ਅੱਜ-ਨਾਮਾ
ਲੱਗ ਪਿਆ ਕੱਢਣ ਪਿਆਜ਼ ਸੀ ਜਦੋਂ ਹੰਝੂ,
ਮੁੜ ਕੇ ਨੀਂਦਰ ਤੋਂ ਜਾਗੀ ਸਰਕਾਰ ਬੇਲੀ।
ਵਧਦੀ ਕੀਮਤ ਨੂੰ ਰੋਕ ਜੀ ਕਿਵੇਂ ਲਾਉਣੀ,
ਲੱਗ ਪਈ ਹੋਣ ਫਿਰ ਸੋਚ-ਵਿਚਾਰ ਬੇਲੀ।
ਮਹਾਰਾਸ਼ਟਰ ਦੇ ਅੰਦਰ ਪਿਆਜ਼ ਉੱਗਣ,
ਹਰਿਆਣੇ ਤੀਕ ਵੀ ਮੁੱਲ ਦੀ ਮਾਰ ਬੇਲੀ।
ਮਿਲਦਾ ਈ ਕੱਖ ਕਿਸਾਨ ਨੂੰ ਨਹੀਂ ਓਧਰ,
ਏਧਰ ਹੋਇਆ ਪਿਆ ਮੱਠਾ ਵਪਾਰ ਬੇਲੀ।
ਰਾਜਾਂ ਦੋਵਾਂ ਵਿੱਚ ਆ ਗਈਆਂ ਹਨ ਚੋਣਾਂ,
ਲੋਕੀਂ ਦੋਹੀਂ ਥਾਂ ਬਹੁੜੀਆਂ ਪਾਉਣ ਬੇਲੀ।
ਕਾਬੂ ਕਰਿਆ ਪਿਆਜ਼ ਨਾ ਗਿਆ ਜੇਕਰ,
ਪੱਲੇ ਪੈ ਜਾਊਗਾ ਰੋਣ-ਪਛਤਾਉਣ ਬੇਲੀ।
-ਤੀਸ ਮਾਰ ਖਾਂ
30 ਸਤੰਬਰ, 2019 –
