ਯੈੱਸ ਪੰਜਾਬ
ਚੰਡੀਗੜ੍ਹ, 18 ਅਪ੍ਰੈਲ, 2021:
ਪੰਜਾਬ ਵਿੱਚ ਕੋਰੋਨਾ ਲਗਾਤਾਰ ਖ਼ਤਰਨਾਕ ਰੂਪ ਧਾਰਨ ਕਰਦਾ ਜਾ ਰਿਹਾ ਹੈ। ਰਾਜ ਅੰਦਰ ਕੋਰੋਨਾ ਦੇ ਅੰਕੜਿਆਂ ਨੇ ਐਤਵਾਰ ਨੂੰ ਫ਼ਿਰ ਇਕ ਨਵਾਂ ਸਿਖ਼ਰ ਵੇਖ਼ਿਆ।
ਐਤਵਾਰ ਨੂੰ ਆਈ ਰਿਪੋਰਟ ਮੁਤਾਬਕ ਪਿਛਲੇ 24 ਘੰਟਿਆਂ ਵਿੱਚ 68 ਮੌਤਾਂ ਹੋਈਆਂ ਹਨ ਜਦਕਿ 4957 ਨਵੇਂ ਪਾਜ਼ਿਟਿਵ ਕੇਸ ਸਾਹਮਣੇ ਆਏ ਹਨ। ਇਹ 2021 ਦਾ ਹੁਣ ਤਕ ਦਾ ਸਭ ਤੋਂ ਉੱਚਾ ਅੰਕੜਾ ਹੈ।
ਰਾਜ ਅੰਦਰ ਅੱਜ ਹੋਈਆਂ 68 ਮੌਤਾਂ ਵਿੱਚੋਂ ਸਭ ਤੋਂ ਜ਼ਿਆਦਾ 11 ਅੰਮ੍ਰਿਤਸਰ ਵਿੱਚ, ਗੁਰਦਾਸਪੁਰ ਵਿੱਚ 9, ਪਟਿਆਲਾ ਵਿੱਚ 7, ਰੋਪੜ ਵਿੱਚ 6, ਲੁਧਿਆਣਾ ਅਤੇ ਮੋਹਾਲੀ ਵਿੱਚ 5-5, ਜਲੰਧਰ ਵਿੱਚ 4, ਕਪੂਰਥਲਾ, ਫ਼ਾਜ਼ਿਲਕਾ ਅਤੇ ਤਰਨ ਤਾਰਨ ਵਿੱਚ 3-3, ਬਰਨਾਲਾ ਅਤੇ ਹੁਸ਼ਿਆਰਪੁਰ ਵਿਚ 2-2 ਮੌਤਾਂ ਹੋਈਆਂ ਜਦਕਿ ਬਠਿੰਡਾ, ਮਾਨਸਾ, ਮੋਗਾ ਅਤੇ ਪਠਾਨਕੋਟ ਵਿੱਚ ਵੀ ਇਕ ਇਕ ਵਿਅਕਤੀ ਨੇ ਦਮ ਤੋੜਿਆ।
ਸੂਬੇ ਵਿੱਚ ਹੁਣਤਕ 7902 ਮੌਤਾਂ ਹੋ ਚੁੱਕੀਆਂਹਨ ਜਦਕਿ ਐਕਟਿਵ ਕੇਸਾਂ ਦੀ ਗਿਣਤੀ 34190 ਹੈ।
ਸਥਿਤੀ ਦੀ ਗੰਭੀਰਤਾ ਇਹ ਹੈ ਕਿ 429 ਵਿਅਕਤੀ ਆਕਸੀਜਨ ਸਪੋਰਟ ’ਤੇ ਹਨ ਅਤੇ 48 ਵਿਅਕਤੀ ਜ਼ਿਆਦਾ ਗੰਭੀਰ ਹੋਣ ਕਰਕੇ ਵੈਂਟੀਲੇਟਰ ’ਤੇ ਹਨ।
ਅੱਜ ਸਭ ਤੋਂ ਜ਼ਿਆਦਾ 880 ਪਾਜ਼ਿਟਿਵ ਕੇਸ ਮੋਹਾਲੀ ਵਿੱਚ ਆਏ। ਅੰਮ੍ਰਿਤਸਰ ਵਿੱਚ 742, ਲੁਧਿਆਣਾ ਵਿੱਚ 686, ਜਲੰਧਰ ਵਿੱਚ 445, ਪਟਿਆਲਾ ਵਿੱਚ 379, ਬਠਿੰਡਾ ਵਿੱਚ 293 ਅਤੇ ਹੁਸ਼ਿਆਰਪੁਰÇ ਵੱਚ 268 ਨਵੇਂ ਕੇਸ ਸਾਹਮਣੇ ਆਏ।
ਰਾਜ ਦੇ ਹੋਰ ਵੇਰਵੇ ਅਤੇ ਜ਼ਿਲ੍ਹਾ ਵਾਰ ਤਫ਼ਸੀਲ ਲਈ ਇੱਥੇ ਕਲਿੱਕ ਕਰੋ