ਅੱਜ-ਨਾਮਾ
ਆਰਡੀਨੈਂਸ ਇੱਕ ਆ ਗਿਆ ਨਵਾਂ ਮੀਆਂ,
ਸਖਤੀ ਕਰਨ ਦੀ ਕੀਤੀ ਪਈ ਹੱਦ ਮੀਆਂ।
ਸਰਕਾਰ ਕਿਹਾ ਪਰਦੂਸ਼ਣ ਆ ਰੋਕਣਾ ਜੀ,
ਜਿਹੜਾ ਫਿਕਰ ਦੀ ਵੱਡੀ ਆ ਮੱਦ ਮੀਆਂ।
ਸਭ ਤੋਂ ਵੱਡੀ ਅਦਾਲਤ ਵੀ ਝਿੜਕਦੀ ਊ,
ਜੀਹਦਾ ਆਖਿਆ ਹੁੰਦਾ ਨਹੀਂ ਰੱਦ ਮੀਆਂ।
ਇੱਧਰ-ਉਧਰ ਦਾ ਜਿਹੜਾ ਦਬਾਅ ਪੈਂਦਾ,
ਦੇਣਾ ਈ ਸਾਰਾ ਕਿਸਾਨਾਂ `ਤੇ ਲੱਦ ਮੀਆਂ।
ਮੰਨ ਲਿਆ ਗਲਤ ਪਰਾਲੀ ਨੂੰ ਸਾੜਨਾ ਈ,
ਇਹ ਤਾਂ ਹੁੰਦੀ ਆ ਰੋਕਣ ਦੀ ਲੋੜ ਮੀਆਂ।
ਲਾ ਗਿਆ ਕੋਈ ਚੁਆਤੀ ਜਦ ਰਾਹ ਜਾਂਦਾ,
ਮਰ ਜਾਊ ਭਰਦਾ ਕਿਰਸਾਨ ਕਰੋੜ ਮੀਆਂ।
-ਤੀਸ ਮਾਰ ਖਾਂ
ਅਕਤੂਬਰ 30, 2020
