ਯੈੱਸ ਪੰਜਾਬ
ਚੰਡੀਗੜ੍ਹ, 12 ਅਪ੍ਰੈਲ, 2021:
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸੋਮਵਾਰ ਨੂੰ ਕੋਵਿਡ ਵੈਕਸੀਨ ਦਾ ਦੂਜਾ ਟੀਕਾ ਲਗਵਾਇਆ।
ਉਹਨਾਂ ਨੇ ਲੋਕਾਂੂਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੇ, ਆਪਣੇ ਪਰਿਵਾਰਾਂ ਅਤੇ ਸਮਾਜ ਦੇ ਬਚਾਅ ਅਤੇ ਭਲੇ ਲਈ ਅੱਗੇ ਆਉਣ ’ਤੇ ਕੋਵਿਡ ਦੇ ਟੀਕੇ ਲਗਵਾਉਣ।
ਯਾਦ ਰਹੇ ਕਿ ਅਜੇ ਬੀਤੇ ਕਲ੍ਹ ਹੀ ਮੁੱਖ ਮੰਤਰੀ ਨੇ ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਨੂੰ ਰਾਜ ਅੰਦਰ ਕੋਵਿਡ ਟੀਕਾਕਰਨ ਪ੍ਰੋਗਰਾਮ ਦਾ ਬਰੈਂਡ ਅੰਬੈਸਡਰ ਐਲਾਨਿਆ ਸੀ। ਉਹਨਾਂ ਆਖ਼ਿਆ ਸੀ ਕਿ ਲੋਕਾਂ ਨੂੂੰ ਟੀਕਾਕਰਨ ਕਰਵਾਉਣ ਲਈ ਪ੍ਰਭਾਵਿਤ ਕਰਨ ਵਾਸਤੇ ਸੋਨੂੰ ਸੂਦ ਤੋਂ ਬਿਹਤਰ ਕੋਈ ਬਰੈਂਡ ਅੰਬੈਸਡਰ ਨਹੀਂ ਹੋ ਸਕਦਾ।
ਮੁੱਖ ਮੰਤਰੀ ਨੇ ਆਖ਼ਿਆ ਕਿ ਪੰਜਾਬ ਦੇ ਲੋਕਾਂ ਵਿੱਚ ਕੋਵਿਡ ਦਾ ਟੀਕਾ ਲਗਵਾਉਣ ਪ੍ਰਤੀ ਭਾਰੀ ਹਿਚਕਿਚਾਹਟ ਵੇਖ਼ਣ ਨੂੰ ਮਿਲ ਰਹੀ ਹੈ।
ਸੋਨੂੰ ਸੂਦ ਦੀ ਮਕਬੂਲੀਅਤ, ਉਸਦੇ ਮਿਸਾਲੀ ਕੰਮ ਅਤੇ ਕੋਵਿਡ ਦੇ ਸਮਿਆਂ ਵਿੱਚ ਕੀਤੇ ਸ਼ਲਾਘਾਯੋਗ ਕਾਰਜਾਂ ਦੇ ਚੱਲਦਿਆਂ ਸੋਨੂੰ ਸੂਦ ਦੀ ਬਰੈਂਡ ਅੰਬੈਸਡਰ ਵਜੋਂ ਨਿਯੁਕਤੀ ਲੋਕਾਂ ਦੇ ਭਰਮ ਭੁਲੇਖ਼ੇ ਦੂਰ ਕਰਕੇ ਉਨ੍ਹਾਂ ਨੂੂੰ ਟੀਕਾਕਰਨ ਕਰਵਾਉਣ ਵੱਲ ਪ੍ਰੇਰਿਤ ਕਰੇਗੀ।