ਯੈੱਸ ਪੰਜਾਬ
ਜਲੰਧਰ, 29 ਜੁਲਾਈ, 2021:
ਕਰਤਾਰਪੁਰ ਰਾਵੀ ਦਰਸ਼ਨ ਅਭਿਲਾਖੀ ਸੰਸਥਾ ਦੇ ਜਨਰਲ ਸਕੱਤਰ ਗੁਰਿੰਦਰ ਸਿੰਘ ਬਾਜਵਾ ਨੇ ਆਖਿਆ ਕਿ ਸਾਡੀ ਸੰਸਥਾ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵਲੋ ਕਰਤਾਰਪੁਰ ਲਾਂਘੇ ਸਬੰਧੀ ਕੀਤੀ ਅਪੀਲ ਦੀ ਪੁਰਜ਼ੋਰ ਸਲਾਘਾ ਕਰਦੀ ਹੈ ਜਿਸ ਵਿਚ ਉਹਨਾਂ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੁੰ ਪੱਤਰ ਲਿਖ ਕੇ ਗੁਰਦੁਆਰਾ ਸ੍ਰੀ ਕਰਤਾਰਪੁਰ ਸਾਹਿਬ ਦਾ ਲਾਂਘਾ ਮੁੜ ਖੋਲਣ ਲਈ ਆਖਿਆ ਹੈ ।
ਬਾਜਵਾ ਨੇ ਅੱਗੇ ਆਖਿਆ ਕਿ ਕੇਦਰ ਦੀ ਮੋਦੀ ਸਰਕਾਰ ਕਰਤਾਰਪੁਰ ਸਾਹਿਬ ਦੇ ਲਾਂਘੇ ਨੁੰ ਮੁੜ ਖੋਲਣ ਲਈ ਸੰਜੀਦਾ ਨਹੀ ਹੈ । ਇਸ ਲਈ ਕੇਵਲ ਮੁੱਖ ਮੰਤਰੀ ਵਲੋ ਪੱਤਰ ਲਿਖਣ ਨਾਲ ਕੇਦਂਰ ਨੇ ਮੁੜ ਲਾਂਘਾ ਨਹੀ ਖੋਲਣਾ ਹੈ ।
ਜੇ ਕੈਪਟਨ ਅਮਰਿੰਦਰ ਸਿੰਘ ਲਾਂਘਾ ਖੁੱਲਵਾਉਣ ਲਈ ਵਾਕਿਆ ਹੀ ਸੰਜੀਦਾ ਹਨ ਤਾਂ ਉਹਨਾਂ ਨੁੰ ਆਪਣੀ ਸਮੁੱਚੀ ਕੈਬਨਿਟ ਦੇ ਮੰਤਰੀਆਂ , ਸਾਰੇ ਵਿਧਾਇਕਾ ਅਤੇ ਸੰਸਦ ਮੈਬਰਾਂ ਨੁੰ ਨਾਲ ਲੈ ਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੁੰ ਮਿਲਣਾ ਚਾਹੀਦਾ ਹੈ ਅਤੇ ਨਾਨਕ ਨਾਮ ਲੇਵਾ ਸੰਗਤਾਂ ਦੀਆਂ ਭਾਵਨਾਵਾਂ ਤੋ ਜਾਣੂ ਕਰਵਾਉਣ ਚਾਹੀਦਾ ਹੈ ।
ਜੋ ਲੰਬੇ ਸਮੇ ਤੋ ਗੁਰਦੁਆਰਾ ਸ੍ਰੀ ਕਰਤਾਰਪੁਰ ਸਾਹਿਬ ਦੇ ਦਰਸ਼ਨਾ ਦੀ ਤਾਂਘ ਵਿੱਚ ਹਨ । ਬਾਜਵਾ ਨੇ ਅੱਗੇ ਆਖਿਆ ਕਿ ਭਾਜਪਾ ਦੀ ਮੋਦੀ ਸਰਕਾਰ ਖਿਲਾਫ ਪਹਿਲਾ ਹੀ ਘੱਟ ਗਿਣਤੀਆ ਦੇ ਮਨ੍ਹਾ ਵਿਚ ਕਈ ਤਰ੍ਹਾ ਦੇ ਸੰਕੇ ਹਨ । ਸਿੱਖਾ ਦੇ ਇਸ ਪਵਿੱਤਰ ਅਸਥਾਨ , ਜਿਥੋ ਸਿੱਖੀ ਸੁਰੂ ਹੋਈ ਹੈ ।
ਉਸ ਅਸਥਾਨ ਦਾ ਲਾਂਘਾ ਮੁੜ ਨਾ ਖੋਲ ਕੇ ਕੇਦਰ ਸਰਕਾਰ ਪ੍ਰਤੀ ਘੱਟ ਗਿਣਤੀਆ ਵਿੱਚ ਸੰਕੇ ਹੋਰ ਵੱਧਦੇ ਹਨ ।ਸੋ ਸਾਡੀ ਸੰਸਥਾ ਜਿਸ ਨੇ ਇਸ ਲਾਂਘੇ ਨੁੰ ਖੁੱਲਵਾਉਣ ਲਈ ਮਰਹੂਮ ਜਥੇਦਾਰ ਕੁਲਦੀਪ ਸਿੰਘ ਵਡਾਲਾ ਦੀ ਅਗਵਾਈ ਵਿੱਚ ਸਾਢੇ ਅਠਾਰਾ ਸਾਲ ਧੁੱਸੀ ਬੰਨ ਡੇਰਾ ਬਾਬਾ ਨਾਨਕ ਵਿਖੇ ਨਾਨਕ ਨਾਮ ਲੇਵਾ ਸੰਗਤਾਂ ਨੁੰ ਨਾਲ ਲੈ ਕੇ 226 ਅਰਦਾਸਾ ਕੀਤੀਆ ਹਨ , ਵਲੋ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੁੰ ਪੁਰਜ਼ੋਰ ਅਪੀਲ ਹੈ ਕਿ ਇਸ ਲਾਂਘੇ ਨੂੰ ਮੁੜ ਜਲਦੀ ਤੋ ਜਲਦੀ ਖੋਲਿਆ ਜਾਵੇ ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ