ਅੱਜ-ਨਾਮਾ
ਕੀਤੀ ਅੜੀ ਅਮਰਿੰਦਰ ਨੇ ਸਾਫ ਕਹਿੰਦੇ,
ਕਰਨਾ ਲਾਗੂ ਨਹੀਂ ਨਵਾਂ ਕਾਨੂੰਨ ਮਿੱਤਰ।
ਉਸ ਨੇ ਆਖਿਆ ਸਾਨੂੰ ਪ੍ਰਵਾਨ ਹੀ ਨਹੀਂ,
ਇਹਦੇ ਅੰਦਰਲਾ ਕੁੱਲ ਮਜ਼ਮੂਨ ਮਿੱਤਰ।
ਫਿਰਕੇਦਾਰੀ ਆ ਏਸ ਵਿੱਚ ਪਾਈ ਸਾਰੀ,
ਨਾਅਰੇ ਲੱਗੇ ਸਨ ਜਿੰਨੇ ਪਰਚੂਨ ਮਿੱਤਰ।
ਜਾਂਦੀ ਜਿੱਧਰ ਵੀ ਕੇਂਦਰ ਸਰਕਾਰ ਜਾਪੇ,
ਉੱਡਿਆ ਲੋਕਾਂ ਦਾ ਚੈਨ-ਸਕੂਨ ਮਿੱਤਰ।
ਓਧਰ ਮੋਦੀ ਦਾ ਚੇਲਾ ਹੈ ਪਿਆ ਕਹਿੰਦਾ,
ਰਾਜਾਂ ਕੋਲ ਨਾ ਰਿਹਾ ਕੋਈ ਰਾਹ ਮਿੱਤਰ।
ਲਾਗੂ ਕਰਨ ਲਈ ਕਰੂ ਮਜਬੂਰ ਕੇਂਦਰ,
ਰੋਟੀ ਛੱਡੋ ਜੀ ਲੰਘੂ ਨਹੀਂ ਚਾਹ ਮਿੱਤਰ।
-ਤੀਸ ਮਾਰ ਖਾਂ
ਜਨਵਰੀ 03, 2020
