ਮੈਨੂੰ ਅੱਜ ਵੀ ਯਾਦ ਹੈ ਜਦੋਂ ਇਕ ਭਾਰਤੀ ਹਾਕੀ ਦੇ ਕਪਤਾਨ, ਪਦਮ ਸ਼੍ਰੀ ਅਤੇ ਅਰਜੁਨਾ ਅਵਾਰਡੀ ਹਾਕੀ ਖਿਡਾਰੀ ਨੇ ਇਕ ਵਾਰ ਕਿਸੇ ਨੂੰ ਕਿਹਾ ਸੀ ਕਿ ” ਜੇਕਰ ਆਪਣੇ ਵਿਚੋਂ ਹਾਕੀ ਕੱਢ ਲਈ ਜਾਵੇ ਤਾਂ ਸਾਨੂੰ ਕੋਈ ਦਿਹਾੜੀ ਲੈਕੇ ਨਾ ਜਾਵੇ” । ਬਹੁਤ ਵਜਨਦਾਰ ਗੱਲ੍ਹ ਸੀ ਜੋਂ ਹਮੇਸ਼ਾ ਹੀ ਮੇਰੇ ਦਿਮਾਗ ਵਿਚ ਰਹਿੰਦੀ ਹੈ ।
ਹਾਕੀ ਕਰਕੇ ਅਸੀਂ ਖਿਡਾਰੀ ਪੀ.ਸੀ.ਐਸ; ਆਈ.ਪੀ.ਐਸ; ਪੀ.ਪੀ.ਐਸ; ਵਗੈਰਾ ਬਣਕੇ ਅਫ਼ਸਰ ਤੈਨਾਤ ਹੋਕੇ ਚੰਗੇ ਅਹੁਦੇ ਹੰਢਾਏ ਹਨ ਪਰ ਆਪਣੀ ਸਰਵਿਸ ਦੌਰਾਨ ਤੇ ਬਾਦ ਵਿਚ, ਜਦੋ ਸਮਾਂ ਵੀ ਹੈ, ਤਾਂ ਅਸੀਂ ਹਾਕੀ ਨੂੰ ਉਲਟਾ ਅਸੀਂ ਕੀ ਦਿੱਤਾ ?ਇਹ ਗੱਲ੍ਹ ਬਾਰੇ ਆਪਣੇ ਅੰਦਰ ਝਾਤ ਮਾਰਨ ਦੀ ਲੋੜ ਹੈ ।
ਬਹੁਤ ਅਫਸੋਸ ਹੁੰਦਾ ਹੈ ਜਦੋਂ ਚੰਗੇ ਰਸੂਖ ਵਾਲੇ ਔਹੁਦੇ ਉਪਰ ਤੈਨਾਤ ਹਾਕੀ ਖਿਡਾਰੀ, ਕਿਸੇ ਗਰੀਬ ਹਾਕੀ ਖਿਡਾਰੀ ਦੇ ਫੱਟੇ ਹੋਏ ਬੂਟ ਅਤੇ ਟੁੱਟੀ ਹਾਕੀ ਵੀ ਉਸ ਨੂੰ ਉਪਲਭਦ ਨਹੀਂ ਕਰਵਾ ਸਕਿਆ । ਉਹੀ ਹਾਕੀ ਖਿਡਾਰੀ, ਜੋਂ ਮੈਦਾਨ ਇੱਕ ਵਿਚ ਵੜਨ ਤੋਂ ਪਹਿਲਾਂ ਮੱਥਾ ਟੇਕਦਾ ਸੀ ਤੇ ਖੇਡ ਖ਼ਤਮ ਕਰਨ ਤੋਂ ਬਾਦ ਵੀ ਮੱਥਾ ਟੇਕਦਾ ਸੀ, ਹੁਣ ਉਸੇ ਹਾਕੀ ਗਰਾਊਂਡ ਵੱਲ੍ਹ ਉਸਨੇ ਕਦੀ ਮੁੰਹ ਕਰਕੇ ਵੀ ਨਹੀਂ ਦੇਖਿਆ ।
ਬਹੁਤੇ ਹਾਕੀ ਖਿਡਾਰੀ ਜੋਂ ਸਰਵਿਸ ਵਿਚ ਹਨ ਜਾਂ ਰਿਟਾਇਰ ਹੋ ਗਏ ਹਨ, ਉਹਨਾਂ ਨੇ ਕਦੀ ਵੀ ਨਹੀਂ ਸੋਚਦੇ ਕਿ ਬਚਿਆ ਨੂੰ ਮਿਲਕੇ ਉਹਨਾਂ ਨੂੰ ਕੋਈ ਹਾਕੀ ਦਾ ਗੁਰ ਹੀ ਦੱਸਿਆ ਜਾਵੇ ਅਤੇ ਉਹਨਾਂ ਦੀ ਹੌਸਲਾ ਅਫ਼ਜ਼ਾਈ ਕੀਤੀ ਜਾਵੇ । ਹਾਕੀ ਦੇ ਮੈਦਾਨ ਵਿੱਚ ਆਉਣਾ ਵੀ ਆਪਣੀ ਤੌਹੀਨ ਜਿਹੀ ਸਮਝਦੇ ਹਨ ਪਰ ਜੇਕਰ ਹਾਕੀ ਨੇ ਕੁਝ ਦਿਨ ਦਾ ਐਲਾਨ ਕਰ ਦਿੱਤਾ ਹੋਵੇ ਤਾ ਅਸੀਂ ਹਾਕੀ ਵਿਚ ਸਕੂਲ ਤੋਂ ਲੈਕੇ ਜ਼ਿਲ੍ਹਾ, ਰਾਜ, ਰਾਸ਼ਟਰੀ, ਅੰਤਰਾਸ਼ਟਰੀ ਅਤੇ ਓਲੰਪਿਕ ਤਕ ਦੀਆਂ ਪ੍ਰਾਪਤੀਆਂ ਦੱਸਣ ਯਤਨ ਕਰਦੇ ਹਾਂ । ਜ਼ਿਲ੍ਹਾ ਅਤੇ ਰਾਜ ਪੱਧਰੀ ਹਾਕੀ ਮੁਕਾਬਲੇ ਜੋਂ ਕਈ ਦਹਾਕਿਆਂ ਤੋਂ ਬੰਦ ਹਨ, ਨੂੰ ਸ਼ੁਰੂ ਕਰਨ ਦਾ ਕਦੀ ਕੋਈ ਯਤਨ ਨਹੀਂ ਕੀਤਾ ਹੈ ।
ਓਲੰਪੀਅਨ, ਰਾਸ਼ਟਰੀ ਅਤੇ ਅੰਤਰਾਸ਼ਟਰੀ ਹਾਕੀ ਖਿਡਾਰੀ ਵੀਰੋ, ਆਓ, ਆਪਣੇ ਅੰਦਰ ਝਾਤ ਮਾਰੀਏ ਅਤੇ ਮੈਦਾਨ ਵਿੱਚ ਆਪਣੀ ਹਾਜਰੀ ਭਰੀਏ । ਹਰ ਹਾਕੀ ਖਿਡਾਰੀ ਘੱਟੋ ਘੱਟ 2 ਉਭੱਰਦੇ ਗਰੀਬ ਹਾਕੀ ਖਿਡਾਰੀਆਂ ਨੂੰ adopt ਕਰਕੇ ਹਾਕੀ ਦੇ ਅਹਿਸਾਨ ਦਾ ਕਿਣਕਾ ਮਾਤਰ ਅਹਿਸਾਨ ਉਤਾਰਨ ਦਾ ਯਤਨ ਕਰੀਏ ।
ਆਓ ਅਸੀਂ ਸਾਰੇ ਓਲੰਪੀਅਨ, ਰਾਸ਼ਟਰੀ ਅਤੇ ਅੰਤਰਾਸ਼ਟਰੀ ਹਾਕੀ ਖਿਡਾਰੀ ਦਾ ਟੈਗ ਉਤਾਰਕੇ, ਹਾਕੀ ਕਰਕੇ ਮਿਲੇ ਹੋਏ ਔਹੁਦਿਆਂ ਦੇ ਰਸੂਖ ਵਰਤਦੇ ਹੋਏ, ਅਲੋਪ ਹੋਣ ਜਾ ਰਹੀ ਹਾਕੀ ਦੀ ਖੇਡ ਨੂੰ ਦੁਬਾਰਾ ਤੋਂ ਸੁਨਹਿਰੀ ਦੌਰ ਵਿਚ ਲਿਆਉਣ ਦੇ ਯਤਨ ਲਈ ਸਹਿਯੋਗ ਦੇਈਏ । ਜਿਲ੍ਹਾ ਅਤੇ ਰਾਜ ਪੱਧਰੀ ਹਾਕੀ ਐਸਸੀਏਸ਼ਨਾ ਜੋਂ ਕਾਫੀ ਸਮੇਂ ਤੋਂ auto ventilator mode ਉਪਰ ਹਨ, ਨੂੰ ਜਗਾਉਂਦੇ ਹੋਏ normal working mode ਪਰ ਕਰਦੇ ਹੋਏ, ਮੁੜ ਤੋਂ ਜ਼ਿਲ੍ਹਾ ਅਤੇ ਰਾਜ ਪੱਧਰੀ ਹਾਕੀ ਮੁਕਾਬਲੇ ਸ਼ੁਰੂ ਕਰਨ ਦਾ ਯਤਨ ਕਰੀਏ । ਜੇਕਰ funds ਨਹੀ ਹਨ ਤਾਂ ਸਾਰੇ ਮਿਲਕੇ ਹੈਸੀਅਤ ਮੁਤਾਬਕ ਆਪਣੇ ਆਪਣੇ ਜ਼ਿਲ੍ਹੇ ਵਿਚ ਯੋਗਦਾਨ ਪਾਇਆ ਜਾਵੇ ।
ਕਿਰਪਾ ਕਰਕੇ ਪੜ੍ਹਨ ਉਪਰੰਤ ਆਪਣੇ comments ਜ਼ਰੂਰ ਦੇਣਾ ਅਤੇ ਪੋਸਟ ਨੂੰ share ਜ਼ਰੂਰ ਕਰਨਾ ਜੀ ।
ਇਕਬਾਲ ਸਿੰਘ ਸੰਧੂ ਪੀ.ਸੀ.ਐੱਸ. (ਸੇਵਾ ਮੁਕਤ)
ਸਕੱਤਰ, ਸੁਰਜੀਤ ਹਾਕੀ ਸੁਸਾਇਟੀ,
ਜਲੰਧਰ (ਪੰਜਾਬ-ਭਾਰਤ)
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ