ਅੱਜ-ਨਾਮਾ
ਆ ਕੇ ਰਾਹੁਲ ਸੀ ਦੇ ਗਿਆ ਕੱਲ੍ਹ ਭਾਸ਼ਣ,
ਨਵੀਂ ਕਹੀ ਨਹੀਂ ਓਸ ਕੋਈ ਗੱਲ ਮੀਆਂ।
ਆਉਂਦੀ ਭੀੜ ਤਾਂ ਜਾਪਦੀ ਬਹੁਤ ਬੇਸ਼ੱਕ,
ਮੂਹਰੇ ਹਾਲਤ ਨਾ ਜਾਪ ਰਹੀ ਵੱਲ ਮੀਆਂ।
ਮੋਦੀ-ਮੋਦੀ ਦੀ ਡੁਗ-ਡੁਗੀ ਸੁਣੀਂਦੀ ਊ,
ਫਿਰਕੇਦਾਰੀ ਦਾ ਚੱਲੇ ਪਿਆ ਝੱਲ ਮੀਆਂ।
ਫਿਰ ਵੀ ਵੋਟਾਂ ਜਵਾਨੀ ਤੋਂ ਖਿੱਚਣੇ ਲਈ,
ਸੱਦੇ ਐਕਟਰ, ਭਲਵਾਨ ਜਾਂ ਮੱਲ ਮੀਆਂ।
ਸ਼ੋਸ਼ੇਬਾਜ਼ੀ `ਤੇ ਟਿਕੀ ਪਈ ਰਾਜ-ਨੀਤੀ,
ਖਾਲੀ ਭਾਸ਼ਣਾਂ ਦਾ ਵਧਿਆ ਭਾਅ ਮੀਆਂ।
ਗੱਲ ਅਕਲ ਦੀ ਐਵੇਂ ਆ ਕਰੇ ਕਿਹੜਾ,
ਦਿੱਸੇ ਕੋਈ ਨਹੀਂ ਓਸ ਦਾ ਚਾਅ ਮੀਆਂ।
-ਤੀਸ ਮਾਰ ਖਾਂ
ਅਕਤੂਬਰ 20, 2019