ਯੈੱਸ ਪੰਜਾਬ
ਮੁੰਬਈ, 8 ਜਨਵਰੀ, 2023:
ਬਾਲੀਵੁੱਡ ਐਕਟਰ ਜੈਕੀ ਸ਼ਰੌਫ਼ ਨੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਅਦਿਤਿਆ ਨਾਥ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਿਨੇਮਾਘਰਾਂ ਵਿੱਚ ਵਿਕਦੇ ਮਹਿੰਗੇ ‘ਪੌਪਕੌਰਨ’ ਦੀਆਂ ਕੀਮਤਾਂ ਘਟਾਉਣ ਲਈ ਕੁਝ ਕਰਨ।
ਸਿਨੇਮਾਘਰਾਂ ਵਿੱਚ ਵਿਕਦੇ ਮਹਿੰਗੇ ਪੌਪਕੌਰਨ ਦਾ ਹਵਾਲਾ ਦਿੰਦਿਆਂ ਜੈਕੀ ਸ਼ਰਾਫ਼ ਨੇ ਕਿਹਾ ਕਿ ਇਸ ਨਾਲ ਆਮ ਲੋਕਾਂ ਦਾ ਸਿਨੇਮਾਘਰਾਂ ਵਿੱਚ ਆਉਣ ਦਾ ਰੁਝਾਨ ਲਗਾਤਾਰ ਘਟਦਾ ਜਾ ਰਿਹਾ ਹੈ ਜਿਸ ਨਾਲ ਫ਼ਿਲਮ ਸਨਅਤ ਪ੍ਰਭਾਵਿਤ ਹੋ ਰਹੀ ਹੈ ਅਤੇ ਹੋਰ ਹੋਵੇਗੀ।
ਜੈਕੀ ਸ਼ਰਾਫ਼ ਨੇ ਕਿਹਾ ਕਿ ਸਿਨੇਮਾਘਰਾਂ ਵਿੱਚ ‘ਪੌਪਕੌਰਨ’ ਦੀਆਂ ਕੀਮਤਾਂ ਘੱਟ ਹੋਣਗੀਆਂ ਤਾਂ ਸਿਨੇਮਾਘਰ ਵਿੱਚ ਆਉਣ ਵਾਲਿਆਂ ਦੀ ਗਿਣਤੀ ਵਿੱਚ ਵਾਧਾ ਹੋ ਸਕਦਾ ਹੈ।
ਬਾਲੀਵੁੱਡ ਅਦਾਕਾਰ ਨੇ ਕਿਹਾ, ‘ਥਿਏਟਰ ਕੇ ਪੌਪਕੌਰਨ ਕਾ ਕੀਮਤ ਕਮ ਕਰੋ ਸਰ। ਪਾਂਚ ਸੌ ਰੁਪਏ ਲੇਤੇ ਹੈ ਪੌਪਕੌਰਲ ਕਾ। ਪਿਕਚਰਾਂ ਬਣਾਵਾਂਗੇ, ਸਟੂਡੀਉ ਬਣਾਵਾਂਗੇ, ਪਰ ਫ਼ਿਲਮ ਦੇਖ਼ਣ ਲਈ ਥਿਏਟਰ ਦੇ ਅੰਦਰ ਆਵੇਗਾ ਕੌਣ?’
ਜ਼ਿਕਰਯੋਗ ਹੈ ਕਿ ਇਹ ਗੱਲਾਂ ਜੈਕੀ ਸ਼ਰਾਫ਼ ਨੇ ਯੋਗੀ ਅਦਿਤਿਆਨਾਥ ਨੂੰ ਉਸ ਵੇਲੇ ਕਹੀਆਂ ਜਦ ਉਹ ਉੱਤਰ ਪ੍ਰਦੇਸ਼ ਵਿੱਚ ਨਿਵੇਸ਼ ਆਕਰਸ਼ਿਤ ਕਰਨ ਲਈ ਬਾਲੀਵੁੱਡ ਅਦਾਕਾਰਾਂ ਨੂੰ ਮਿਲਣ ਅਤੇ ਉੱਤਰ ਪ੍ਰਦੇਸ਼ ਦੀ ਫ਼ਿਲਮ ਪਾਲਿਸੀ ਬਾਰੇ ਦੱਸਣ ਲਈ ਮੁੰਬਈ ਪੁੱਜੇ ਸਨ।
ਯੋਗੀ ਅਦਿਤਿਆਨਾਥ ਨੇ ਜੈਕੀ ਸ਼ਰਾਫ਼ ਤੋਂ ਇਲਾਵਾ ਸੁਭਾਸ਼ ਘਈ, ਸੁਨੀਲ ਸ਼ੈਟੀ, ਮਲੋਜ ਜੋਸ਼ੀ, ਕੈਲਾਸ਼ ਖ਼ੇਰ, ਸੋਨੂੰ ਨਿਗਮ, ਬੋਨੀ ਕਪੂਰ, ਰਾਹੁਲ ਮਿੱਤਰਾ ਅਤੇ ਹੋਰਨਾਂ ਨਾਲ ਮੁਲਾਕਾਤ ਕੀਤੀ।
ਇਸ ਮੌਕੇ ਸੁਨੀਲ ਸ਼ੈਟੀ ਨੇ ਯੋਗੀ ਅਦਿਤਿਆਨਾਥ ਨੂੰ ਕਿਹਾ ਕਿ ਉਹ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਨਾਲ ਗੱਲਬਾਤ ਕਰਕੇ ‘ਬਾਲੀਵੁੱਡ’ ਦੇ ਬਾਈਕਾਟ ਵਾਲੇ ਸਿਲਸਿਲੇ ਨੂੰ ਰੁਕਵਾਉਣ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
