ਯੈੱਸ ਪੰਜਾਬ
ਚੰਡੀਗੜ੍ਹ, ਜੂਨ 30, 2021:
ਗਿੱਪੀ ਗਰੇਵਾਲ ਉਹ ਸ਼ਖ਼ਸ ਹੈ ,ਜਿਸਨੇ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਨਿਸ਼ਚਤ ਤੌਰ ਤੇ ਨਵੇਂ ਸਿਖਰਾਂ ਤੇ ਲਿਆਂਦਾ ਹੈ। ਆਪਣੇ ਇਕ ਤੇ ਇਕ ਗਾਣਿਆਂ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਤੋਂ ਬਾਅਦ, ਗਿੱਪੀ ਗਰੇਵਾਲ ਆਪਣੀ ਨਵੀਂ ਐਲਬਮ ‘ਲਿਮਿਟਿਡ ਐਡੀਸ਼ਨ’ ਪੇਸ਼ ਕਰਨ ਜਾ ਰਹੇ ਹਨ।
ਗਿੱਪੀ ਗਰੇਵਾਲ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ਤੇ ਆਪਣੀ ਬਹੁਤੀ ਉਡੀਕੀ ਜਾਣ ਵਾਲੀ ਐਲਬਮ ਨੂੰ ‘ਲਿਮਟਿਡ ਐਡੀਸ਼ਨ’ ਦੇ ਸਿਰਲੇਖ ਨਾਲ ਘੋਸ਼ਿਤ ਕਰ ਦਿੱਤਾ ਹੈ। ਇਸ ਐਲਬਮ ਵਿੱਚ ਉਹ ਹੈਪੀ ਰਾਏਕੋਟੀ ਅਤੇ ਵੀਤ ਬਲਜੀਤ ਅਤੇ ਕਈ ਪ੍ਰਸਿੱਧ ਗੀਤਕਾਰਾਂ ਨਾਲ ਮਿਲ ਕੇ ਕੰਮ ਕਰਨ ਜਾ ਰਹੇ ਹੈ। ਹਾਲਾਂਕਿ, ਐਲਬਮ ਦੇ ਸੰਬੰਧ ਵਿੱਚ ਹੋਰ ਸਾਰੇ ਵੇਰਵਿਆਂ ਦਾ ਖੁਲਾਸਾ ਹੋਣਾ ਅਜੇ ਬਾਕੀ ਹੈ।
ਪਰ, ਜਿੱਥੋਂ ਤਕ ਐਲਬਮ ਦੀ ਸ਼ੈਲੀ ਦਾ ਸੰਬੰਧ ਹੈ, ਗਿੱਪੀ ਗਰੇਵਾਲ ਪਹਿਲਾਂ ਹੀ ਇਸ਼ਾਰਾ ਕਰ ਚੁਕੇ ਹਨ ਕਿ ਐਲਬਮ ‘ਫੁਲਕਾਰੀ’ ਅਤੇ ‘ਦੇਸੀ ਰਾਕਸਟਾਰ’ ਦਾ ਸੰਪੂਰਨ ਮਿਸ਼ਰਨ ਹੋਵੇਗੀ।
ਸਿਨੇਮਾ ਦੇ ਪੱਖ ‘ਤੋਂ, ਗਿੱਪੀ ਗਰੇਵਾਲ ਥੀਏਟਰਾਂ ਦੇ ਦੁਬਾਰਾ ਖੋਲ੍ਹਣ ਦੀ ਉਡੀਕ ਕਰ ਰਹੇ ਹਨ, ਕਿਉਂਕਿ ਉਨ੍ਹਾਂ ਦੇ ਕੋਲ ਪ੍ਰਸ਼ੰਸਕਾਂ ਲਈ ਤੋਹਫ਼ਿਆਂ ਦਾ ਇਕ ਪਿਟਾਰਾ ਹੈ। ਉਹਨਾਂ ਕੋਲ ‘ਪਾਣੀ ‘ਚ ਮਧਾਨੀ’ , ‘ਫੱਟੇ ਦਿੰਦੇ ਚੱਕ ਪੰਜਾਬੀ’ ਅਤੇ ‘ਵਾਰਨਿੰਗ’ ਵਰਗੇ ਹੋਰ ਕਈ ਪ੍ਰਾਜੈਕਟ ਹਨ।
ਖੈਰ, ਹੁਣ ਦਰਸ਼ਕ ਗਿੱਪੀ ਗਰੇਵਾਲ ਦੇ ‘ਲਿਮਿਟਿਡ ਐਡੀਸ਼ਨ’ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ