- Advertisement -
ਅੱਜ-ਨਾਮਾ
ਖੇਤੀ ਬਿੱਲਾਂ ਨੂੰ ਰੱਦ ਕਰਵਾਉਣ ਖਾਤਰ,
ਦਿੱਲੀ ਨੂੰ ਦੌੜ ਅਕਾਲੀਆਂ ਲਾਈ ਬੇਲੀ।
ਕਿਹਾ ਗੁੱਸੇ ਨਾਲ ਕੇਂਦਰ ਦੇ ਹਾਕਮਾਂ ਨੂੰ,
ਔਕੜ ਏਦਾਂ ਦੀ ਕਿਉਂ ਹੈ ਪਾਈ ਬੇਲੀ।
ਧਰਨਾ ਸਾਲ ਤੋਂ ਲਾਈ ਕਿਰਸਾਨ ਬੈਠਾ,
ਕਾਹਤੋਂ ਜਾਂਦੀ ਨਾ ਸੁਣੀ ਦੁਹਾਈ ਬੇਲੀ।
ਉਨ੍ਹਾਂ ਲੋਕਾਂ ਦੀ ਭਾਈ ਕੁਝ ਸ਼ਰਮ ਰੱਖੋ,
ਕੁਰਸੀ ਤੁਸਾਂ ਨੂੰ ਜਿਨ੍ਹਾਂ ਦਿਵਾਈ ਬੇਲੀ।
ਬੋਲਿਆ ਪਾਸੇ ਤੋਂ ਕੋਈ ਕਿਸਾਨ ਆਗੂ,
ਐਕਟਿੰਗ ਵੱਲੋਂ ਹੈ ਕਰੀ ਕਮਾਲ ਬੇਲੀ।
ਜਦੋਂ ਬਣੇ ਸੀ ਇਹੋ ਜਿਹੇ ਬਿੱਲ ਕਾਲੇ,
ਅਕਾਲੀ ਭਾਜਪਾ ਦੇ ਸੀਗੇ ਨਾਲ ਬੇਲੀ।
-ਤੀਸ ਮਾਰ ਖਾਂ
ਸਤੰਬਰ 18, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
