ਅੱਜ-ਨਾਮਾ
ਚਰਚਾ ਹੁੰਦੀ ਪੰਜਾਬੀ ਪਏ ਪੁੱਤ ਮੰਗਣ,
ਜੰਮਦੀ ਧੀ ਤਾਂ ਵਰਤ ਜਾਏ ਸੋਗ ਬੇਲੀ।
ਹਰਿਆਣੇ ਵੱਲ ਵੀ ਹੁੰਦਾ ਹੈ ਨਿੱਤ ਇਹੀ,
ਦਿੱਲੀਓਂ ਪਰੇ ਹੈ ਪੁੱਜ ਗਿਆ ਰੋਗ ਬੇਲੀ।
ਚੀਨ ਵਿੱਚ ਵੀ ਸੁਣੇ ਬਈ ਪੁੱਤ ਖਾਤਰ,
ਪਾਗਲ ਲੱਗ ਪਏ ਹੋਣ ਹਨ ਲੋਗ ਬੇਲੀ।
ਬਾਹਲੇ ਬੱਚਿਆਂ ਦੀ ਸਖਤ ਰੋਕ ਕਾਰਨ,
ਪਾਈ ਜਾਣ ਕਈ ਧੀਆਂ ਦਾ ਭੋਗ ਬੇਲੀ।
ਗੈਂਗਾਂ ਛੋਹ ਲਿਆ ਕੰਮ ਕਿ ਖੂਨ ਸੈਂਪਲ,
ਹਾਂਗ ਕਾਂਗ ਵਿੱਚ ਲੱਗ ਪਏ ਜਾਣ ਬੇਲੀ।
ਓਥੇ ਟੈੱਸਟ ਫਿਰ ਓਥੇ ਹੀ ਮਾਰ ਧੀਆਂ,
ਆਉਂਦੀ ਚੀਨ ਨੂੰ ਪਰਤ ਮਕਾਣ ਬੇਲੀ।
-ਤੀਸ ਮਾਰ ਖਾਂ
ਅਕਤੂਬਰ, 21 2019 –
