ਦੇਖਿਆ ਤਾਂ ਸਫਾਈ ਦੀ ਮਹਾਨਤਾ ਦਾ ਸਿਰਨਾਵਾਂ ਲੱਭਣਗੇ ਲੋਕ। ਗਲਵਕੜੀਆਂ ਲਈ ਤਰਸਣਗੇ। ਮਹਿਫ਼ਲਾਂ ਲਈ ਵਿਲਕਣਗੇ ਰਾਹ ਗਲੀਆਂ। ਸੁਰਖ ਤਵੀਆਂ ਠੰਢੀਆਂ ਕਰਨਗੇ ਅਰਸ਼। ਨਾਨਕ ਦੇ ਬੋਲ ਭਾਲਣਗੇ ਨਵੇਂ ਸਵੇਰੇ।


ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ


- Advertisement -

ਸਿੱਖ ਜਗ਼ਤ

SGPC ਦਾ 1260 ਕਰੋੜ 97 ਲੱਖ ਰੁਪਏ ਦਾ ਬਜਟ ਪਾਸ; ਧਰਮ ਪ੍ਰਚਾਰ, ਵਿੱਦਿਆ ਅਤੇ ਪੰਥਕ ਕਾਰਜਾਂ ਲਈ ਰੱਖੀ ਗਈ ਵਿਸ਼ੇਸ਼ ਰਾਸ਼ੀ

ਯੈੱਸ ਪੰਜਾਬ ਅੰਮ੍ਰਿਤਸਰ, 29 ਮਾਰਚ, 2024 ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਅੱਜ ਹੋਏ ਜਨਰਲ ਇਜਲਾਸ ਦੌਰਾਨ ਸਾਲ 2024-25 ਲਈ 1260 ਕਰੋੜ 97 ਲੱਖ 38 ਹਜ਼ਾਰ ਰੁਪਏ ਦਾ ਬਜਟ ਪਾਸ ਕੀਤਾ ਗਿਆ।...

ਸ਼੍ਰੋਮਣੀ ਕਮੇਟੀ ਵੱਲੋਂ ਅੰਮ੍ਰਿਤਧਾਰੀ ਬੱਚਿਆਂ ਨੂੰ 1 ਕਰੋੜ 43 ਲੱਖ ਰੁਪਏ ਦੇ ਵਜੀਫੇ ਜਾਰੀ

ਯੈੱਸ ਪੰਜਾਬ ਅੰਮ੍ਰਿਤਸਰ, 29 ਮਾਰਚ, 2024 ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਵਿਦਿਅਕ ਅਦਾਰਿਆਂ ਵਿਚ ਪੜ੍ਹ ਰਹੇ ਅੰਮ੍ਰਿਤਧਾਰੀ ਵਿਦਿਆਰਥੀਆਂ ਨੂੰ ਧਰਮ ਪ੍ਰਚਾਰ ਕਮੇਟੀ ਵੱਲੋਂ ਸਾਲ 2023-24 ਲਈ 1 ਕਰੋੜ 43 ਲੱਖ 94...

ਮਨੋਰੰਜਨ

ਪੂਨਮ ਢਿੱਲੋਂ ਅਤੇ ਰਾਜ ਬੱਬਰ ਦੀ ‘ਏਕ ਕੋਰੀ ਪ੍ਰੇਮ ਕਥਾ’ 5 ਅਪ੍ਰੈਲ ਨੂੰ ਰਿਲੀਜ਼ ਲਈ ਤਿਆਰ

ਯੈੱਸ ਪੰਜਾਬ 27 ਮਾਰਚ, 2024 ਚੰਡੀਗੜ੍ਹ ਵਿਖੇ ਆਯੋਜਿਤ ਇੱਕ ਸ਼ਾਨਦਾਰ ਸਮਾਗਮ ਵਿੱਚ, ਆਉਣ ਵਾਲੀ ਫਿਲਮ "ਏਕ ਕੋਰੀ ਪ੍ਰੇਮ ਕਥਾ" ਲਈ ਬਹੁਤ-ਉਮੀਦ ਕੀਤੀ ਪ੍ਰੈਸ ਕਾਨਫਰੰਸ ਨੇ ਮੀਡੀਆ ਅਤੇ ਪ੍ਰਸ਼ੰਸਕਾਂ ਦਾ ਧਿਆਨ ਖਿੱਚਿਆ। ਸੁਗੰਧ ਫਿਲਮਜ਼ ਅਤੇ ਕੇਨਿਲਵਰਥ ਫਿਲਮਜ਼ ਐੱਲਐੱਲਪੀ....

ਵਿਦੇਸ਼ਾਂ ਵੱਲ ਭੱਜ ਰਹੇ ਨੌਜਵਾਨਾਂ ਲਈ ਸੁਣੇਹਾ ਹੋਵੇਗੀ ਰਣਜੀਤ ਬਾਵਾ, ਗੁਰਪ੍ਰੀਤ ਘੁੱਗੀ ਤੇ ਅਦਿਤੀ ਸ਼ਰਮਾ ਦੀ ਪੰਜਾਬੀ ਫ਼ਿਲਮ ‘ਪ੍ਰਾਹੁਣਾ 2’

ਯੈੱਸ ਪੰਜਾਬ 20 ਮਾਰਚ, 2024 ਪੰਜਾਬੀ ਫਿਲਮ ‘ਪ੍ਰਹੁਣਾ 2’ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਦੇ ਨਾਲ-ਨਾਲ ਇੱਕ ਗੰਭੀਰ ਮੁੱਦੇ ‘ਤੇ ਵਿਅੰਗ ਕਰਦੀ ਹੋਈ ਵਿਦੇਸ਼ਾਂ ਵੱਲ ਭੱਜ ਰਹੇ ਨੌਜਵਾਨਾਂ ਨੂੰ ਵੱਡਾ ਸੁਨੇਹਾ ਵੀ ਦੇਵੇਗੀ। ਆਪਣੇ ਨਾਂ ‘ਤੇ ਬੇਸ਼ੱਕ ਇਹ...

ਪੰਜਾਬੀ ਫ਼ਿਲਮ ‘ਮਜਨੂੰ’ 22 ਮਾਰਚ ਨੂੰ ਰਿਲੀਜ਼ ਲਈ ਤਿਆਰ

ਯੈੱਸ ਪੰਜਾਬ 19 ਮਾਰਚ, 2024 ਅੱਜ ਬਹੁਤ ਹੀ ਉਡੀਕੀ ਜਾ ਰਹੀ ਪੰਜਾਬੀ ਫਿਲਮ "ਮਜਨੂੰ" ਦੇ ਕੇਂਦਰ ਦੀ ਸਟੇਜ 'ਤੇ ਆਉਣ 'ਤੇ ਅੱਜ ਇਕ ਸ਼ਾਨਦਾਰ ਪ੍ਰੈਸ ਕਾਨਫਰੰਸ ਨੇ ਜਲੰਧਰ ਦੇ ਹਾਲਾਂ ਨੂੰ ਰੌਸ਼ਨ ਕਰ ਦਿੱਤਾ। ਕਿਰਨ ਸ਼ੇਰਗਿੱਲ,...

ਸੋਸ਼ਲ ਮੀਡੀਆ

223,254FansLike
52,203FollowersFollow

ਅੱਜ ਨਾਮਾ – ਤੀਸ ਮਾਰ ਖ਼ਾਂ

ਮਹਿਮਾਨ ਲੇਖ਼

ਗੁਸਤਾਖ਼ੀ ਮੁਆਫ਼

ਪ੍ਰਕਾਸ਼ ਸਿੰਘ ਬਾਦਲ ਦਾ ‘ਅਸਲੀ ਵਾਰਿਸ’ ਕੌਣ? ਸੁਖ਼ਬੀਰ ਸਿੰਘ ਬਾਦਲ ਕਿ ਸੁਖ਼ਦੇਵ ਸਿੰਘ ਢੀਂਡਸਾ?

ਐੱਚ.ਐੱਸ.ਬਾਵਾ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਵੱਲੋਂ ਬੀਤੇ ਦਿਨੀਂ ਐਨ.ਡੀ.ਏ. ਦੀ ਮੀਟਿੰਗ ਵਿੱਚ ਸਾਬਕਾ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਨੂੰ ਯਾਦ ਕਰਦਿਆਂ ਉਸ ਮੌਕੇ...