ਯੈੱਸ ਪੰਜਾਬ
ਅੰਮਿ੍ਤਸਰ ,19 ਜਨਵਰੀ, 2021 –
ਸ਼੍ਰੋਮਣੀ ਅਕਾਲੀ ਦਲ ( ਟਕਸਾਲੀ ) ਦੇ ਪ੍ਰਧਾਨ ਸ ਰਣਜੀਤ ਸਿੰਘ ਬ੍ਰਹਮਪੁਰਾ ਸਾਬਕਾ ਮੈਬਰ ਲੋਕ ਸਭਾ ਨੇ ਐਨ ਆਈ ਏ ( ਕੌਮੀ ਜਾਂਚ ਏਜੰਸੀ) ਵੱਲੋ ਵੱਖ-ਵੱਖ ਸਿੱਖ ਆਗੂਆਂ ਨੂੰ ਨੋਟਿਸ ( ਸੰਮਨ) ਭੇਜਣ ਦੀ ਨਿਖੇਧੀ ਕੀਤੀ ਹੈ ਜੋ ਕਿਸਾਨ ਅੰਦੋਲਨ ਚ ਹਿੱਸਾ ਪਾ ਰਹੇ ਹਨ । ਕਰੀਬ ਦਰਜਨ ਤੋ ਵੱਧ ਲੋਕਾਂ ਨੂੰ ਸੱਦਿਆ ਗਿਆ ਹੈ ।
ਸ ਬ੍ਰਹਮਪੁਰਾ ਨੇ ਕੇਦਰ ਸਰਕਾਰ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਉਹ ਘਬਰਾਹਟ ਚ ਆ ਕੇ ਗਲਤ ਕੰਮ ਕਰ ਰਹੀ ਹੈ ਜੋ ਗੈਰ-ਲੋਕਤੰਤਰੀ ਹੈ। ਉਨਾ ਸਪੱਸ਼ਟ ਕੀਤਾ ਕਿ ਜਾਰੀ ਨੋਟਿਸ ਤੋ ਹਕੂਮਤ ਬੁਖਲਾਹਟ ਵਿੱਚ ਹੈ ਕੇ ਪਰ ਕਿਸਾਨ ਕੌਮੀ ਜਾਂਚ ਸੰਗਠਨਾਂ ਅੱਗੇ ਝੁਕਣ ਵਾਲੇ ਨਹੀ ਹੈ।
ਮੋਦੀ ਸਰਕਾਰ ਕਿਸਾਨਾਂ ਤੇ ਬੇਬੁਨਿਆਦ ਦੋਸ਼ ਲਾ ਰਹੀ ਹੈ , ਜਿਸ ਦਾ ਅੰਨਦਾਤੇ ਤੇ ਕੋਈ ਅਸਰ ਹੋਣ ਵਾਲਾ ਨਹੀ । ਉਨਾ ਹੈਰਾਨੀ ਪ੍ਰਗਟਾਈ ਕਿ ਕੇਦਰੀ ਜਾਂਚ ਏਜੰਸੀਆਂ ਦੇ ਰਾਹੀ ਮੋਦੀ ਸਰਕਾਰ ਕਿਸਾਨਾਂ ਤੇ ਅੰਦੋਲਨ ਚ ਸਾਥ ਦੇਣ ਵਾਲਿਆਂ ਨੂੰ ਡਰਾ ਰਹੀ ਹੈ । ਸ ਬ੍ਰਹਮਪੁਰਾ ਸਪੱਸ਼ਟ ਕੀਤਾ ਕਿ ਕਰੀਬ 125 ਕਿਸਾਨ ਸ਼ਹੀਦੀਆਂ ਪ੍ਰਾਪਤ ਕਰ ਚੁੱਕੇ ਹਨ ਪਰ ਮੋਦੀ ਸਰਕਾਰ ਨੇ ਸਾਰ ਨਹੀ ਲਈ।
ਅਸਲ ਚ ਮੋਦੀ ਸਰਕਾਰ ਅੰਨਦਾਤੇ ਦੀ ਥਾਂ ਧਨਾਂਢਾ ਅੱਗੇ ਗੋਡੇ ਟੇਕ ਗਈ ਹੈ। ਸ ਬ੍ਰਹਮਪੁਰਾ ਨੇ ਜਾਰੀ ਪ੍ਰੈਸ ਬਿਆਨ ਕਰਦਿਆਂ ਕਿਹਾ ਕਿ 26 ਜਨਵਰੀ ਨੂੰ ਹੋ ਰਹੀ ਟਰੈਕਟਰ ਪਰੇਡ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਉਨਾ ਨੂੰ ਹਰ ਤਰਾਂ ਦਾ ਸਹਿਯੋਗ ਦਿੱਤਾ ਜਾਵੇਗਾ ।
26 ਜਨਵਰੀ ਦੀ ਪਰੇਡ ਮੌਕੇ ਸ ਬ੍ਰਹਮਪੁਰਾ ਨੇ ਸਭ ਵਰਗਾਂ ਨੂੰ ਸ਼ਾਮਲ ਹੋਣ ਲਈ ਜੋਰ ਦਿੱਤਾ । ਸ ਬ੍ਰਹਮਪੁਰਾ ਨੇ ਕਿਹਾ ਕਿ ਕਿਸਾਨੀ ਘੋਲ ਦੇਸ਼ ਭਰ ਵਿੱਚ ਸਥਾਨਕ ਤੇ ਸੂਬਾ ਪੱਧਰ ਤੇ ਕਰੀਬ 7 ਮਹੀਨਿਆਂ ਤੋ ਚੱਲ ਰਿਹਾ ਹੈ ਪਰ ਸਰਕਾਰ ਟੱਸ ਤੋ ਮੱਸ ਨਹੀ ਹੋਈ।
ਮੋਦੀ ਸਰਕਾਰ ਨੂੰ ਵਿਸ਼ਵ ਦੇ ਸਾਮਰਾਜੀਆਂ ਦੀ ਹਿਮਾਇਤ ਪ੍ਰਾਪਤ ਹੈ। 26 ਜਨਵਰੀ ਦੀ ਟਰੈਕਟਰ ਪਰੇਡ ਦੀ ਅਹਿਮੀਅਤ ਬਾਰੇ ਉਨਾ ਦੱਸਿਆ ਕਿ ਇਕ ਪਾਸੇ ਜਦੋ ਸਰਕਾਰ ਗਣਤੰਤਰ ਦਿਵਸ ਮਨਾ ਰਹੀ ਹੋਵੇਗੀ ਤਾਂ ਰਾਜਧਾਨੀ ਦੀਆਂ ਸੜਕਾਂ ਤੇ ਕਿਸਾਨ ਖੇਤੀ ਕਾਨੂੰਨਾਂ ਤੋ ਜਾਗਰੂਕ ਕਰਾਵੇਗਾ ਕਿ ਭਾਰਤ ਸਰਕਾਰ ਅੰਨਦਾਤੇ ਨੂੰ ਖਤਮ ਤੇ ਤੁੱਲੀ ਹੈ ਤੇ ਕਾਰਪੋਰੇਟ ਪੱਖੀ ਤੇ ਅਸੰਵਿਧਾਨਕ ਕਾਨੂੰਨਾਂ ਦਾ ਅਸਰ ਹਰ ਵਰਗ ਤੇ ਪੈਣਾ ਅਟਲ ਹੈ।
