ਅੱਜ-ਨਾਮਾ
ਠਾਕਰੇ ਟੱਬਰ ਵੀ ਸਿੱਖ ਲਈ ਰਾਜਨੀਤੀ,
ਬਣਿਆ ਮੰਤਰੀ ਪਿਤਾ ਨਾਲ ਪੁੱਤ ਮੀਆਂ।
ਆ ਗਿਆ ਜਦੋਂ ਬਟੇਰਾ ਜਿਹਾ ਪੈਰ ਹੇਠਾਂ,
ਬਦਲੀ ਠਾਕਰੇ ਟੱਬਰ ਲਈ ਰੁੱਤ ਮੀਆਂ।
ਹੁੰਦੀ ਸਿਆਸਤੀ ਮਾਰ ਹੈ ਬਹੁਤ ਤਕੜੀ,
ਕਰਦੀ ਨਸ਼ੇ ਤੋਂ ਬਾਹਲੀ ਆ ਧੁੱਤ ਮੀਆਂ।
ਕੀਤਾ ਕਿਸੇ ਇਤਰਾਜ਼ ਨਹੀ ਪਾਰਟੀ `ਚੋਂ,
ਲੀਡਰ ਬਾਕੀ ਦੇ ਸਿਰਫ ਆ ਬੁੱਤ ਮੀਆਂ।
ਨਹਿਰੂ-ਗਾਂਧੀਆਂ ਦੀ ਨਿੰਦਾ ਕਰਨ ਵਾਲੇ,
ਸਭ ਹੀ ਚੱਲ ਪਏ ਉਨ੍ਹਾਂ ਦੇ ਰਾਹ ਮੀਆਂ।
ਸਾਰੇ ਹਿੰਦ ਵਿੱਚ ਚੱਲਦੀ ਪਿਤਾ-ਪੁਰਖੀ,
ਆਮ ਲੋਕਾਂ ਦੀ ਕੋਈ ਨਹੀਂ ਵਾਹ ਮੀਆਂ।
-ਤੀਸ ਮਾਰ ਖਾਂ
ਦਸੰਬਰ 31, 2019
