ਯੈੱਸ ਪੰਜਾਬ
ਜਲੰਧਰ, 23 ਸਤੰਬਰ, 2020:
ਨਾਮਵਰ ਪੰਜਾਬੀ ਲੋਕ ਗਾਇਕ ਮਨਮੋਹਨ ਵਾਰਿਸ ਅਤੇ ਕਮਲ ਹੀਰ ਨੇ ਇਕ ਵਾਰ ਫ਼ਿਰ ਸਮਾਜਿਕ ਸਰੋਕਾਰਾਂ ਪ੍ਰਤੀ ਆਪਣੀ ਪ੍ਰਤੀਬੱਧਤਾ ਦਾ ਪ੍ਰਗਟਾਵਾ ਕੀਤਾ ਹੈ।
ਦੋਹਾਂ ਗਾਇਕ ਭਰਾਵਾਂ ਨੇ ਮੌਜੂਦਾ ਸਮੇਂ ਦੌਰਾਨ ਕੇਂਦਰ ਸਰਕਾਰ ਵੱਲੋਂ ਲਿਆਂਦੇ ਗਏ ਖ਼ੇਤੀਬਾੜੀ ਕਾਨੂੰਨਾਂ ਦੇ ਵਿਰੋਧ ’ਚ ਅਤੇ ਸੰਘਰਸ਼ਸ਼ੀਲ ਕਿਸਾਨੀ ਦੇ ਹੱਕ ਵਿੱਚ ਹਾਅ ਦਾ ਨਾਅਰਾ ਮਾਰਦਿਆਂ ਆਪਣੇ ਸੰਗੀਤਕ ਯੋਗਦਾਨ ਵਜੋਂ ਇਕ ਨਵਾਂ ਗ਼ੀਤ ਪੇਸ਼ ਕੀਤਾ ਹੈ।
‘ਅੱਛੇ ਦਿਨਾਂ ਨੇ ਪੰਜਾਬ ਦੀ ਕਿਸਾਨੀ ਡੋਬ ’ਤੀ’ ਮੁਖ਼ੜੇ ਵਾਲਾ ਗੀਤਕਾਰ ਗਿੱਲ ਰੌਂਤਾ ਦਾ ਇਹ ਗੀਤ ਸੋਸ਼ਲ ਮੀਡੀਆ ’ਤੇ ਮਕਬੂਲ ਹੋ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਤਿੰਨੇ ਵਾਰਿਸ ਭਰਾ, ਮਨਮੋਹਨ ਵਾਰਿਸ, ਕਮਲ ਹੀਰ ਅਤੇ ਸੰਗਤਾਰ ਪਹਿਲਾਂ ਵੀ ਸਮਾਜਿਕ ਸਮੱਸਿਆਵਾਂ ਅਤੇ ਮੁੱਦਿਆਂ ’ਤੇ ਗ਼ੀਤ ਸਰੋਤਿਆਂ ਦੀ ਨਜ਼ਰ ਕਰਦੇ ਰਹੇ ਹਨ।
ਯਾਦ ਰਹੇ ਕਿ ਇਸ ਤੋਂ ਪਹਿਲਾਂ ਵੀ ਵਾਰਿਸ ਭਰਾ ਸਮਾਜਿਕ ਮੁੱਦਿਆਂ ’ਤੇ ਬੜੇ ਹੀ ਭਾਵਪੂਰਤ ਗ਼ੀਤ ਪੇਸ਼ ਕਰ ਚੁੱਕੇ ਹਨ ਜਿਨ੍ਹਾਂ ਵਿੱਚ ‘ਚਿੱਟੇ ਮੱਛਰ ਨੇ ਖ਼ਾ ਲਏ ਸਾਡੇ ਨਰਮੇ, ਫ਼ਾਹੇ ਦੇ ਰੱਸਿਆਂ ਕਿਸਾਨ ਖ਼ਾ ਲਿਆ’, ‘ਅਸੀਂ ਜਿੱਤਾਂਗੇ ਜ਼ਰੂਰ ਜਾਰੀ ਜੰਗ ਰੱਖ਼ਿਉ’, ‘ਸਾਨੂੰ ਧੱਕਿਆਂ ਦੀ ਹਿੱਕ ਉੱਤੇ ਬੱਲਿਆ, ਧੱਕੇ ਨਾਲ ਆਉਂਦਾ ਜ਼ਿੰਦਾਬਾਦ ਲਿਖ਼ਣਾ’, ‘ਧੀਆਂ ਬਚਾਉ, ਰੁੱਖ ਲਗਾਓ, ਪਾਣੀ ਦਾ ਸਤਿਕਾਰ ਕਰੋ’, ‘ਕਹਿੰਦੇ ਨੇ ਸਿਆਣੇ ਗੱਲਾਂ ਸੱਚੀਆਂ, ਖ਼ਾਧੀਆਂ ਖ਼ੁਰਾਕਾਂ ਕੰਮ ਆਉਣੀਆਂ’, ‘ਵੇ ਲੋਕ ਪੰਜਾਬ ਨੂੰ ਅੱਜ ਖ਼ਾ ਲਿਆ ਚਿੱਟੇ’, ‘ਕੰਮ ਤਾਂ ਹੋ ਜਾਊ ਫ਼ੇਰ, ਇਹ ਬਚਪਨ ਫ਼ੇਰ ਨਾ ਆਵੇ’ ਆਦਿ ਸ਼ਾਮਿਲ ਹਨ।
ਇਸ ਨੂੰ ਵੀ ਪੜ੍ਹੋ:
ਅਕਾਲੀ ਦਲ ਨੂੰ ਝਟਕਾ, ਮੀਤ ਪ੍ਰਧਾਨ ਪਰਮਜੀਤ ਸਿੱਧਵਾਂ ਨੇ ਲਿਖ਼ੀ ਸੁਖ਼ਬੀਰ ਬਾਦਲ ਨੂੰ ਚਿੱਠੀ – ਪੜ੍ਹਣ ਵਾਲੀ ਜੇ!
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
