ਅੱਜ-ਨਾਮਾ
ਤੇਜ਼ੀ ਨਾਲ ਪਈ ਮੋਦੀ ਸਰਕਾਰ ਵਗਦੀ,
ਦਗੜ-ਦਗੜ ਹਨ ਆ ਰਹੇ ਬਿੱਲ ਬੇਲੀ।
ਪਾਰਟੀ ਆਗੂਆਂ ਨੂੰ ਤਕੜਾ ਹੁਕਮ ਜਾਪੇ,
ਸਕਿਆ ਸਦਨ ਤੋਂ ਕੋਈ ਨਾ ਹਿੱਲ ਬੇਲੀ।
ਕਾਰਵਾਈ ਲਈ ਦੇਰ ਨਹੀਂ ਕਰਨ ਦੇਣੀ,
ਲੱਗਿਆ ਜਾਪਦਾ ਸਿਖਰ ਦਾ ਟਿੱਲ ਬੇਲੀ।
ਵਾਹੋ-ਦਾਹੀ ਨੇ ਮਿਲਦੀਆਂ ਇੰਜ ਖਬਰਾਂ,
ਜਿੱਦਾਂ ਬਿੱਲਾਂ ਦੀ ਚੱਲੀ ਪਈ ਮਿੱਲ ਬੇਲੀ।
ਚੋਣਾਂ ਰਾਜਾਂ ਲਈ ਕਈ ਥਾਂ ਆਉਣੀਆਂ ਨੇ,
ਰਹੀ ਦਿਨੋ-ਦਿਨ ਘੜੀ ਇਹ ਸਰਕ ਬੇਲੀ।
ਨੰਬਰਾਂ ਵੱਲੋਂ ਕੁਝ ਕਸਰ ਨਾ ਰਹਿਣ ਦੇਣੀ,
ਇਸ ਲਈ ਹੋਈ ਜਾਂਦੈ ਹੋਮ-ਵਰਕ ਬੇਲੀ।
-ਤੀਸ ਮਾਰ ਖਾਂ
27 ਜੁਲਾਈ, 2019 –
