ਅੱਜ-ਨਾਮਾ
ਕਹੀ ਹੈ ਕੱਲ੍ਹ ਟਰੰਪ ਇਹ ਬਾਤ ਸੁਣਿਆ,
ਝਗੜਾ ਚੀਨ ਤੇ ਹਿੰਦ ਨਹੀਂ ਕਰਨ ਬੇਲੀ।
ਉੱਨੀ-ਇੱਕੀ ਜੇ ਕਿਸੇ ਥਾਂ ਕੋਈ ਹੋ ਗਈ,
ਕੋਰੋਨਾ ਵਕਤ ਦੇ ਵਿੱਚ ਉਹ ਜਰਨ ਬੇਲੀ।
ਇਕੱਠੇ ਵਿੱਚ ਗਵਾਂਢ ਜਦ ਸਦਾ ਰਹਿਣਾ,
ਏਦਾਂ ਲੜਦਿਆਂ ਕੰਮ ਨਹੀਂ ਸਰਨ ਬੇਲੀ।
ਦੋਵੇਂ ਈ ਕਹਿਣ ਮੈਂ ਗੱਲ ਨਿਪਟਾ ਸਕਦਾਂ,
ਮੇਰੀ ਵਿਚੋਲਗੀ ਲਈ ਹਾਮੀ ਭਰਨ ਬੇਲੀ।
ਝਗੜਾ ਆਪਣਾ ਚੀਨ ਨਾਲ ਸਦਾ ਰਹਿੰਦਾ,
ਝਗੜਾ ਹਿੰਦ ਦਾ ਬਾਪੂ ਮੁਕਾਉਣ ਤੁਰਿਐ।
ਤੀਹ ਕੁ ਥਾਂਈਂ ਪੁਆੜੇ ਜਿਸ ਆਪ ਪਾਏ,
ਫੋਕੀ ਚੌਧਰ ਨੂੰ ਉਹ ਚਮਕਾਉਣ ਤੁਰਿਐ।
-ਤੀਸ ਮਾਰ ਖਾਂ
ਮਈ 29, 2020
ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ