- Advertisement -
ਅੱਜ-ਨਾਮਾ
ਮਨੀਪੁਰ ਵਿੱਚ ਹਾਲਾਤ ਜਿਹੇ ਫੇਰ ਵਿਗੜੇ,
ਸੜਕਾਂ ਉੱਪਰ ਆ ਮੌਤ ਰਹੀ ਨੱਚ ਮੀਆਂ।
ਛੋਟੀ ਗਿਣਤੀ ਨੂੰ ਕੁੱਟ ਰਹੀ ਬਹੁ-ਗਿਣਤੀ,
ਮੰਨਣਾ ਸੌਖਾ ਨਹੀਂ ਖਬਰਾਂ ਦਾ ਸੱਚ ਮੀਆਂ।
ਮੀਡੀਆ ਪੁੱਛੇ ਤਾਂ ਪੀੜਤ ਨਾ ਬੋਲ ਸਕਦੇ,
ਰੁਕ ਜਾਏ ਜੀਭ ਤੇ ਭਰੇ ਪਏ ਗੱਚ ਮੀਆਂ।
ਲਾਸ਼ਾਂ ਰੁਲਦੀਆਂ ਸੰਸਕਾਰ ਤੋਂ ਬਿਨਾਂ ਜਿੱਥੇ,
ਰਿਹਾਇਸ਼ੀ ਕੁੱਲੇ ਸਭ ਰਹੇ ਆ ਮੱਚ ਮੀਆਂ।
ਬਣਦਾ ਫਿਕਰ ਨਹੀਂ ਰਾਜ ਸਰਕਾਰ ਕਰਦੀ,
ਕੀਤਾ ਏ ਕੇਂਦਰ ਦੀ ਨਹੀਂ ਸਰਕਾਰ ਮੀਆਂ।
ਸੀਜ਼ਨ ਸਰਦੀ ਦਾ ਆਇਆ ਹੈ ਸਿਰ ਉੱਤੇ,
ਮਰਦਿਆਂ ਪਿਆ ਨੂੰ ਠੰਢ ਦਊ ਮਾਰ ਮੀਆਂ।
-ਤੀਸ ਮਾਰ ਖਾਂ
ਸਤੰਬਰ 29, 2023
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
