ਯੈੱਸ ਪੰਜਾਬ
ਨਵੀਂ ਦਿੱਲੀ, 27 ਅਕਤੂਬਰ, 2020 –
ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਆਈ.ਏ.ਐਸ ਸਮੇਤ ਹੋਰ ਸਿਵਿਲ ਸੇਵਾਵਾਂ ’ਚ ਸਿੱਖ ਬੱਚਿਆਂ ਦੀ ਚੌਣ ਨੂੰ ਸੁਨਿਸ਼ਚਿਤ ਕਰਨ ਲਈ ਰਾਜਧਾਨੀ ਦਿੱਲੀ ਵਿਖੇ ਵਿਸ਼ਿਸ਼ਟ ਸਿੱਖ ਬੱਚਿਆਂ ਦੀ ਟ੍ਰੇਨਿੰਗ ਲਈ ਗੁਰੂ ਤੇਗ ਬਹਾਦਰ ਅਕਾਦਮੀ ਸਥਾਪਿਤ ਕੀਤੀ ਹੈ।
ਦੇਸ਼ ਵਿਚ ਸਿੱਖ ਬੱਚਿਆਂ ਦੀ ਪ੍ਰਸ਼ਾਸਨ ਵਿਚ ਹਿੱਸੇਦਾਰੀ ਵਧਾਉਣ ਦੇ ਮੰਤਵ ਨਾਲ ਖੋਲ੍ਹੀ ਗਈ ਇਸ ਪਹਿਲੀ ਅਕਾਦਮੀ ’ਚ ਵਿਸ਼ਿਸ਼ਟ ਸਿੱਖ ਵਿਦਿਆਰਥੀਆਂ ਨੂੰ ਸਿਵਲ ਸੇਵਾਵਾਂ ਲਈ ਟ੍ਰੇਨਿੰਗ ਪ੍ਰਦਾਨ ਕੀਤੀ ਜਾਵੇਗੀ ਤਾਂ ਕਿ ਸਿਵਲ ਸੇਵਾਵਾਂ ’ਚ ਸਿੱਖਾਂ ਦੀ ਭਾਗੀਦਾਰੀ ਵਧਾਈ ਜਾ ਸਕੇ। ਇਹ ਅਕਾਦਮੀ ਵਿਸ਼ਵ ਪੰਜਾਬੀ ਸਗੰਠਨ ਦੇ ਪ੍ਰਧਾਨ ਅਤੇ ਦਾਨਵੀਰ ਵਿਕਰਮ ਸਿੰਘ ਸਾਹਨੀ ਦੀ ਅਗੁਵਾਈ ’ਚ ਸਥਾਪਿਤ ਕੀਤੀ ਗਈ ਹੈ।
ਇਹ ਜਾਣਕਾਰੀ ਦਿੰਦੇ ਹੋਏ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਨੇ ਦੱਸਿਆ ਕਿ ਅਕਾਦਮੀ ਰਾਜਧਾਨੀ ਦਿੱਲੀ ਵਿਖੇ ਸਿੱਖ ਬੱਚਿਆਂ ਨੂੰ ਨਾਮਵਰ ਪ੍ਰਾਈਵੇਟ ਕੋਚਿੰਗ ਸੰਸਥਾਨਾਂ ’ਚ ਸਪਾਂਸਰ ਕਰੇਗੀ ਅਤੇ ਸਪਾਂਸਰ ਬੱਚਿਆਂ ਦੀ ਕੋਚਿੰਗ ਫ਼ੀਹ ਦਾ 85 ਫ਼ੀਸਦ ਅੰਸ਼ਦਾਨ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਕੀਤਾ ਜਾਵੇਗਾ।
ਉਨ੍ਹਾਂ ਦੱਸਿਆ ਕਿ ਗਰੀਬ ਪਰਿਵਾਰਾਂ ਦੇ ਪ੍ਰਤਿਭਾਵਾਨ ਵਿਦਿਆਰਥੀਆਂ ਨੂੰ 100 ਫ਼ੀਸਦ ਤੱਕ ਦੀ ਫ਼ੀਸ ਵੀ ਸਪਾਂਸਰ ਕੀਤੀ ਜਾਵੇਗੀ ਤਾਂ ਜੋ ਉਹ ਦੇਸ਼ ਦੇ ਸੰਪੰਨ ਅਮੀਰ ਪਰਿਵਾਰ ਦੇ ਬੱਚਿਆਂ ਦੀ ਬਰਾਬਰੀ ਕਰ ਸਕਣ।
ਸ. ਸਿਰਸਾ ਨੇ ਦੱਸਿਆ ਕਿ ਸਿਵਲ ਸੇਵਾਵਾਂ ਦੀ ਆਰੰਭਕ ਪ੍ਰੀਖਿਆ ਪਾਸ ਕਰ ਚੁਕੇ ਸਾਰੇ ਸਿੱਖ ਧਰਮ ਦੇ ਵਿਦਿਆਰਥੀ ਇਸ ਯੋਜਨਾ ਦੇ ਲਾਭ ਦੇ ਪਾਤਰ ਹਨ ਅਤੇ ਦੇਸ਼ ਦੇ ਕਿਸੇ ਵੀ ਹਿੱਸੇ ’ਚ ਵੱਸਣ ਵਾਲੇ ਸਿੱਖ ਧਰਮ ਦੇ ਵਿਦਿਆਰਥੀ ਇਸ ਯੋਜਨਾ ’ਚ ਖੁਦ ਨੂੰ ਰਜਿਸਟਰਡ ਕਰਵਾ ਸਕਦੇ ਹਨ। ਸ. ਸਿਰਸਾ ਨੇ ਦੱਸਿਆ ਕਿ ਸਾਰੇ ਸਪਾਂਸਰ ਕੀਤੇ ਗਏ ਵਿਦਿਆਰਥੀਆਂ ਨੂੰ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਦਿੱਲੀ ’ਚ ਮੁਫ਼ਤ ਰਹਿਣ-ਸਹਿਣ, ਟ੍ਰਾਂਸਪੋਰਟ ਆਦਿ ਦੀ ਵੀ ਵਿਵਸਥਾ ਕਰਗੀ ਤਾਂ ਕਿ ਉਥੋਂ ਆਉਣ ਵਾਲੇ ਵਿਦਿਆਥੀਆਂ ਨੂੰ ਕਿਸੇ ਪਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਏ।
ਸ. ਸਿਰਸਾ ਨੇ ਕਿਹਾ ਕਿ ਇਸ ਯੋਜਨਾ ’ਚ ਸਮਰਪਿਤ ਪ੍ਰਤਿਭਾਵਾਨ ਬੱਚਿਆਂ ਦੀ ਚੌਣ ਲਈ ਪੰਜ ਸਿੱਖ ਰਿਟਾਇਰਡ ਆਈ.ਏ.ਐਸ/ਆਈ.ਪੀ.ਐਸ ਅਧਿਕਾਰੀਆਂ ਦੀ ਕਮੇਟੀ ਗਠਿਤ ਕੀਤੀ ਗਈ ਹੈ ਜੋ ਬੱਚਿਆਂ ਦੇ ਰੁਝਾਨ/ਉਪਯੋਗਿਤਾ/ਸਮਰਪਣ ਪ੍ਰਤਿਬਧਤਾ ਦੇ ਮਾਪਦੰਡਾਂ ਦੇ ਅਨੁਰੂਪ ਸਿੱਖ ਬੱਚਿਆਂ ਦੀ ਚੌਣ ਕਰੇਗੀ ਜਿਨ੍ਹਾਂ ਨੂੰ ਕਮੇਟੀ ਵੱਲੋਂ ਟ੍ਰੇਨਿੰਗ ਲਈ ਸਪਾਂਸਰ ਕੀਤਾ ਜਾਵੇਗਾ। ਸ. ਸਿਰਸਾ ਨੇ ਕਿਹਾ ਕਿ ਚੁਣੇ ਹੋਏ ਸਿੱਖ ਬੱਚਿਆਂ ਦੇ ਪਹਿਲੇ ਬੈਂਚ ਦੀ ਕੋਚਿੰਗ ਦਸੰਬਰ ’ਚ ਸ਼ੁਰੂ ਹੋ ਜਾਵੇਗੀ।
ਉਨ੍ਹਾਂ ਦੱਸਿਆ ਕਿ ਇਹ ਯੋਜਨਾ ਭਵਿੱਖ ਵਿਚ ਸਿੱਖ ਧਰਮ ਦੀ ਪੀੜ੍ਹੀ ਨੂੰ ਪ੍ਰਸਿੱਧ ਸਿਵਲ ਸੇਵਾਵਾਂ ਰਾਹੀਂ ਦੇਸ਼ ਦੀ ਸੇਵਾ ਕਰਨ ਦਾ ਮੌਕਾ ਮਿਲੇ ਨੂੰ ਧਿਆਨ ’ਚ ਰੱਖਦੇ ਹੋਏ ਸ਼ੁਰੂ ਕੀਤੀ ਗਈ ਹੈ ਤਾਂ ਕਿ ਸਿੱਖ ਸਮੁਦਾਇ ਦੇਸ਼ ਦੀ ਭਾਗੀਦਾਰੀ ’ਚ ਆਪਣਾ ਮਹੱਤਵਪੂਰਣ ਰੋਲ ਅਦਾ ਕਰ ਸਕੇ।
Click here to Like us on Facebook