ਯੈੱਸ ਪੰਜਾਬ
ਨਵੀਂ ਦਿੱਲੀ, 29 ਸਤੰਬਰ, 2020:
ਪੰਜਾਬ ਯੂਥ ਕਾਂਗਰਸ ਦੇ ਪ੍ਰਧਾਨ ਸ:ਬਰਿੰਦਰ ਸਿੰਘ ਢਿੱਲੋਂ, ਕੁਲ ਹਿੰਦ ਯੂਥ ਕਾਂਗਰਸ ਦੇ ਸਕੱਤਰ ਅਤੇ ਪੰਜਾਬ ਮਾਮਲਿਆਂ ਦੇ ਇੰਚਾਰਜ ਸ੍ਰੀ ਬੰਟੀ ਸ਼ੈਲਕੇ ਅਤੇ ਕੁਝ ਹੋਰ ਯੂਥ ਕਾਂਗਰਸ ਆਗੂਆਂ ਨੇ ਅੱਜ ਤਿਲਕ ਨਗਰ ਥਾਣੇ ਵਿੱਚ ਆਪਣੇ ਆਪ ਨੂੰ ਗ੍ਰਿਫ਼ਤਾਰੀ ਲਈ ਪੇਸ਼ ਕੀਤਾ ਜਿਸ ਮਗਰੋਂ ਉਨ੍ਹਾਂ ਦੀ ਬਾਕਾਇਦਾ ਗ੍ਰਿਫ਼ਤਾਰੀ ਪਾ ਲਈ ਗਈ ਹੈ।
ਮਾਮਲਾ ਬੀਤੇ ਕਲ੍ਹ ਇੰਡੀਆ ਗੇਟ ਸਾਹਮਣੇ, ਰਾਜਪਥ ’ਤੇ ਕੀਤੇ ਕਿਸਾਨ ਵਿਰੋਧੀ ਬਿੱਲਾਂ ਦੇ ਵਿਰੋਧ ’ਚ ਉਸ ਰੋਸ ਪ੍ਰਦਰਸ਼ਨ ਦਾ ਹੈ ਜਿਸ ਤਹਿਤ ਟਾਟਾ-407 ਵਾਹਨ ਵਿੱਚ ਲਿਜਾਇਆ ਗਿਆ ਇਕ ਟਰੈਕਟਰ ਸਾੜਿਆ ਗਿਆ ਸੀ।
ਇਸ ਸੰਦਰਭ ਵਿੱਚ ਥਾਣਾ ਤਿਲਕ ਨਗਰ ਵਿੱਚ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਪੰਜਾਬ ਦੇ ਪੰਜ ਯੂਥ ਕਾਂਗਰਸ ਆਗੂਆਂ ਨੂੰ ਕਲ੍ਹ ਹੀ ਗ੍ਰਿਫ਼ਤਾਰ ਕਰ ਲਿਆ ਗਿਆ ਸੀ।
ਸ: ਢਿੱਲੋਂ, ਸ੍ਰੀ ਸ਼ੈਲਕੇ ਅਤੇ ਹੋਰ ਯੂਥ ਕਾਂਗਰਸ ਆਗੂ ਅੱਜ ਖ਼ੁਦ ਥਾਣਾ ਤਿਲਕ ਨਗਰ ਗਏ ਅਤੇ ਇਸ ਮਾਮਲੇ ਵਿੱਚ ਆਪਣੀ ਗ੍ਰਿਫ਼ਤਾਰੀ ਦਿੱਤੀ ਜਿਸ ਮਗਰੋਂ ਉਹਨਾਂ ਨੂੰ ਰਸਮੀ ਤੌਰ ’ਤੇ ਗ੍ਰਿਫ਼ਤਾਰ ਕਰ ਲਿਆ ਗਿਆ।
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ