ਅੱਜ-ਨਾਮਾ
ਹਰ ਕੋਈ ਨਜ਼ਰ ਹੈ ਅੱਜ ਕਸ਼ਮੀਰ ਵੰਨੀਂ,
ਜਿੱਧਰ ਪਤਾ ਨਹੀਂ ਕਦੋਂ ਕੀ ਹੋਊ ਮੀਆਂ।
ਫਸ ਗਏ ਓਥੇ ਸੀ ਯਾਤਰਾ ਕਰਨ ਵਾਲੇ,
ਕੌਣ ਘਰਾਂ ਵੱਲ ਭੀੜ ਇਹ ਢੋਊ ਮੀਆਂ।
ਕਾਰ-ਵਿਹਾਰ ਵੀ ਹੋ ਗਿਆ ਠੱਪ ਕਹਿੰਦੇ,
ਮ੍ਹਾਤੜ ਭੁੱਖ ਦੇ ਨਾਲ ਪਿਆ ਰੋਊ ਮੀਆਂ।
ਪਿਛਲੇ ਧੋਣੇ ਨਹੀਂ ਹਾਲੇ ਤੱਕ ਗਏ ਧੋਤੇ,
ਨਵਿਆਂ ਦਾਗਾਂ ਨੂੰ ਕੌਣ ਆ ਧੋਊ ਮੀਆਂ।
ਰਾਜਨੀਤੀ ਲਿਆ ਵੰਡ ਕਸ਼ਮੀਰ ਪਹਿਲਾਂ,
ਬੇੜਾ ਪਿੱਛੋਂ ਫਿਰ ਕੀਤੜਾ ਗਰਕ ਮੀਆਂ।
ਵੱਧ ਸਵਰਗ ਤੋਂ ਸੀਗੀ ਕਸ਼ਮੀਰ ਵਾਦੀ,
ਮਾਰ-ਧਾੜ ਨਾਲ ਬਣੀ ਹੈ ਨਰਕ ਮੀਆਂ।
-ਤੀਸ ਮਾਰ ਖਾਂ
ਅਗਸਤ 4, 2019