- Advertisement -
ਅੱਜ-ਨਾਮਾ
ਖਬਰਾਂ ਵਿੱਚ ਅਰੂਸਾ ਤਾਂ ਫੇਰ ਆ ਗਈ,
ਕੋਈ ਗਲਤ ਤੇ ਕਹੇ ਕੋਈ ਠੀਕ ਮੀਆਂ।
ਗਈ ਚਿਰਾਂ ਦੀ ਪਰਤ ਉਹ ਪਾਕਿ ਵੰਨੀਂ,
ਚਰਚਾ ਚੱਲ ਰਹੀ ਹੈ ਹਾਲੇ ਤੀਕ ਮੀਆਂ।
ਆਖੇ ਕੋਈ ਕਿ ਫੇਰ ਨਹੀਂ ਆਉਣ ਲੱਗੀ,
ਕਰਦੇ ਉਹਦੀ ਹਨ ਕਈ ਉਡੀਕ ਮੀਆਂ।
ਚਰਚਾ ਏਸ ਦਾ ਕਾਰਨ ਹੈ ਸਿਰਫ ਇੱਕੋ,
ਚੋਣਾਂ ਆਈਆਂ ਜੁ ਹਨ ਨਜ਼ਦੀਕ ਮੀਆਂ।
ਹੁੰਦੀ ਏਧਰ ਤਾਂ ਹੁੰਦੀ ਰਹੇ ਖੂਬ ਚਰਚਾ,
ਜਾਂਦੀ ਪਰਤ ਤਾਂ ਪੈਂਦੀ ਨਾ ਠੱਲ੍ਹ ਮੀਆਂ।
ਖਬਰਾਂ ਵਾਚੋ ਤਾਂ ਇਹੀਓ ਪ੍ਰਭਾਵ ਪੈਂਦਾ,
ਆਈ ਜਾਣ ਲਓ ਅੱਜ ਜਾਂ ਕੱਲ੍ਹ ਮੀਆਂ।
-ਤੀਸ ਮਾਰ ਖਾਂ
ਅਕਤੂਬਰ 23, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
