ਅੱਜ-ਨਾਮਾ
ਸਿੱਧੂ ਸੁਣਿਆ ਕਿ ਦਿੱਤਾ ਤਿਆਗ ਪੱਤਰ,
ਸੱਦੇ ਕਈਆਂ ਦੇ ਲੱਗੇ ਈ ਆਉਣ ਬੇਲੀ।
ਸਾਰੇ ਈ ਆਖਦੇ ਸਾਡੇ ਵੱਲ ਆਈਂ ਸਿੱਧੂ,
ਲੱਗੇ ਅਹੁਦਿਆਂ ਲਈ ਚੋਗੇ ਪਾਉਣ ਬੇਲੀ।
ਸੋਸ਼ਲ ਮੀਡੀਏ ਉੱਤੇ ਕਈ ਹੋਰ ਕਾਹਲੇ,
ਥਾਪੜਾ ਲੱਗੇ ਈ ਸਿੱਧੂ ਨੂੰ ਲਾਉਣ ਬੇਲੀ।
ਪੁੱਜਿਆ ਇੱਕ ਵੀ ਨਹੀਂ ਹੈ ਕਾਂਗਰਸੀਆ,
ਝੂਠੀ-ਸੱਚੀ ਕੁਝ ਰਸਮ ਨਿਭਾਉਣ ਬੇਲੀ।
ਬਾਹਲੇ ਖੁਸ਼ ਵਿਧਾਇਕ ਕੁਝ ਕਾਂਗਰਸੀਏ,
ਕਰੋ ਜੀ ਕਹਿੰਦੇ ਦਰਵਾਜ਼ਿਓਂ ਪਾਰ ਬੇਲੀ।
ਨਿਕਲਿਆ ਇੱਕ ਤਾਂ ਹੋਊਗੀ ਸੀਟ ਖਾਲੀ,
ਲੱਗਣਾ ਯਾਰਾਂ ਦਾ ਤਾਂਹੀਂਓ ਹੈ ਵਾਰ ਬੇਲੀ।
-ਤੀਸ ਮਾਰ ਖਾਂ
ਜੁਲਾਈ 16, 2019
