ਯੈੱਸ ਪੰਜਾਬ
ਚੰਡੀਗੜ੍ਹ, 13 ਅਗਸਤ, 2020:
ਕੋਰੋਨਾਵਾਇਰਸ ਪੰਜਾਬ ’ਤੇ ਆਪਣੀ ਪਕੜ ਮਜ਼ਬੂਤ ਕਰਦਾ ਜਾ ਰਿਹਾ ਹੈ। ਮੌਤਾਂ ਦੀ ਦਰ ਵਧਦੇ ਹੋਏ ਦਰਜਨਾਂ ਮੌਤਾਂ ਰੋਜ਼ ਤਕ ਚਲੀ ਗਈ ਹੈ ਜਦ ਕਿ ਪਾਜ਼ਿਟਿਵ ਕੇਸਾਂ ਦੀ ਗਿਣਤੀ ਰੋਜ਼ ਹਜ਼ਾਰ ਨਵੇਂ ਕੇਸਾਂ ’ਤੇ ਜਾ ਟਿਕੀ ਹੈੇ।
ਬੁੱਧਵਾਰ ਨੂੰ 39 ਮੌਤਾਂ ਦਾ ਰਿਕਾਰਡ ਅੰਕੜਾ ਦਰਜ ਕਰਨ ਉਪਰੰਤ ਵੀਰਵਾਰ ਨੂੰ ਵੀ ਕੋਰੋਨਾ ਦੀ ਰਫ਼ਤਾਰ ਮੱਠੀ ਨਹੀਂ ਪਈ। ਅੱਜ ਵੀ ਸੂਬੇ ਵਿਚ 36 ਮੌਤਾਂ ਹੋਈਆਂ ਜਿਸ ਨਾਲ ਰਾਜ ਅੰਦਰ ਕੁਲ ਮੌਤਾਂ ਦੀ ਗਿਣਤੀ 700 ਦਾ ਅੰਕੜਾ ਪਾਰ ਕਰਕੇ 706 ਹੋ ਗਈ ਹੈ।
ਲੁਧਿਆਣਾ ਵਿਚ ਹੁਣ ਤਕ 209, ਅੰਮ੍ਰਿਤਸਰ ਵਿਚ 104, ਜਲੰਧਰ ਵਿਚ 91 ਅਤੇ ਪਟਿਆਲਾ ਵਿਚ 63 ਮੌਤਾਂ ਹੋ ਚੁੱਕੀਆਂ ਹਨ। ਇਹ ਚਾਰੇ ਜ਼ਿਲ੍ਹੇ ਇਸ ਵੇਲੇ ਪੰਜਾਬ ਦੇ ਹੌਟ ਸਪੌਟ ਜ਼ਿਲ੍ਹੇ ਬਣੇ ਹੋਏ ਹਨ।
ਅੱਜ ਹੋਈਆਂ ਤਿੰਨ ਦਰਜਨ ਮੌਤਾਂ ਵਿਚੋਂ ਸਭ ਤੋਂ ਜ਼ਿਆਦਾ 13 ਮੌਤਾਂ ਇਕੱਲੇ ਲੁਧਿਆਣਾ ਜ਼ਿਲ੍ਹੇ ਵਿੱਚ ਹੋਈਆਂ। ਜਲੰਧਰ ਵਿਚ 5 ਮੌਤਾਂ ਹੋਈਆਂ ਜਦਕਿ ਮੋਹਾਲੀ, ਸੰਗਰੂਰ ਅਤੇ ਕਪੂਰਥਲਾ ਵਿਚ 3-3 ਮੌਤਾਂ ਹੋਈਆਂ। ਅੱਜ ਅੰਮ੍ਰਿਤਸਰ ਅਤੇ ਤਰਨ ਤਾਰਨ ਵਿਚ 2-2 ਵਿਅਕਤੀਆਂ ਨੇ ਕੋਰੋਨਾ ਕਾਰਨ ਦਮ ਤੋੜ ਦਿੱਤਾ ਜਦਕਿ ਰੋਪੜ ਅਤੇ ਹੁਸ਼ਿਆਰਪੁਰ ਵਿਚ ਇਕ ਇਕ ਵਿਅਕਤੀ ਕੋਰੋਨਾ ਦੀ ਭੇਟ ਚੜ ਗਿਆ।
ਪਾਜ਼ਿਟਿਵ ਕੇਸ
ਅੱਜ ਪੰਜਾਬ ਵਿਚ ਸਭ ਤੋਂ ਜ਼ਿਆਦਾ ਪਾਜ਼ਿਟਿਵ ਕੇਸ ਫ਼ਿਰ ਲੁਧਿਆਣਾ ਵਿਚ ਹੀ ਆਏ। ਇੱਥੇ ਅੱਜ ਆਏ 222 ਨਵੇਂ ਕੇਸਾਂ ਨਾਲ ਜ਼ਿਲ੍ਹੇ ਵਿਚ ਪਾਜ਼ਿਟਿਵ ਕੇਸਾਂ ਦੀ 6 ਹਜ਼ਾਰ ਦਾ ਅੰਕੜਾ ਪਾਰ ਕਰਕੇ 6146 ਹੋ ਗਈ ਹੈ।
ਬਾਕੀ ਸਾਰੇ ਸੂਬੇ ਵਿਚ ਆਏ ਪਾਜ਼ਿਟਿਵ ਕੇਸਾਂ ਦੀ ਗਿਣਤੀ ਹੇਠ ਲਿਖ਼ੇ ਅਨੁਸਾਰ ਹੈ।
ਲੁਧਿਆਣਾ 222
ਜਲੰਧਰ 176
ਪਟਿਆਲਾ 140
ਮੋਹਾਲੀ 88
ਬਠਿੰਡਾ 79
ਫਿਰੋਜ਼ਪੁਰ 66
ਫ਼ਤਹਿਗੜ੍ਹ ਸਾਹਿਬ 43
ਅੰਮ੍ਰਿਤਸਰ 41
ਫ਼ਰੀਦਕੋਟ 32
ਸੰਗਰੂਰ 24
ਮੋਗਾ 21
ਕਪੂਰਥਲਾ 19
ਨਵਾਂਸ਼ਹਿਰ 17
ਮੁਕਤਸਰ 15
ਬਰਨਾਲਾ 13
ਮਾਨਸਾ 12
ਰੋਪੜ 10
ਫ਼ਾਜ਼ਿਲਕਾ 5
ਹੁਸ਼ਿਆਰਪੁਰ 2
ਗੁਰਦਾਸਪੁਰ 2
ਤਰਨ ਤਾਰਨ 7
ਪਠਾਨਕੋਟ 1
ਹੋਰ ਵੇਰਵੇ ਲਈ ਮੈਡੀਕਲ ਬੁਲੇਟਿਨ ਵੇਖ਼ੋ – ਇੱਥੇ ਕਲਿੱਕ ਕਰੋ
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
