ਯੈੱਸ ਪੰਜਾਬ
ਚੰਡੀਗੜ੍ਹ, 17 ਅਗਸਤ, 2020:
ਪੰਜਾਬ ਵਿੱਚ ਕੋਰੋਨਾ ਬੇਕਾਬੂ ਹੁੰਦਾ ਜਾ ਰਿਹਾ ਹੈ। ਰਾਜ ਅੰਦਰ ਅੱਜ ਮੌਤਾਂ ਪੱਖੋਂ ਅਤੇ ਨਵੇਂ ਪਾਜ਼ਿਟਿਵ ਕੇਸਾਂ ਪੱਖੋਂ ਵੱਡਾ ਉਛਾਲ ਵੇਖ਼ਣ ਨੂੰ ਮਿਲਿਆ ਹੈ।
ਸੂਬੇ ਵਿੱਚ ਅੱਜ ਰਿਕਾਰਡ 51 ਮੌਤਾਂ ਹੋਈਆਂ। ਹੁਣ ਤਕ ਬੀਤੇ ਕਲ੍ਹ 41 ਮੌਤਾਂ ਹੀ ਸਭ ਤੋਂ ਵੱਡਾ ਅੰਕੜਾ ਸੀ, ਜੋ ਅੱਜ ਵਧ ਕੇ 51 ਤਾਈਂ ਜਾ ਪੁੱਜਾ।
ਰਾਜ ਅੰਦਰ ਅੱਜ ਰਿਕਾਰਡ 1492 ਕੇਸ ਆਏ। ਪਿਛਲੇ ਕੁਝ ਦਿਨਾਂ ਤੋਂ ਨਵੇਂ ਕੇਸਾਂ ਦੀ ਗਿਣਤੀ ਕਾਫ਼ੀ ਵਧੀ ਹੋਈ ਸੀ ਪਰ ਫ਼ਿਰ ਵੀ ਹਜ਼ਾਰ ਦੇ ਲਗਪਗ ਹੀ ਕੇਸ ਆ ਰਹੇ ਸਨ ਜਦਕਿ ਅੱਜ ਦਾ ਅੰਕੜਾ ਡੇਢ ਹਜ਼ਾਰ ਨੂੰ ਛੋਂਹਦਾ ਜਾਪਿਆ।
ਅੱਜ ਦੀਆਂ 51 ਮੌਤਾਂ ਤੋਂ ਬਾਅਦ ਰਾਜ ਅੰਦਰ ਕੋਰੋਨਾ ਕਾਰਨ ਹੁਣ ਤਕ ਮੌਤਾਂ ਦੀ ਗਿਣਤੀ 862 ਹੋ ਗਈ ਹੈ ਜਦਕਿ ਅੱਜ ਆਏ ਪਾਜ਼ਿਟਿਵ ਕੇਸਾਂ ਤੋਂ ਬਾਅਦ ਪਾਜ਼ਿਟਿਵ ਕੇਸਾਂ ਦੀ ਕੁਲ ਗਿਣਤੀ 32695 ਹੋ ਗਈ ਹੈ।
ਸੂਬੇ ਵਿੱਚ ਅੱਜ ਆਕਸੀਜਨ ’ਤੇ ਰੱਖ਼ੇ ਗਏ ਮਰੀਜ਼ਾਂ ਦੀ ਗਿਣਤੀ ਵਿੱਚ ਵੀ ਵੱਡਾ ਉਛਾਲ ਆਇਆ ਹੈ। ਅੱਜ 345 ਵਿਅਕਤੀ ਆਕਸੀਜਨ’ਤੇ ਦੱਸੇ ਗਏ ਹਨ। ਵੈਂਟੀਲੇਟਰ ਦੀ ਸਹਾਇਤਾ ਨਾਲ ਸਾਹ ਲੈ ਰਹੇ ਮਰੀਜ਼ਾਂ ਦੀ ਗਿਣਤੀ ਵੀ ਲਗਾਤਾਰ ਵਧ ਰਹੀ ਹੈ ਅਤੇ ਅੱਜ 38 ਲੋਕ ਰਾਜ ਦੇ ਹਸਪਤਾਲਾਂ ਵਿੱਚ ਵੈਂਟੀਲੇਟਰ ’ਤੇ ਦੱਸੇ ਗਏ ਹਨ।
ਅੱਜ ਹੋਈਆਂ 51 ਮੌਤਾਂ ਵਿੱਚੋਂ ਸਭ ਤੋਂ ਜ਼ਿਆਦਾ 14 ਮੌਤਾਂ ਲੁਧਿਆਣਾ ਵਿੱਚ ਹੋਈਆਂ ਹਨ। ਇਸ ਤੋਂ ਇਲਾਵਾ ਪਟਿਆਲਾ ਵਿੱਚ 6 ਅਤੇ ਜਲੰਧਰ ਵਿੱਚ 5 ਮੌਤਾਂ ਹੋਈਆਂ ਹਨ।
ਰਾਜ ਦੇ 22 ਜ਼ਿਲਿ੍ਹਆਂ ਵਿੱਚੋਂ 18 ਜ਼ਿਲਿ੍ਹਆਂ ਵਿੱਚ ਮੌਤਾਂ ਹੋਈਆਂ ਹਨ।
ਮੌਤਾਂ ਦਾ ਜ਼ਿਲ੍ਹੇ ਵਾਰ ਵੇਰਵਾ ਹੇਠ ਲਿਖ਼ੇ ਅਨੁਸਾਰ ਹੈ:
ਲੁਧਿਆਣਾ 14
ਪਟਿਆਲਾ 6
ਜਲੰਧਰ 5
ਬਠਿੰਡਾ 3
ਫਿਰੋਜ਼ਪੁਰ 3
ਤਰਨ ਤਾਰਨ 3
ਫ਼ਤਹਿਗੜ੍ਹ ਸਾਹਿਬ 3
ਅੰਮ੍ਰਿਤਸਰ 2
ਨਵਾਂਸ਼ਹਿਰ 2
ਸੰਗਰੂਰ 2
ਬਰਨਾਲਾ 1
ਫ਼ਰੀਦਕੋਟ 1
ਗੁਰਦਾਸਪੁਰ 1
ਹੁਸ਼ਿਆਰਪੁਰ 1
ਕਪੂਰਥਲਾ 1
ਮੋਗਾ 1
ਮੋਹਾਲੀ 1
ਪਠਾਨਕੋਟ 1
ਨਵੇਂ ਪਾਜ਼ਿਟਿਵ ਕੇਸ
ਰਾਜ ਅੰਦਰ ਅੱਜ ਸਭ ਤੋਂ ਵੱਧ 298 ਪਾਜ਼ਿਟਿਵ ਕੇਸ ਜਲੰਧਰ ਵਿੱਚ ਆਏ ਹਨ। ਲੁਧਿਆਣਾ ਵਿਚ 220, ਫਿਰੋਜ਼ਪੁਰ ਵਿਚ 153, ਬਠਿੰਡਾ ਵਿੱਚ ਵੀ 153 ਅਤੇ ਪਟਿਆਲਾ ਵਿਚ 130 ਮਾਮਲੇ ਸਾਹਮਣੇ ਆਏ ਹਨ।
ਜ਼ਿਲ੍ਹੇ ਵਾਰ ਵੇਰਵਾ ਹੇਠ ਲਿਖ਼ੇ ਅਨੁਸਾਰ ਹੈ:
ਜਲੰਧਰ 298
ਲੁਧਿਆਣਾ 220
ਫਿਰੋਜ਼ਪੁਰ 153
ਬਠਿੰਡਾ 153
ਪਟਿਆਲਾ 130
ਮੋਗਾ 91
ਮੋਹਾਲੀ 65
ਬਰਨਾਲਾ 62
ਰੋਪੜ 55
ਅੰਮ੍ਰਿਤਸਰ 50
ਮੁਕਤਸਰ 38
ਗੁਰਦਾਸਪੁਰ 36
ਫ਼ਰੀਦਕੋਟ 32
ਸੰਗਰੂਰ 25
ਫ਼ਾਜ਼ਿਲਕਾ 21
ਨਵਾਂਸ਼ਹਿਰ 19
ਕਪੂਰਥਲਾ 16
ਫ਼ਤਹਿਗੜ੍ਹ ਸਾਹਿਬ 12
ਪਠਾਨਕੋਟ 8
ਮਾਨਸਾ 6
ਹੁਸ਼ਿਆਰਪੁਰ 1
ਤਰਨ ਤਾਰਨ 1
ਹੋਰ ਵੇਰਵੇ ਲਈ ਸਿਹਤ ਬੁਲੇਟਿਨ ਵੇਖ਼ੋ: ਇੱਥੇ ਕਲਿੱਕ ਕਰੋ
ਇਸ ਨੂੰ ਵੀ ਪੜ੍ਹੋ:
ਮੰਨ ਗਈ ਸਤਿਕਾਰ ਕਮੇਟੀ ਕਿ ਪੁਰਾਤਨ ਸਰੂਪ ਉਨ੍ਹਾਂ ਕੋਲ ਹੈ – ਪਰ ਵਾਪਿਸ ਦੇਣ ’ਚ ਅਜੇ ਵੀ ‘ਮੈਂ ਨਾ ਮਾਨੂੰ’
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
