ਯੈੱਸ ਪੰਜਾਬ
ਚੰਡੀਗੜ੍ਹ, 9 ਜਨਵਰੀ 2020:
ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਸਰਪ੍ਰਸਤ ਸ: ਪ੍ਰਕਾਸ਼ ਸਿੰਘ ਬਾਦਲ ਦੀ ਸੁਰੱਖ਼ਿਆ ਵਿਚ ਤਾਇਨਾਤ ਹਰਜੋਤ ਸਿੰਘ ਦੀ ਲਾਸ਼ ਅਤੇ ਸਕਰਾਪੀਓ ਗੱਡੀ ਨਹਿਰ ਵਿਚੋਂ ਮਿਲੀ ਹੈ।
ਹਰਜੋਤ ਸਿੰਘ ਦੀ ਲਾਸ਼ ਅਤੇ ਉਸਦੀ ਸਕਾਰਪੀਓ ਗੱੜੀ ਅੱਜ ਇਕ ਸਮਾਜ ਸੇਵੀ ਸੰਸਥਾ ਵੱਲੋਂ ਪਿੰਡ ਜੋਗਾਨੰਦ ਨੇੜਿਉਂ ਬਠਿੰਡਾ ਨਹਿਰ ਵਿਚੋਂ ਕੱਢੀ ਗਈ।
ਸਮਝਿਆ ਜਾ ਰਿਹਾ ਹੈ ਕਿ ਹਰਜੋਤ ਸਿੰਘ ਆਪਣੀ ਸਕਾਰਪੀਓ ਵਿਚ ਸਵਾਰ ਹੋ ਕੇ ਜਾਂਦਾ ਹੋਇਆ ਹਾਦਸੇ ਦਾ ਸ਼ਿਕਾਰ ਹੋ ਗਿਆ ਹੋਵੇਗਾ ਅਤੇ ਜਿਸ ਕਾਰਨ ਸਕਾਰਪੀਓ ਗੱਡੀ ਨਹਿਰ ਵਿਚ ਜਾ ਡਿੱਗੀ ਹੋਵੇਗੀ ਪਰ ਇਸ ਸੰਬੰਧੀ ਹੋਰ ਪਹਿਲੂਆਂ ’ਤੇ ਵੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਦੇ ਮੌਕੇ ’ਤੇ ਪੁੱਜਣ ਉਪਰੰਤ ਜਾਂਚ ਆਰੰਭੀ ਗਈ ਹੈ ਜਦਕਿ ਹਰਜੋਤ ਸਿੰਘ ਦੀ ਲਾਸ਼ ਸਿਵਲ ਹਸਪਤਾਲ ਬਠਿੰਡਾ ਵਿਖ਼ੇ ਪੋਸਟਮਾਰਟਮ ਲਈ ਲਿਆਂਦੀ ਗਈ ਹੈ।
ਅਜੇ ਤਾਂਈਂ ਇਸ ਸੰਬੰਧੀ ਪੁਲਿਸ ਵੱਲੋਂ ਕੋਈ ਅਧਿਕਾਰਤ ਬਿਆਨ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ ਹੈ।
