ਲੁਧਿਆਣਾ, ਅਕਤੂਬਰ 16, 2019 –
ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਵੇਂ ਜਨਮ ਦਿਹਾੜੇ ਨੂੰ ਸਮਰਪਿਤ, ਅੰਤਰਰਾਸ਼ਟਰੀ ਸਿੱਖ ਯੂਥ ਕਾਨਫਰੰਸ ਅਤੇ ਇੰਟਰਫੇਥ ਗਲੋਬਲ ਸੰਮੇਲਨ 19 ਅਤੇ 20 ਅਕਤੂਬਰ ਨੂੰ ਲੁਧਿਆਣਾ ਵਿਖੇ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਦੋਨੋਂ ਅੰਤਰਰਾਸ਼ਟਰੀ ਸਮਾਗਮ ਦੇ ਪ੍ਰਬੰਧਾਂ ਦਾ ਜਾਇਜ਼ਾ ਲੈਣ ਲਈ ਗੁਰਦੁਆਰਾ ਦੁਖਨਿਵਾਰਨ ਸਿੰਘ ਵਿਖੇ ਇਕ ਮੀਟਿੰਗ ਕੀਤੀ ਗਈ।
ਅਲਾਇੰਸ ਆਫ ਸਿੱਖ ਆਰਗੇਨਾਈਜ਼ੇਸ਼ਨ ਦੁਆਰਾ.ਆਯੋਜਿਤ ਅੰਤਰਰਾਸ਼ਟਰੀ ਸਿੱਖ ਯੂਥ ਕਾਨਫਰੰਸ 19 ਅਕਤੂਬਰ ਨੂੰ ਰਾਮਗੜ੍ਹੀਆ ਗਰਲਜ਼ ਕਾਲਜ, ਮਿਲਰ ਗੰਜ ਵਿਖੇ ਕੀਤੀ ਜਾਏਗੀ ਜਿਸ ਵਿਚ ਯੂਕੇ ਤੋਂ ਪਹਿਲੇ ਸਿੱਖ ਸੰਸਦ ਮੈਂਬਰ ਤਨਮਨਜੀਤ ਸਿੰਘ ਢੇਸੀ , ਈਕੋਸਿੱਖ ਦੇ ਪ੍ਰਧਾਨ ਡਾ: ਰਾਜਵੰਤ ਸਿੰਘ, ਰਾਸ਼ਟਰਪਤੀ ਪੁਰਸਕਾਰ ਜੇਤੂ ਸਪੇਨ ਗਗਨਦੀਪ ਸਿੰਘ ਖਾਲਸਾ, ਪਹਿਲਾ ਸਿੱਖ ਲੀਡ ਚੈਪਲਿਨ ਯੂਕੇ ਕਰਤਾਰ ਸਿੰਘ, ਬ੍ਰਿਟਿਸ਼ ਆਰਮਡ ਫੋਰਸਿਜ਼ ਦੀ ਸਿੱਖ ਚੈਪਲਿਨ ਮਨਦੀਪ ਕੌਰ ਯੂਕੇ, ਡਾ: ਸੁਖਪ੍ਰੀਤ ਸਿੰਘ ਉਧੋਕੇ , ਨੌਜਵਾਨ ਉਦਮੀ ਕਰਨਵੀਰ ਸਿੰਘ ਇਕੱਠ ਦੌਰਾਨ ਸੰਬੋਧਨ ਕਰਨਗੇ।
20 ਅਕਤੂਬਰ ਨੂੰ ਇੰਟਰਫੇਥ ਗਲੋਬਲ ਸੰਮੇਲਨ ਡਾ. ਮਨਮੋਹਨ ਸਿੰਘ ਆਡੀਟੋਰੀਅਮ, ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ (ਪੀ.ਏ.ਯੂ.) ਵਿਖੇ ਆਯੋਜਿਤ ਕੀਤਾ ਜਾਵੇਗਾ ਜਿਸ ਵਿਚ ਅਕਾਲ ਤਖ਼ਤ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ, ਯਹੂਦੀ ਵਿਦਵਾਨ, ਸਵਿੱਜ਼ਰਲੈਂਡ ਕੇਵਿਨ ਅਰਸਤਿਡ ਕੁਰਨੇਲਿਸ, ਬੀ ਕੇ ਅੰਕਿਤਾ ਬ੍ਰਹਮਾ ਕੁਮਾਰੀ ਵਰਲਡ ਰੂਹਾਨੀ ਯੂਨੀਵਰਸਿਟੀ ਤੋਂ , ਚੀਫ ਇਮਾਮ ਇੰਡੀਆ ਮੌਲਾਨਾ ਮੁਹੰਮਦ ਉਮੈਰ ਅਲਾਸੀ, ਤਿੱਬਤੀ ਕੇਂਦਰ ਅਮਰੀਕਾ ਦੇ ਡਾਇਰੈਕਟਰ ਨਿਕੋਲਸ ਵਰਲੈਂਡ ਅਤੇ ਰੇਵਰੇਂਟ ਐੱਫ. ਆਰਟ ਬਿਸ਼ਪ ਦਿੱਲੀ ਦੇ ਸੈਕਟਰੀ ਅਜੀਤ ਪੈਟ੍ਰਿਕ ਹਿੱਸਾ ਲੈਣਗੇ।
ਗੁਰਦੁਆਰਾ ਦੁਖਨਿਵਾਰਨ ਸਾਹਿਬ ਦੇ ਪ੍ਰਧਾਨ ਪ੍ਰਿਤਪਾਲ ਸਿੰਘ ਪਾਲੀ, ਨਾਇਬ ਸ਼ਾਹੀ ਇਮਾਮ ਮੌਲਾਣਾ ਰਹਿਮਾਨ ਉਸਮਾਨ ਲੁਧਿਆਣਵੀ , ਪਰਮਪਾਲ ਸਿੰਘ, ਗੁਰਸਾਹਿਬ ਸਿੰਘ, ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਅੰਤਰਰਾਸ਼ਟਰੀ ਸਿੱਖ ਯੂਥ ਕਾਨਫ਼ਰੰਸ ਅਤੇ ਅੰਤਰਰਾਸ਼ਟਰੀ ਗਲੋਬਲ ਸੰਮੇਲਨ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਵੇਂ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਹੈ। ਉਨ੍ਹਾਂ ਨੇ ਕਿਹਾ ਕਿ ਵਿਸ਼ਵ ਭਰ ਦੀਆਂ ਚੋਟੀ ਦੀਆਂ ਸ਼ਖਸੀਅਤਾਂ ਹਿੱਸਾ ਲੈਣ ਵਾਲਿਆਂ ਨੂੰ ਸੰਬੋਧਿਤ ਕਰਨਗੀਆਂ ਅਤੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀਆਂ ਸਮਾਨਤਾਵਾਂ ਅਤੇ ਹੋਰ ਸਿੱਖਿਆਵਾਂ ਬਾਰੇ ਗੱਲ ਕਰਨਗੀਆਂ।
ਓਹਨਾ ਦਸਿਆ ਕਿ 100 ਤੋਂ ਵੱਧ ਐਨਜੀਓਜ਼, ਸੰਸਥਾਵਾਂ ਜਿਨ੍ਹਾਂ ਵਿੱਚ ਬਸਿਕਸ ਆਫ ਸਿੱਖੀ , ਦਸਵੰਧ ਗਰੁੱਪ , ਸਿਖਸ ਫਾਰ ਇਕੁਆਲੀਟੀ, ਬਾਬਾ ਮੁਕੰਦ ਸਿੰਘ ਮਨੁੱਖੀ ਭਲਾਈ ਸੰਗਠਨ, ਅਤੇ ਹੋਰ ਸਹਿਯੋਗੀ ਹੋਣਗੀਆਂ।
ਇਸ ਨੂੰ ਵੀ ਪੜ੍ਹੋ:
ਇੰਗਲੈਂਡ ’ਚ ਪੰਜਾਬੀਆਂ ਦੇ ਵਿਆਹ ’ਤੇ ਹੋਈ ‘ਬਦਸ਼ਗਨੀ’, 4 ਬੰਦੇ ਹਸਪਤਾਲ ’ਚ – ਵੇਖ਼ੋ ਵੀਡੀਉ