ਯੈੱਸ ਪੰਜਾਬ
ਜਲੰਧਰ/ਕਪੂਰਥਲਾ, 27 ਨਵੰਬਰ, 2020 –
ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ (ਆਈ.ਕੇ.ਜੀ.ਪੀ.ਟੀ.ਯੂ) ਦੇ ਡੀਨ ਡਾ.ਅਨਿਰੁੱਧ ਪ੍ਰਤਾਪ ਸਿੰਘ ਆਪਣੀਆਂ ਤਕਰੀਬਨ 10 ਸਾਲ ਦੀਆਂ ਸੇਵਾਵਾਂ ਯੂਨੀਵਰਸਿਟੀ ਵਿਖੇ ਦੇਣ ਤੋਂ ਬਾਅਦ ਅੱਜ ਸੇਵਾਮੁਕਤ ਹੋ ਗਏ! ਡਾ ਸਿੰਘ ਵਰਤਮਾਨ ਵਿਚ ਯੂਨੀਵਰਸਿਟੀ ਵਿਖੇ ਡੀਨ ਰਿਸਰਚ ਐਂਡ ਡਿਵੈਲਪਮੈਂਟ ਵੱਜੋਂ ਸੇਵਾਵਾਂ ਨਿਭਾ ਰਹੇ ਸਨ!
ਉਹਨਾਂ ਦਾ ਲੱਗਭਗ 35 ਸਾਲ ਦਾ ਵਿੱਦਿਅਕ ਅਤੇ ਪ੍ਰਸ਼ਾਸ਼ਨਿਕ ਪੱਧਰ ਦੇ ਅਹੁਦਿਆਂ ਉਪਰ ਕੰਮ ਕਰਨ ਦਾ ਤਜੁਰਬਾ ਰਿਹਾ, ਜਿਸ ਦੌਰਾਨ ਉਹਨਾਂ ਵੱਲੋਂ ਸਟੇਟ ਅਤੇ ਸੈਂਟਰਲ ਪੱਧਰ ਦੇ ਅਦਾਰਿਆਂ ਵਿਚ ਵੱਖੋ-ਵੱਖ ਪੱਧਰ ਤੇ ਕੰਮ ਕੀਤਾ ਗਿਆ! ਇਹਨਾਂ ਵਿਚ ਪੌੜੀ ਘੜ੍ਹਵਾਲ ਦਾ ਜੀ.ਬੀ.ਪੰਤ ਇੰਜੀਨਰਿੰਗ ਕਾਲਜ, ਆਈ.ਆਈ.ਟੀ-ਬੀ.ਐਚ.ਯੂ ਵਾਰਾਨਸੀ, ਸ਼ਹੀਦ ਭਗਤ ਸਿੰਘ ਸਟੇਟ ਟੈਕਨੀਕਲ ਕੈਂਪਸ ਫਿਰੋਜ਼ਪੁਰ ਵੀ ਸ਼ਾਮਿਲ ਰਹੇ!
ਡਾ.ਅਨਿਰੁੱਧ ਪ੍ਰਤਾਪ ਸਿੰਘ ਦੇ ਸੇਵਾ ਮੁਕਤ ਹੋਣ ਉਪਰ ਯੂਨੀਵਰਸਿਟੀ ਵੱਲੋਂ ਇਕ ਰਸਮੀ ਸਮਾਰੋਹ ਕੋਵਿਡ ਨਿਯਮਾਂ ਦੀ ਪਾਲਣਾ ਕਰਦੇ ਹੋਵੇ ਉਲੀਕਿਆ ਗਿਆ! ਇਸ ਮੌਕੇ ਤੇ ਯੂਨੀਵਰਸਿਟੀ ਦੇ ਕੁਲਪਤੀ ਪ੍ਰੋ(ਡਾ.) ਅਜੇ ਕੁਮਾਰ ਸ਼ਰਮਾਂ ਨੇ ਡਾ.ਸਿੰਘ ਨੂੰ ਸ਼ੁਭਕਾਮਨਾਵਾਂ ਦਿੰਦੇ ਹੋਵੇ ਉਹਨਾਂ ਦੇ ਸੇਵਾਕਾਲ ਨੂੰ ਯਾਦ ਕਰਦਿਆਂ ਕਿਹਾ ਕਿ ਯੂਨੀਵਰਸਿਟੀ ਵਿਖੇ ਡਾ.ਸਿੰਘ ਦੀਆਂ ਵੱਡਮੁਲੀਆਂ ਸੇਵਾਵਾਂ ਹਮੇਸ਼ਾਂ ਯਾਦ ਰੱਖੀਆਂ ਜਾਣਗੀਆਂ!
ਉਹਨਾਂ ਨੇ ਡਾ. ਸਿੰਘ ਵੱਲੋਂ ਰਿਸਰਚ ਐਂਡ ਡਿਵੈਲਪਮੈਂਟ ਵਿਸ਼ੇ ਉਪਰ ਕੀਤੇ ਗਏ ਕੰਮਾਂ ਦੀ ਸ਼ਲਾਘਾ ਕੀਤੀ ਗਈ ਅਤੇ ਯੂਨੀਵਰਸਿਟੀ ਦੀ ਪੀ.ਐਚ.ਡੀ ਦੀ ਪ੍ਰਸਿੱਧੀ ਉਪਰ ਡਾ.ਸਿੰਘ ਦੀ ਪਕੜ ਬਾਰੇ ਵੀ ਵਿਚਾਰ ਸਾਂਝੇ ਕੀਤੇ! ਉਪ-ਕੁਲਪਤੀ ਡਾ. ਸ਼ਰਮਾਂ ਨੇ ਕਿਹਾ ਕਿ ਉਹਨਾਂ ਨੂੰ ਵਿਸ਼ਵਾਸ ਹੈ ਕਿ ਡੀਨ ਰਹੇ ਡਾ. ਅਨਿਰੁੱਧ ਪ੍ਰਤਾਪ ਸਿੰਘ ਆਪਣੀ ਅਗਲੀ ਪਾਰੀ ਦੀ ਸ਼ੁਰੂਆਤ ਇਕ ਚੈਂਪੀਅਨ ਵੱਜੋਂ ਹੀ ਕਰਨਗੇ ਤੇ ਵਿਦਿਆਰਥੀਆਂ ਅਤੇ ਵਿੱਦਿਅਕ ਖੇਤਰ ਨੂੰ ਆਪਣੀਆਂ ਨਿਸਵਾਰਥ ਭਾਵ ਨਾਲ ਸੇਧਾਂ ਸਮੇਂ-ਸਮੇਂ ਤੇ ਦਿੰਦੇ ਰਹਿਣਗੇ!
ਡੀਨ ਅਕਾਦਮਿਕ ਡਾ. ਵਿਕਾਸ ਚਾਵਲਾ, ਰਜਿਸਟਰਾਰ ਸੰਦੀਪ ਕੁਮਾਰ ਕਾਜਲ, ਉਪ-ਕੁਲਪਤੀ ਸਕੱਤਰਰੇਤ ਇੰਚਾਰਜ ਡਾ ਹਿਤੇਸ਼ ਸ਼ਰਮਾਂ ਵੱਲੋਂ ਵੀ ਸਮਾਰੋਹ ਦੌਰਾਨ ਡਾ. ਸਿੰਘ ਨਾਲ ਜੁੜੀਆਂ ਯਾਦਾਂ ਸਾਂਝੀਆਂ ਕੀਤੀਆਂ ਗਈਆਂ! ਮੰਚ ਸੰਚਾਲਨ ਸਹਾਇਕ ਰਜਿਸਟਰਾਰ ਸੌਰਭ ਸ਼ਰਮਾਂ ਵੱਲੋਂ ਕੀਤਾ ਗਿਆ!
ਇਸ ਮੌਕੇ ਡਾ. ਅਨਿਰੁੱਧ ਪ੍ਰਤਾਪ ਸਿੰਘ ਜੀ ਦੀ ਧਰਮ ਪਤਨੀ ਡਾ.ਕੰਚਨ ਸਿੰਘ, ਉਹਨਾਂ ਦੀ ਬੇਟੀ ਅਦਿਤੀ ਸਿੰਘ ਵੀ ਵਿਸ਼ੇਸ਼ ਸੱਦੇ ਤੇ ਮੌਜੂਦ ਰਹੇ!
