ਅੱਜ-ਨਾਮਾ
ਚੱਲੀ ਗੱਲ ਫਿਰ ਗਈ ਇਹ ਦੂਰ ਬਾਹਲੀ,
ਕੋਟਕਪੂਰੇ ਦਾ ਕਾਂਡ ਪਿਆ ਖੜਕ ਮੀਆਂ।
ਖਿਝ ਕੇ ਛੱਡੀ ਹੈ ਨੌਕਰੀ ਕੁੰਵਰ ਜਿਹੜੇ,
ਕੱਢਦਾ ਜਾਪਦਾ ਸਾਰੀ ਹੈ ਰੜਕ ਮੀਆਂ।
ਜਿਨ੍ਹਾਂ-ਜਿਨ੍ਹਾਂ `ਤੇ ਲਾਈ ਉਹ ਦੋਸ਼ ਜਾਂਦਾ,
ਅੱਗਿਉਂ ਉਹ ਵੀ ਰਹੇ ਆ ਭੜਕ ਮੀਆਂ।
ਜਾ ਰਹੇ ਜਿਨ੍ਹਾਂ ਦੇ ਉਲਟ ਸਬੂਤ ਲੱਗਦੇ,
ਕਾਲਜੇ ਉਨ੍ਹਾਂ ਦੇ ਰਹੇ ਈ ਧੜਕ ਮੀਆਂ।
ਕਿਸ ਨੂੰ ਪਤਾ ਨਤੀਜਾ ਹੈ ਨਿਕਲਣਾ ਕੀ,
ਫਸੂ ਫਿਰ ਕੌਣ ਜਾਂ ਕੌਣ ਫਸਾਊ ਮੀਆਂ।
ਘੜੀ ਅੰਤਲੀ ਆਈ ਨਹੀਂ ਜਦੋਂ ਤੀਕਰ,
ਲੋਕਾਂ ਕਈਆਂ ਨੂੰ ਭਾਜੜਾਂ ਪਾਊ ਮੀਆਂ।
-ਤੀਸ ਮਾਰ ਖਾਂ
ਅਪ੍ਰੈਲ 22, 2021
