ਕੇਂਦਰ ਸਰਕਾਰ ਵੱਲੋਂ ਜੀ.ਐਸ.ਟੀ. ਰਿਟਰਨ ਭਰਣ ਦੀ ਆਖ਼ਰੀ ਮਿਤੀ ਵਿੱਚ ਫ਼ਿਰ ਵਾਧਾ

ਯੈੱਸ ਪੰਜਾਬ
ਨਵੀਂ ਦਿੱਲੀ, 1 ਮਾਰਚ, 2021:
ਕੇਂਦਰ ਸਰਕਾਰ ਨੇ ਜੀ.ਐਸ.ਟੀ. ਰਿਟਰਨ ਭਰਣ ਦੀ ਆਖ਼ਰੀ ਤਾਰੀਖ਼ ਹੁਣ 31 ਮਾਰਚ ਤਕ ਵਧਾ ਦਿੱਤੀ ਹੈ।

ਇਸ ਤੋਂ ਪਹਿਲਾਂ ਵੀ ਕੇਂਦਰ ਸਰਕਾਰ ਨੇ ਜੀ.ਐਸ.ਟੀ. ਰਿਟਰਨ ਭਰਣ ਦੀ ਆਖ਼ਰੀ ਤਾਰੀਖ਼ ਵਿੱਚ 28 ਫ਼ਰਵਰੀ ਤਕ ਦੇ ਵਾਧੇ ਦਾ ਐਲਾਨ ਕੀਤਾ ਸੀ।

ਸਰਕਾਰ ਅਨੁਸਾਰ ਇਹ ਵਾਧਾ ਕਰਦਾਤਾਵਾਂ ਨੂੰ ਰਿਟਰਨ ਭਰਣ ਸੰਬੰਧੀ ਆ ਰਹੀਆਂ ਮੁਸ਼ਕਿਲਾਂ ਦੇ ਮਾਮਲੇ ਧਿਆਨ ਵਿੱਚ ਆਉਣ ਤੋਂ ਬਾਅਦ ਲਿਆ ਗਿਆ ਹੈ।

ਇਕ ਸਰਕਾਰੀ ਬੁਲਾਰੇ ਨੇ ਕਿਹਾ ਕਿ ਕਰਦਾਤਾਵਾਂ ਵੱਲੋਂ ਦਰਸਾਈਆਂ ਗਈਆਂ ਮੁਸ਼ਕਿਲਾਂ ਦੇ ਮੱਦੇਨਜ਼ਰ ਸਰਕਾਰ ਨੇ ਵਿੱਤੀ ਸਾਲ 2019-20 ਲਈ ਜੀ.ਐਸ.ਟੀ.ਆਰ.-9 ਅਤੇ ਜੀ.ਐਸ.ਟੀ.ਆਰ.-9 ਸੀ ਰਿਟਰਨਾਂ ਭਰਣ ਲਈ ਸਮਾਂ 28 ਫ਼ਰਵਰੀ ਤੋਂ ਵਧਾ ਕੇ 31 ਮਾਰਚ ਤਕ ਕਰ ਦਿੱਤਾ ਹੈ। ਬੁਲਾਰੇ ਅਨੁਸਾਰ ਇਹ ਫ਼ੈਸਲਾ ਚੋਣ ਕਮਿਸ਼ਨ ਤੋਂ ਪ੍ਰਵਾਨਗੀ ਲੈ ਕੇ ਹੀ ਕੀਤਾ ਗਿਆ ਹੈ।