ਚੰਡੀਗੜ੍ਹ, ਅਕਤੂਬਰ 22, 2019:
ਚਾਸ਼ਨੀ ਰੀਪ੍ਰਾਈਜ਼, ਹੀਰੀਏ, ਜੱਗ ਘੁੰਮਿਆ, ਸਵੈਗ ਸੇ ਸਵਾਗਤ, ਨਈਂ ਜਾਣਾ ਅਤੇ ਦਿਲ ਦੀਆਂ ਗੱਲਾਂ ਜਿਹੇ ਸੁਪਰ ਹਿੱਟ ਗਾਣੇ ਦੇਣ ਤੋਂ ਬਾਅਦ ਹੁਣ ਨੇਹਾ ਭਸੀਨ ਲੈ ਕੇ ਆਏ ਨੇ ਇੱਕ ਹੋਰ ਜਬਰਦਸਤ ਗੀਤ।
ਬਹੁਤ ਹੀ ਪ੍ਰਸਿੱਧ ਅਤੇ ਪੁਰਾਣਿਕ ਲੋਕ ਕਥਾ ਤੇ ਅਧਾਰਿਤ ਸੱਸੇ ਪੁੱਤਰ ਨੂੰ ਦੁਬਾਰਾ ਬਣਾਇਆ ਗਿਆ ਹੈ ਅਤੇ ਬਹੁ-ਗੁਣੀ ਗਾਇਕਾ ਨੇਹਾ ਭਸੀਨ ਨੇ ਇਸਨੂੰ ਮਾਡਰਨ ਪੌਪ ਅਤੇ ਗਲੈਮਰ ਦਾ ਤੜਕਾ ਲਾਇਆ ਹੈ। ਇਸ ਵਰਜ਼ਨ ਨੂੰ ਦੁਬਾਰਾ ਲਿਖਿਆ ਹੈ ਗੁਰਪ੍ਰੀਤ ਸੈਣੀ ਅਤੇ ਗੌਤਮ ਸ਼ਰਮਾ ਨੇ ਅਤੇ ਪ੍ਰੋਡਿਊਸ ਕੀਤਾ ਹੈ ਸਮੀਰ ਉਡੀਨ ਨੇ। ਪ੍ਰਸਿੱਧ ਕਾਮੇਡੀਅਨ ਕੀਕੂ ਸ਼ਾਰਦਾ ਨੇ ਇਸ ਗੀਤ ਵਿੱਚ ਫੀਚਰ ਕੀਤਾ ਹੈ।
ਸੱਸੇ ਪੁੱਤਰ ਬਾਰੇ ਗੱਲ ਕਰਦੇ ਹੋਏ ਨੇਹਾ ਨੇ ਕਿਹਾ, “ਇਹ ਗੀਤ ਮੇਰਾ ਬਚਪਨ ਤੋਂ ਮਨਪਸੰਦੀਦਾ ਹੈ। ਇਸ ਗੀਤ ਨਾਲ ਮੇਰੀਆਂ ਬਹੁਤ ਹੀ ਖੂਬਸੂਰਤ ਯਾਦਾਂ ਜੁੜੀਆਂ ਹਨ ਜਦੋਂ ਮੈਂ ਵੱਡੀ ਹੋ ਰਹੀ ਸੀ ਤਾਂ ਮੇਰੀ ਮਾਂ ਮੇਰੇ ਲਈ ਇਹ ਗੀਤ ਗੁਣਗੁਣਾਉਂਦੀ ਸੀ। ਭਾਵੇਂ ਇਹ ਇੱਕ ਪੁਰਾਣਾ ਲੋਕ ਗੀਤ ਹੈ ਪਰ ਅਸੀਂ ਇਸਦਾ ਜ਼ਿਆਦਾਤਰ ਹਿੱਸਾ ਦੁਬਾਰਾ ਕੰਪੋਜ਼ ਕਰਕੇ ਨਵਾਂ ਬਣਾਇਆ ਹੈ। ਫਿਰ ਵੀ ਅਸੀਂ ਸਾਰੀ ਰੇਟਰੋ ਫੀਲ ਨੂੰ ਪੁਰਾਣੇ ਕੋਰਸ ਨਾਲ ਬਰਕਰਾਰ ਰੱਖਿਆ ਹੈ।”
ਮਾਂ ਦੇ ਲਾਡਲੇ ਬੇਟੇ ਨੂੰ ਲੈਕੇ ਸਦੀਆਂ ਤੋਂ ਚੱਲ ਰਹੀ ਨੂੰਹ ਸੱਸ ਦੀ ਨੋਕ ਝੋਕ ਨੂੰ ਇੱਕ ਬਹੁਤ ਹੀ ਨਿਵੇਕਲੇ ਅੰਦਾਜ਼, ਮਾਡਰਨ ਸਾਊਂਡ ਨਾਲ ਸੱਸੇ ਪੁੱਤਰ ਦੇ ਰੂਪ ਚ ਪੇਸ਼ ਕੀਤਾ ਗਿਆ ਹੈ।
ਗਾਣਾ ਵੇਖੋ
ਅੱਗੇ ਵੀਡੀਓ ਬਾਰੇ ਗੱਲ ਕਰਦੇ ਹੋਏ ਨੇਹਾ ਭਸੀਨ ਨੇ ਕਿਹਾ, “ਵੀਡੀਓ ਵਿਚ ਅਸੀਂ ਨੂੰਹ ਸੱਸ ਦੀ ਲੜਾਈ ਨੂੰ ਮੌਡਰਨ ਅੰਦਾਜ਼ ਵਿੱਚ ਬੌਕਸਿੰਗ ਰਿੰਗ ਵਿਚ ਦਿਖਾਇਆ ਹੈ ਤੇ ਜਿੱਤ ਦੇ ਰੂਪ ਵਿਚ ਸੱਸ ਦੇ ਲਾਡਲੇ ਬੇਟੇ ਨੂੰ ਰੱਖਿਆ ਗਿਆ ਹੈ। ਗਾਣੇ ਦੀ ਵੀਡੀਓ ਬਹੁਤ ਹੀ ਚਮਕਦਾਰ ਅਤੇ ਰੰਗੀਨ ਹੈ। ਵੀਡੀਓ ਦੀ ਕੋਰੀਓਗ੍ਰਾਫੀ ਕਿੱਕ ਬੋਕਸਿੰਗ ਅਤੇ ਕਾਮੇਡੀ ਦਾ ਬਹੁਤ ਹੀ ਮਨੋਰੰਜਕ ਮਿਸ਼੍ਰਣ ਹੈ। ਮੇਰੇ ਅਤੇ ਕੀਕੂ ਦੇ ਵਿਚਕਾਰ ਦਾ ਸਹਿਯੋਗ ਇਸ ਵੀਡੀਓ ਨੂੰ ਹੋਰ ਵੀ ਕ੍ਰੇਜ਼ੀ ਬਣਾਉਂਦਾ ਹੈ।”
ਇਹ ਗੀਤ ਓਹਨਾ ਦੇ ਬਾਕੀ ਗੀਤ ਨਾਲੋਂ ਵੱਖਰਾ ਕਿਵੇਂ ਹੈ ਇਸ ਗੱਲ ਦੀ ਪੁਸ਼ਟੀ ਕਰਦੇ ਹੋਇਆ ਓਹਨਾ ਨੇ ਅੱਗੇ ਦੱਸਿਆ, “ਮੇਰਾ ਇਹ ਗੀਤ ਰੇਗਾਏਟਨ ਡਾਂਸ ਵਾਲਾ ਹੈ, ਜੋ ਮੇਰਾ ਕਾਫੀ ਲੰਬੇ ਸਮੇਂ ਤੋਂ ਸਪਨਾ ਸੀ। ਸਮੀਰ ਨੇ ਬਹੁਤ ਹੀ ਬਾਕਮਾਲ ਸੰਗੀਤ ਤਿਆਰ ਕੀਤਾ ਹੈ ਜੋ ਪੁਰਾਣੇ ਹਿਪ ਹੌਪ ਸਟਾਇਲ ਨਾਲ ਡਾਂਸ ਨੂੰ ਉਜਾਗਰ ਕਰਦਾ। ਇਸ ਵੀਡੀਓ ਨੇ ਮੇਰੇ ਸਟਾਈਲ ਅਤੇ ਹਾਵ ਭਾਵ ਨੂੰ ਵਿਅਕਤ ਕਰਨ ਦਾ ਮੌਕਾ ਦਿੱਤਾ।”
ਹਿੰਦੀ ਤੋਂ ਇਲਾਵਾ , ਭਸੀਨ ਨੇ ਤੇਲਗੂ, ਤਾਮਿਲ, ਪੰਜਾਬੀ ਅਤੇ ਮਰਾਠੀ ਗੀਤ ਵੀ ਰਿਕਾਰਡ ਕੀਤੇ ਹਨ ਅਤੇ ‘ਲਵ ਮੀ ਇੰਡੀਆ’ ਮਿਊਜ਼ਿਕ ਰਿਆਲਿਟੀ ਸ਼ੋ ਨੂੰ ਜੱਜ ਵੀ ਕੀਤਾ ਹੈ। 2019-2020 ਨੇਹਾ ਭਸੀਨ ਲਈ ਬਹੁਤ ਹੀ ਸ਼ਾਨਦਾਰ ਰਹਿਣ ਵਾਲਾ ਹੈ।
ਨੇਹਾ ਭਸੀਨ ਹੁਣ ਡੀ.ਐਨ.ਐੱਚ. ਆਰਟਿਸਟਸ ਵੱਲੋਂ ਮੈਨੇਜ ਕੀਤੇ ਜਾ ਰਹੇ ਹਨ।
