ਅੱਜ-ਨਾਮਾ
ਸਚਿਨ ਪਾਇਲਟ ਹੈ ਭੜਕਦਾ ਫੇਰ ਲੱਗਦਾ,
ਲਿਖ ਕੇ ਚਿੱਠੀ ਗਹਿਲੋਤ ਨੂੰ ਪਾਈ ਮਿੱਤਰ।
ਪਛੜੀਆਂ ਜਾਤਾਂ ਦਾ ਲਿਆ ਈ ਚੁੱਕ ਮੁੱਦਾ,
ਨੌਕਰੀਆਂ ਵਾਲੀ ਹੈ ਗੱਲ ਉਠਾਈ ਮਿੱਤਰ।
ਸੱਜਣ ਸਚਿਨ ਦੇ ਬਾਹਰ ਬਿਆਨ ਦਾਗਣ,
ਹੜਬੜ ਜਾਪਦੀ ਫਿਰਨ ਮਚਾਈ ਮਿੱਤਰ।
ਅੱਗਿਉਂ ਵਾਧੂ ਗਹਿਲੋਤ ਨਹੀਂ ਬੋਲਦਾ ਈ,
ਉਹਨੂੰ ਚੁੱਪ ਜਿਹੀ ਰਾਸ ਹੈ ਆਈ ਮਿੱਤਰ।
ਚਿੱਠੀਆਂ ਕਿੰਨੀਆ ਸਚਿਨ ਜੇ ਲਿਖੀ ਜਾਵੇ,
ਹੋਣਾ ਏਦਾਂ ਦੀ ਡਾਕ ਦਾ ਅਸਰ ਨਹੀਂ ਜੀ।
ਆ ਗਿਆ ਜਦੋਂ ਗਹਿਲੋਤ ਦੀ ਦਾੜ੍ਹ ਹੇਠਾਂ,
ਓਦਣ ਛੱਡਣੀ ਓਸ ਵੀ ਕਸਰ ਨਹੀਂ ਜੀ।
-ਤੀਸ ਮਾਰ ਖਾਂ
ਸਤੰਬਰ 15, 2020
ਇਸ ਨੂੰ ਵੀ ਪੜ੍ਹੋ:
ਖ਼ੇਤੀ ਆਰਡੀਨੈਂਸਾਂ ’ਤੇ ਅਕਾਲੀ ਦਲ ਦਾ ਮੋੜਾ: ਬਹੁਤ ਦੇਰ ਕੀ ਮੇਹਰਬਾਂ ਆਤੇ ਆਤੇ – ਐੱਚ.ਐੱਸ.ਬਾਵਾ
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
