- Advertisement -
ਅੱਜ-ਨਾਮਾ
ਹਿਲਜੁਲ ਹੋਈ ਤਾਂ ਫੇਰ ਭੂਚਾਲ ਆਇਆ,
ਤ੍ਰਭਕੀ ਤੁਰਕੀ ਦੇ ਵੱਲ ਆ ਧਰਤ ਮੀਆਂ।
ਅੱਗੜ-ਪਿੱਛੜ ਗਏ ਢੱਠ ਮਕਾਨ-ਟਾਵਰ,
ਓਥੇ ਕਹਿਰ ਹੀ ਗਿਆ ਬੱਸ ਵਰਤ ਮੀਆਂ।
ਅਜੇ ਵੀ ਮ੍ਰਿਤਕਾਂ ਦੀ ਗਿਣਤੀ ਵਧੀ ਜਾਂਦੀ,
ਹਿੱਲਦੀ ਅਜੇ ਵੀ ਧਰਤ ਦੀ ਪਰਤ ਮੀਆਂ।
ਪਤਾ ਨਹੀਂ ਪੈਣੀ ਮੁਸੀਬਤ ਆ ਕਦੋਂ ਕਿੱਥੇ,
ਸੋਚਦਾ ਇਹੀ ਹਰ ਬਸ਼ਰ ਹੈ ਡਰਤ ਮੀਆਂ।
ਨਾ ਹੀ ਸਾਇੰਸ, ਨਾ ਦੱਸੇ ਕੋਈ ਜੋਤਸ਼ੀ ਹੀ,
ਅਗਲਾ ਦਿਨ ਆ ਕਿੱਦਾਂ ਦਾ ਆਉਣ ਵਾਲਾ।
ਕੁਦਰਤ ਮੂਹਰੇ ਨਹੀਂ ਕਿਸੇ ਦੀ ਪੇਸ਼ ਜਾਂਦੀ,
ਇਸ ਦਾ ਟੇਵਾ ਨਾ ਕੋਈ ਵੀ ਲਾਉਣ ਵਾਲਾ।
-ਤੀਸ ਮਾਰ ਖਾਂ
ਫਰਵਰੀ 7, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
