ਯੈੱਸ ਪੰਜਾਬ
ਪਟਿਆਲਾ, 28 ਜਨਵਰੀ, 2022 –
ਭਾਰਤੀ ਜਨਤਾ ਪਾਰਟੀ ਦੇ ਸੀਨੀਅਰ ਆਗੂ ਅਤੇ ਇੰਪਰੂਵਮੈਂਟ ਟਰੱਸਟ ਨਾਭਾ ਦੇ ਸਾਬਕਾ ਚੇਅਰਮੈਨ ਸ. ਗੁਰਤੇਜ ਸਿੰਘ ਢਿੱਲੋਂ ਦੀ ਅਗਵਾਈ ਵਿੱਚ ਅੱਜ ਸ਼੍ਰੋਮਣੀ ਅਕਾਲੀ ਦਲ ਸ਼ਹਿਰੀ ਯੂਥ ਦੇ ਜਨਰਲ ਸਕੱਤਰ ਟਿੰਕੂ ਪੂਰੀ ਅਪਣੇ ਸਾਥੀਆਂ ਦੇ ਨਾਲ ਬੀਜੇਪੀ ਵਿੱਚ ਸ਼ਾਮਲ ਹੋਏ। ਇਸ ਮੌਕੇ ਸ. ਗੁਰਤੇਜ ਸਿੰਘ ਢਿੱਲੋਂ ਨੇ ਇਨ੍ਹਾਂ ਸਾਰੇ ਯੂਥ ਨੇਤਾਵਾਂ ਦਾ ਸਿਰੋਪਾ ਪਾ ਕੇ ਬੀਜੇਪੀ ਵਿੱਚ ਸਵਾਗਤ ਕੀਤਾ।
ਇਸ ਦੌਰਾਨ ਢਿਲੋਂ ਨਾਲ ਹਰਿਆਣਾ ਵਪਾਰ ਕੱਲਿਆਣ ਬੋਰਡ ਦੇ ਚੇਅਰਮੈਨ ਰਾਮ ਨਿਵਾਸ ਗਰਗ, ਰੰਜੀਤਾ ਮਹਿਤਾ, ਜਯੋਤੀ, ਜਿਲਾ ਮਹਾਮੰਤਰੀ ਵਰੁਣ ਗੋਇਲ ਅਤੇ ਅਨਿਲ ਸਿੰਗਲਾ ਵਿਸ਼ੇਸ਼ ਤੌਰ ਤੇ ਮੌਜੂਦ ਰਹੇ।
ਸ. ਢਿੱਲੋਂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਭਾਰਤ ਦਾ ਹਰ ਪੱਖੋਂ ਵਿਕਾਸ ਕਰਨ ਲਈ ਵਚਨਬੱਧ ਹੈ। ਜਿਸਦੇ ਲਈ ਉਹ ਹਰ ਵਰਗ ਦੇ ਲੋਕਾਂ ਨੂੰ ਨਾਲ ਲੈ ਕੇ ਚੱਲ ਰਹੀ ਹੈ, ਇਸੇ ਲਈ ਲੋਕ ਬੀਜੇਪੀ ਨੂੰ ਪਸੰਦ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਵਿਧਾਨਸਭਾ ਚੌਣਾਂ 2022 ਜਿੱਤ ਕੇ ਭਾਜਪਾ-ਪੀਐਲਸੀ ਗਠਬੰਧਨ ਆਪਣੀ ਸਰਕਾਰ ਬਣਾਵੇਗਾ ਅਤੇ ਪੰਜਾਬ ਵਿੱਚ ਵਿਕਾਸ ਦੀ ਹਨੇਰੀ ਲਿਆਵੇਗਾ। ਉਨ੍ਹਾਂ ਕਿਹਾ ਕਿ ਲੋਕਾਂ ਨੂੰ ਫ੍ਰੀ-ਫ੍ਰੀ ਦੀ ਰਾਜਨੀਤੀ ਕਰਨ ਵਾਲੀਆਂ ਤੋਂ ਦੂਰ ਰਹਿਣਾ ਚਾਹੀਦਾ ਹੈ।
ਇਸ ਮੌਕੇ ਭਾਜਪਾ ਵਿੱਚ ਸ਼ਾਮਲ ਹੋਣ ਵਾਲੇ ਨਵੇਂ ਮੈਂਬਰ ਵਿੱਚ ਟਿੰਕੂ ਪੂਰੀ, ਅਕਸ਼ੇ ਪੂਰੀ, ਆਰੀਅਨ, ਗੁਰਪ੍ਰੀਤ ਸਿੰਘ, ਸੂਰਜ ਕਪੂਰ, ਸਵਾਸਤਿਕ ਮਹਿਰਾ, ਜਸਵਿੰਦਰ ਸਿੰਘ, ਕੰਵਲਜੀਤ ਸਿੰਘ, ਲਵਪ੍ਰੀਤ ਸਿੰਘ, ਸੁਖਚੈਨ ਸਿੰਘ, ਕੁਲਵਿੰਦਰ ਸਿੰਘ, ਸੌਰਵ ਵਰਮਾ, ਕੁੰਦਨ ਸ਼ਰਮਾ ਅਤੇ ਹਰਿੰਦਰ ਗਰਗ ਸ਼ਾਮਲ ਹੋਏ। ਇਸ ਮੌਕੇ ਭਾਜਪਾ ਦੇ ਜਿਲਾ ਮੀਤ ਪ੍ਰਧਾਨ ਵਿਨੀਤ ਸਹਿਗਲ, ਆਸ਼ੀਸ਼ ਗੁਪਤਾ, ਐਚਆਰ ਗਰੁੱਪ ਦੇ ਐਮਡੀ ਪ੍ਰਦੀਪ ਸਿੰਘ ਨਨਾਂਸੂ, ਰਮਨਦੀਪ ਸਿੰਘ ਡੀਲਵਾਲ, ਸੁਖਚੈਨ ਸਿੰਘ ਇੱਛੇਵਾਲ, ਰਮੇਸ਼ ਕੁਮਾਰ ਗੁਪਤਾ, ਦੀਪਕ ਸ਼ਰਮਾ ਡੀਕੇ, ਵਿਜੇ ਮਿੱਤਲ, ਦਿਨੇਸ਼, ਸੰਦੀਪ, ਐਡਵੋਕੇਟ ਹਰਿੰਦਰ ਸਿੰਘ ਲਚਕਾਨੀ, ਤੇਜਿੰਦਰ ਸਿੰਘ ਲਚਕਾਨੀ, ਸੰਜੀਵ ਕੁਮਾਰ ਸਮੇਤ ਹੋਰ ਭਾਜਪਾ ਵਰਕਰ ਮੌਜੂਦ ਰਹੇ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
