ਯੈੱਸ ਪੰਜਾਬ
ਮੰਡੀ ਕਿੱਲਿਆਂਵਾਲੀ, 25 ਸਤੰਬਰ, 2020:
ਸ਼ੁੱਕਰਵਾਰ ਦੇ ਪੰਜਾਬ ਬੰਦ ਵਿੱਚ ਜਿੱਥੇ ਕਈ ਗਾਇਕਾਂ ਦਾ ਕਿਸਾਨ ਧਰਨਿਆਂ ਵਿੱਚ ਸ਼ਾਮਿਲ ਹੋਣ ਦਾ ਫ਼ੈਸਲਾ ਅਤੇ ਤਜਰਬਾ ਦੋਵੇਂ ਹੀ ਠੀਕ ਰਹੇ ਉੱਥੇ ਹੀ ਨਾਮਵਰ ਗਾਇਕਾ ਅਫ਼ਸਾਨਾ ਖ਼ਾਨ ਦਾ ਤਜਰਬਾ ਕੁਝ ਬਹੁਤਾ ਠੀਕ ਨਾ ਰਿਹਾ।
ਬਾਦਲ ਪਿੰਡ ਨਾਲ ਸੰਬੰਧਤ ਅਫ਼ਸਾਨਾ ਖ਼ਾਨ ਅੱਜ ਭਾਰਤੀ ਕਿਸਾਨ ਯੂਨੀਅਨ ਵੱਲੋਂ ਲੰਬੀ ਵਿਖ਼ੇ ਲਗਾਏ ਗਏ ਧਰਨੇ ’ਚ ਪੁੱਜੀ। ਕਿਸਾਨਾਂ ਦੇ ਸੰਘਰਸ਼ ਦੇ ਸਮਰਥਨ ਵਿੱਚ ਲੰਬੀ ਵਿਖ਼ੇ ਧਰਨੇ ਵਾਲੀ ਥਾਂ ’ਤੇ ਪੁੱਜੀ ਅਫ਼ਸਾਨਾ ਖ਼ਾਨ ਜਦ ਸਟੇਜ ਦੇ ਸਾਹਮਣੇ ਨੇੜੇ ਹੀ ਬੈਠਣ ਲੱਗੀ ਤਾਂ ਕੁਝ ਕਿਸਾਨ ਆਗੂਆਂਨੇ ਇਸ ’ਤੇ ਇਤਰਾਜ਼ ਕਰਦਿਆਂ ਉਸਨੂੰ ਪਿੱਛੇ ਜਾ ਕੇ ਬੈਠਣ ਲਈ ਕਿਹਾ।
ਜਾਣਕਾਰ ਸੂਤਰਾਂ ਅਨੁਸਾਰ ਇਸ ਮੌਕੇ ਅਫ਼ਸਾਨਾ ਖ਼ਾਨ ਨੇ ਕਿਹਾ ਕਿ ਉਸਦੇ ਕਿਤੇ ਵੀ ਬੈਠਣ ’ਤੇ ਇਤਰਾਜ਼ ਕਿਉਂ ਕੀਤਾ ਜਾ ਰਿਹਾ ਹੈ ਜਦਕਿ ਉਹ ਤਾਂ ਇਕ ਕਲਾਕਾਰ ਹੋਣ ਦੇ ਨਾਤੇ ਕਿਸਾਨ ਸੰਘਰਸ਼ ਨੂੰ ਆਪਣੀ ਸਮਰਥਨ ਦੇਣ ਹੀ ਆਈ ਹੈ।
ਇਸ ਤੇ ਕਿਸਾਨ ਆਗੂਆਂ ਨੇ ਜਵਾਬ ਵਿੱਚ ਕਿਹਾ ਕਿ ਭਾਰਤੀ ਕਿਸਾਨ ਯੂਨੀਅਨ ਦੀ ਸਟੇਜ ਕਿਸੇ ਦੀ ਸ਼ੋਹਰਤ ਲਈ ਜਾਂ ਫ਼ਿਰ ਉਸਨੂੰ ਪ੍ਰਮੋਟ ਕਰਨ ਲਈ ਨਹੀਂ ਹੈ ਸਗੋਂ ਇਹ ਤਾਂ ਲੋਕ ਹਿਤਾਂ ਲਈ ਲੋਕ ਸੰਘਰਸ਼ ਦਾ ਪਿੜ ਹੈ।
ਪਤਾ ਲੱਗਾ ਹੈ ਕਿ ਇਸ ’ਤੇ ਥੋੜ੍ਹੀ ਦੇਰ ਬੈਠ ਕੇ ਹਾਜ਼ਰੀ ਲੁਆਉਣ ਉਪਰੰਤ ਅਫ਼ਸਾਨਾ ਖ਼ਾਨ ਵਾਪਿਸ ਚਲੀ ਗਈ।
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
