- Advertisement -
ਅੱਜ-ਨਾਮਾ
ਉਹੀਓ ਰੱਫੜ ਤੇ ਉਹੀ ਰਹੀ ਰਾਜਨੀਤੀ,
ਰੱਫੜ ਘਟੇ ਨਹੀਂ, ਮੁੱਕਿਆ ਸਾਲ ਬੇਲੀ।
ਗੁਤਾਵਾ ਗੱਲਾਂ ਦਾ ਉਹ ਹੀ ਕਰਨ ਲੀਡਰ,
ਉਹ ਹੀ ਰਿਹਾ ਪਿਛਲੱਗਾਂ ਦਾ ਹਾਲ ਬੇਲੀ।
ਉੱਤੇ ਦੂਜਿਆਂ ਦੇ ਹਰ ਕੋਈ ਦੋਸ਼ ਲਾਵੇ,
ਖੁਦ ਵੀ ਤਾੜ ਮੌਕਾ ਚਰਦਾ ਮਾਲ ਬੇਲੀ।
ਦੌਲਤ ਜੋੜਦਾ ਉਹ ਸੱਤਾਂ ਪੀੜ੍ਹੀਆਂ ਲਈ,
ਚੇਲੇ ਚਾਂਟੇ ਰਜਾਉਂਦਾ ਪਿਆ ਨਾਲ ਬੇਲੀ।
ਲੋਕਤੰਤਰ ਦਾ ਹੋਇਆ ਈ ਜੋਕ-ਤੰਤਰ,
ਲੁਕਿਆ ਨੁੱਕਰ ਦੇ ਵਿੱਚ ਈਮਾਨ ਬੇਲੀ।
ਕੋਈ ਵੀ ਪਾਰਟੀ ਜਾਂ ਆਗੂ ਕੋਈ ਹੁੰਦਾ,
ਸਭ ਨੂੰ ਕੁਰਸੀ ਦਾ ਬੱਸ ਧਿਆਨ ਬੇਲੀ।
-ਤੀਸ ਮਾਰ ਖਾਂ
ਜਨਵਰੀ 01, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
