- Advertisement -
ਅੱਜ-ਨਾਮਾ
(ਇਸ 22 ਜਨਵਰੀ ਨੂੰ 21 ਸਾਲ ਪੂਰੇ ਕਰ ਗਿਆ
ਹੈ ਨਿੱਤ ਦਿਨ ਛਪਣ ਵਾਲਾ ਕਾਲਮ ‘ਅੱਜ-ਨਾਮਾ’)
ਆਉਣ ਕਈ ਆਗੂ ਅਤੇ ਆਣ ਕੇ ਚਲੇ ਜਾਂਦੇ,
ਸਾਰਿਆਂ ਦੀ ਵੇਖੀ ਜਾਂਦਾ ਚਾਲ ਤੀਸ ਮਾਰ ਖਾਂ।
ਸ਼ੋਭਾ ਕੋਈ ਖੱਟਦਾ ਜਾਂ ਲਾਨਤਾਂ ਕੋਈ ਖੱਟ ਜਾਂਦਾ,
ਬੁਰਾ ਵਿੰਹਦਾ, ਕਰੇ ਕੁਝ ਸਵਾਲ ਤੀਸ ਮਾਰ ਖਾਂ।
ਹੁੰਦਾ ਕੋਈ ਨੇਕ ਕੰਮ, ਆਖ ਦੇਵੇ ਠੀਕ ਕੀਤਾ,
ਵਿੰਹਦਾ ਸਭ ਚੰਗਾ-ਮੰਦਾ ਹਾਲ ਤੀਸ ਮਾਰ ਖਾਂ।
ਡਿੱਗਦਾ ਕੋਈ ਖੂਹ ਵਿੱਚ, ਡਿੱਗਦੇ ਨੂੰ ਟੋਕ ਦੇਂਦਾ,
ਮਾਰਦਾ ਨਹੀਂ ਖੂਹ`ਚ ਪਿੱਛੇ ਛਾਲ ਤੀਸ ਮਾਰ ਖਾਂ।
ਕੌੜੇ-ਫਿੱਕੇ ਜਿਹੋ ਜਿਹੇ ਹਾਲਾਤ ਖੜੇ ਹੋਣ ਮੂਹਰੇ,
ਲੋਕਾਂ ਤੋਂ ਹੈ ਲੈਂਦਾ ਪਿਆ ਪਿਆਰ ਤੀਸ ਮਾਰ ਖਾਂ।
ਇੱਕੀ ਸਾਲ ਸੇਵਾ ਕਰ ਬਾਈਵਾਂ ਸ਼ੁਰੂ ਕਰੀ ਬੈਠਾ,
ਏਦਾਂ ਈ ਸੇਵਾ ਕਰਨ ਨੂੰ ਤਿਆਰ ਤੀਸ ਮਾਰ ਖਾਂ।
-ਤੀਸ ਮਾਰ ਖਾਂ
ਜਨਵਰੀ 22, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -