ਅੱਜ-ਨਾਮਾ
ਸਾਂਭ ਲਈ ਨੱਢੇ ਕਮਾਨ ਜਦ ਭਾਜਪਾ ਦੀ,
ਅਕਾਲੀ-ਭਾਜਪਾ ਵਿੱਚ ਪਈ ਫੁੱਟ ਬੇਲੀ।
ਦਿੱਲੀ ਵਿੱਚ ਨਹੀਂ ਸਾਂਝ ਦੀ ਤੰਦ ਨਿਕਲੀ,
ਕਹਿੰਦੀ ਖਬਰ ਆ ਬਾਤ ਗਈ ਟੁੱਟ ਬੇਲੀ।
ਮੰਗੀਆਂ ਸੀਟਾਂ ਨਾ ਦਿੱਤੀਆਂ ਭਾਜਪਾ ਤਾਂ,
ਭੜਕਿਆ ਬਾਦਲਾਂ ਦਾ ਡਾਢਾ ਗੁੱਟ ਬੇਲੀ।
ਕਹਿੰਦੇ ਟੱਕਰ ਪਏ ਲੀਡਰ ਆ ਭਾਜਪਾ ਦੇ,
ਅਕਾਲੀਏ ਦੇਣੇ ਆ ਝਿੜਕ ਕੇ ਸੁੱਟ ਬੇਲੀ।
ਚੰਦਰ ਬਾਬੂ ਨੂੰ ਪਹਿਲਾਂ ਸੀ ਲਾਈ ਠਿੱਬੀ,
ਫਿਰ ਇਹ ਠਾਕਰੇ ਨੂੰ ਠਿੱਬੀ ਲਾਈ ਬੇਲੀ।
ਜੇ ਨਹੀਂ ਰੁੱਸਣ ਮਨਾਉਣ ਦੀ ਖੇਡ ਮੁੱਕੀ,
ਵਾਰੀ `ਕਾਲੀਆਂ ਦੀ ਸਮਝੋ ਆਈ ਬੇਲੀ।
-ਤੀਸ ਮਾਰ ਖਾਂ
21 ਜਨਵਰੀ, 2020