ਅੱਜ-ਨਾਮਾ
ਸਿਆਸਤ ਫਿਰਦੀ ਪੰਜਾਬ ਦੀ ਹੋਰ ਤਰਫੀਂ,
ਚੱਲਦੀ ਕਾਂਗਰਸ ਦੀ ਤਰਫ ਹੈ ਹੋਰ ਮੀਆਂ।
ਆਪਸ ਵਿੱਚ ਨਹੀਂ ਕਿਸੇ ਦਾ ਰਾਗ ਮਿਲਦਾ,
ਸਾਰਿਆਂ ਰਾਗਾਂ ਦੀ ਵੱਖ ਜਿਹੀ ਤੋਰ ਮੀਆਂ।
ਮਿਲੇ ਵਕਤ ਤਾਂ ਕੈਪਟਨ ਦੇ ਮਗਰ ਭੱਜਣ,
ਲਾਉਣ ਸਾਰਾ ਇਹ ਭੰਡਣ ਨੂੰ ਜ਼ੋਰ ਮੀਆਂ।
ਹਫਤੇ ਬਾਅਦ ਬੱਸ ਇੱਕ ਬਿਆਨ ਜੜਦਾ,
ਉਹ ਖਿਝਾਉਣ ਲਈ ਖਿੱਚਦਾ ਡੋਰ ਮੀਆਂ।
ਚੋਭਾਂ ਲਾਉਣ ਦੀ ਚੁਸਤ ਜਿਹੀ ਰਾਜਨੀਤੀ,
ਜਾਂਵਦਾ ਵਰਤ ਆ ਵਕਤ ਨੂੰ ਵੇਖ ਮੀਆਂ।
ਪੈਂਦੇ ਭੜਕ ਫਿਰ ਸਾਰੇ ਹਨ ਕਾਂਗਰਸੀਏ,
ਵੱਜਦੀ ਅੱਡੀ ਦੇ ਹੇਠ ਜਿਉਂ ਮੇਖ ਮੀਆਂ।
-ਤੀਸ ਮਾਰ ਖਾਂ
ਮਈ 27, 2022