- Advertisement -
ਅੱਜ-ਨਾਮਾ
ਖਿੜਿਆ ਜਾਪੇ ਨਿਤੀਸ਼ ਕੁਮਾਰ ਮਿੱਤਰ,
ਕੁਰਸੀ ਅਜੇ ਵੀ ਕੋਲ ਆ ਰਹੀ ਮਿੱਤਰ।
ਸੀਟਾਂ ਘੱਟ ਹਨ ਅੱਗੇ ਤੋਂ ਬਹੁਤ ਬੇਸ਼ੱਕ,
ਭਾਜਪਾ ਲੀਹ ਤੋਂ ਅਜੇ ਨਾ ਲਹੀ ਮਿੱਤਰ।
ਮੰਤਰੀ ਥੋੜ੍ਹੇ ਜਿਹੇ ਆਪਣੀ ਪਾਰਟੀ ਦੇ,
ਏਨੀ ਮਾਰ ਉਸ ਹੱਸ ਕੇ ਸਹੀ ਮਿੱਤਰ।
ਬਾਕੀ ਗੱਲਾਂ ਦੇ ਵਿੱਚ ਵੀ ਕਰੂਗਾ ਉਹ,
ਜੋ ਵੀ ਗੱਲ ਆ ਭਾਜਪਾ ਕਹੀ ਮਿੱਤਰ।
ਕੁਰਸੀ ਉਹੀ ਤੇ ਓਹੀ ਨਿਤੀਸ਼ ਮਿੱਤਰ,
ਅੱਖਾਂ ਵਿੱਚ ਨਾ ਓਦਾਂ ਦਾ ਤਾਅ ਮਿੱਤਰ।
ਪੇਪਰ ਵੇਟ ਤੋਂ ਵੱਧ ਨਹੀਂ ਵੇਟ ਉਹਦਾ,
ਚਿਹਰੇ ਉੱਤੇ ਨਾ ਲੱਭਦਾ ਚਾਅ ਮਿੱਤਰ।
-ਤੀਸ ਮਾਰ ਖਾਂ
ਨਵੰਬਰ 17, 2020
- Advertisement -