36.1 C
Delhi
Friday, March 29, 2024
spot_img
spot_img

ਹਿਮਾਚਲ ਵਿੱਚ ‘ਲੈਂਡ ਸਲਾਈਡਿੰਗ’ ਦਾ ਕਹਿਰ, ਵਾਹਨਾਂ ’ਤੇ ਡਿੱਗੇ ਪੱਥਰ – ਘੁੰਮਣ ਆਏ 9 ਵਿਅਕਤੀਆਂ ਦੀ ਮੌਤ, 3 ਜ਼ਖ਼ਮੀ

ਯੈੱਸ ਪੰਜਾਬ
ਕਿਨੌਰ, 25 ਜੁਲਾਈ, 2021:
ਹਿਮਾਚਲ ਦੇ ਕਿਨੌਰ ਜ਼ਿਲ੍ਹੇ ਵਿੱਚ ਭਿਆਨਕ ਹਾਦਸਾ ਹੋਇਆ ਹੈ। ਇੱਥੇ ‘ਲੈਂਡ ਸਲਾਈÇੰਡੰਗ’ ਹੋਣ ਕਾਰਨ ਵੱਡੀਆਂ ਚੱਟਾਨਾਂ ਅਤੇ ਪੱਥਰਾਂ ਦੇ ਡਿੱਗਣ ਦੇ ਸਿਲਸਿਲੇ ਵਿੱਚ ਇਕ ਟੂਰਿਸਟ ਗੱਡੀ ਚਪੇਟ ਵਿੱਚ ਆ ਗਈ ਜਿਸ ਵਿੱਚ ਸਵਾਰ 9 ਵਿਅਕਤੀਆਂ ਦੀ ਮੌਤ ਹੋ ਜਾਣ ਅਤੇ 3 ਦੇ ਜ਼ਖ਼ਮੀ ਹੋਣ ਦੀ ਸੂਚਨਾ ਹੈ।

ਪਤਾ ਲੱਗਾ ਹੈ ਕਿ ਹਾਦਸੇ ਵਿੱਚ ਮਾਰੇ ਗਏ ਅਤੇ ਜ਼ਖ਼ਮੀ ਹੋਏ ਟੂਰਿਸਟ ਦਿੱਲੀ ਅਤੇ ਚੰਡੀਗੜ੍ਹ ਤੋਂ ਘੁੰਮਣ ਲਈ ਆਏ ਸਨ। ਇਹ ਵੀ ਖ਼ਬਰ ਹੈ ਕਿ ਪੱਥਰ ਡਿੱਗਣ ਕਾਰਨ ਕੁਝ ਹੋਰਨਾਂ ਵਾਹਨਾਂ ਨੂੰ ਵੀ ਨੁਕਸਾਨ ਪੁੱਜਾ ਹੈ।

ਘਟਨਾ ਬਟੇਸਰੀ ਦੇ ਗੁੰਸਾ ਕੋਲ ਵਾਪਰੀ। ਜਾਣਕਾਰੀ ਅਨੁਸਾਰ ਟੂਰਿਸਟਾਂ ਦਾ ਵਾਹਨ ਛਿਤਕੁਲ ਤੋਂ ਸਾਂਗਲਾ ਵੱਲ ਆ ਰਿਹਾ ਸੀ ਅਤੇ ਇਸੇ ਦੌਰਾਨ ਹੋਈ ਲੈਂਡ ਸਲਾਈਡਿੰਗ ਦੇ ਚੱਲਦਿਆਂ ਭਾਰੀ ਪੱਥਰ ਗੱਡੀਆਂ ’ਤੇ ਆ ਪਏ ਜਿਸ ਨਾਲ ਇਕ ਦਮ ਚੀਕ ਚਿਹਾੜਾ ਮਚ ਗਿਆ।

ਬਟੇਸਰੀ ਦੇ ਵਸਨੀਕਾਂ ਨੇ ਰਾਹਤ ਕਾਰਜ ਸ਼ੁਰੂ ਕੀਤੇ ਅਤੇ ਨਾਲ ਹੀ ਪੁਲਿਸ ਅਤੇ ਪ੍ਰਸ਼ਾਸ਼ਨ ਨੂੰ ਸੂਚਿਤ ਕੀਤਾ ਗਿਆ ਪਰ ਪੱਥਰਾਂ ਦੇ ਡਿੱਗਣ ਦਾ ਸਿਲਸਿਲਾ ਲਗਾਤਾਰ ਚੱਲਦੇ ਰਹਿਣ ਕਾਰਨ ਬਚਾਅ ਅਤੇ ਰਾਹਤ ਕਾਰਜਾਂ ਵਿੱਚ ਦਿੱਕਤ ਆ ਰਹੀ ਹੈ। ਇਸੇ ਦੇ ਚੱਲਦਿਆਂ ਪ੍ਰਸ਼ਾਸ਼ਨ ਨੇ ਸਰਕਾਰ ਤੋਂ ਜ਼ਖ਼ਮੀਆਂ ਨੂੰ ਹਸਪਤਾਲ ਪੁਚਾਉਣ ਲਈ ਹੈਲੀਕਾਪਟਰ ਦੀ ਮੰਗ ਕੀਤੀ ਹੈ।

ਇਹ ਵੀ ਖ਼ਬਰ ਹੈ ਕਿ ‘ਲੈਂਡ ਸਲਾਈਡਿੰਗ’ ਕਾਰਨ ਬਾਸਪਾ ਦਰਿਆ ’ਤੇ ਬਣਿਆ ਪੁੱਲ ਟੁੱਟ ਗਿਆ ਹੈ ਜਿਸ ਕਾਰਨ ਇਲਾਕੇ ਦਾ ਸੰਪਰਕ ਬਾਕੀ ਇਲਾਕੇ ਤੋਂ ਕੱਟਿਆ ਗਿਆ ਹੈ। ਕਿਨੌਰ ਦੇ ਡੀ.ਸੀ. ਸ੍ਰੀ ਆਬਿਕ ਹੁਸੈਨ ਸਾਦਿਕ ਅਤੇ ਐਸ.ਪੀ.ਐਸ.ਆਰ.ਰਾਣਾ ਮੌਕੇ ’ਤੇ ਮੌਜੂਦ ਹਨ ਅਤੇ ਰਾਹਤ ਕਾਰਜਾਂ ਦੀ ਨਿਗਰਾਨੀ ਕਰ ਰਹੇ ਹਨ।

ਇਸੇ ਦੌਰਾਨ ਇਹ ਵੀ ਖ਼ਬਰ ਹੈ ਕਿ ਕਾਜ਼ਾ-ਸਮਦੋ ਮਾਰਗ ’ਤੇ ਸਥਿਤ ਲਾਰਾ ਨਾਲੇ ਵਿੱਚ ਸਨਿਚਰਵਾਰ ਰਾਤ ਨੂੰ ਬੱਦਲ ਫ਼ਟਣ ਅਤੇ ਭਾਰੀ ਬਾਰਿਸ਼ ਦੇ ਚੱਲਦਿਆਂ ਨਾਲੇ ਵਿੱਚ ਹੜ੍ਹ ਵਾਲੀ ਸਥਿਤੀ ਬਣ ਗਈ ਜਿਸ ਨਾਲ ਕਿਸੇ ਜਾਨੀ ਨੁਕਸਾਨ ਦੀ ਸੂਚਨਾ ਤਾਂਨਹੀੀ ਹੈ ਪਰ ਸੜਕ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ ਹੈ ਜਿਸ ਕਰਕੇ ਦੋਵੇਂ ਪਾਸੇ ਦਰਜਨਾਂ ਵਾਹਨ ਫ਼ਸੇ ਹੋਏ ਹਨ। ਪ੍ਰਸ਼ਾਸ਼ਨ ਇਸ ਸੜਕ ਨੂੰ ਰਿਪੇਅਰ ਕਰਕੇ ਆਵਾਜਾਈ ਬਹਾਲ ਕਰਨ ਲਈ ਯਤਨਸ਼ੀਲ ਹੈ।

 

TOP STORIES

PUNJAB NEWS

TRANSFERS & POSTINGS

Stay Connected

223,537FansLike
113,236FollowersFollow

ENTERTAINMENT

NRI - OCI

GADGETS & TECH

SIKHS

NATIONAL

WORLD

OPINION