ਅੱਜ-ਨਾਮਾ
ਚੰਗੀ ਖਬਰ ਇਸਰਾਈਲ ਦੀ ਅੱਜ ਆਈ,
ਲੜਾਈ ਰੋਕਣ ਦੀ ਸਹਿਮਤੀ ਹੋਈ ਬੇਲੀ।
ਤਬਾਹੀ ਹੋਈ ਜੋ ਗਾਜ਼ਾ-ਲਿਬਨਾਨ ਵੰਨੀਂ,
ਜਾਏ ਹਕੀਕਤ ਨਹੀਂ ਉਹ ਲੁਕੋਈ ਬੇਲੀ।
ਢੱਠਿਆਂ ਘਰਾਂ ਵਿੱਚ ਵਿਛੇ ਨੇ ਪਏ ਸੱਥਰ,
ਜਿਨ੍ਹਾਂ ਨਾਲ ਹੋਈ ਹੈ, ਜਾਂਵਦੇ ਰੋਈ ਬੇਲੀ।
ਵਰਿ੍ਹਆਂ ਤੀਕ ਨਾ ਜ਼ਿੰਦਗੀ ਰਾਸ ਆਉਣੀ,
ਬੋਝ ਬੱਸ ਜੀਵਨ ਦਾ ਜਾਣਗੇ ਢੋਈ ਬੇਲੀ।
ਕੀਤਾ ਠੀਕ ਕਿ ਫਾਇਰਿੰਗ ਹੈ ਗਈ ਰੋਕੀ,
ਬਿਨਾਂ ਸ਼ੱਕ ਮਿਥੀ ਮਿਆਦ ਸੀ ਘੱਟ ਬੇਲੀ।
ਰੱਖਣੀ ਪੈਣੀ ਆ ਇਹਦੀ ਕੁਝ ਚੌਕਸੀ ਵੀ,
ਦੇਵੇ ਨਾ ਅਮਨ ਦੀ ਤੰਦ ਕੋਈ ਕੱਟ ਬੇਲੀ।
ਤੀਸ ਮਾਰ ਖਾਂ
28 ਨਵੰਬਰ, 2024
ਇਹ ਵੀ ਪੜ੍ਹੋ: ਕੋਰਟ ਸੁਪਰੀਮ ਵਿੱਚ ਬੜੇ ਨੇ ਕੇਸ ਜਾਂਦੇ, ਕੋਈ ਫੇਲ੍ਹ, ਕੋਈ ਹੁੰਦਾ ਫਿਰ ਪਾਸ ਬੇਲੀ
