Sunday, September 19, 2021
Farmers Debt Relief

77 shaheed soliders

516 sewa kendras

9300 cr Investment

helpline portal

jallianwala bagh

mrsptu

Markfed Sept to Nov

Innocent Admission

ਬੁੱਢਾ ਮਾਮਲੇ ਵਿਚ ਜਾਂਚ ਤੋਂ ਬਾਅਦ 23 ਵਿਅਕਤੀ ਗ੍ਰਿਫ਼ਤਾਰ, 36 ਹਥਿਆਰ ਬਰਾਮਦ: ਡੀ.ਜੀ.ਪੀ. ਦਿਨਕਰ ਗੁਪਤਾ

- Advertisement -

ਚੰਡੀਗੜ੍ਹ, 13 ਫਰਵਰੀ, 2020:

ਹਾਲ ਹੀ ਵਿੱਚ ਗ੍ਰਿਫਤਾਰ ਕੀਤੇ ਗਏ ਕੈਟਾਗਰੀ ‘ਏ’ ਦੇ ਗੈਂਗਸਟਰ ਸੁਖਪ੍ਰੀਤ ਸਿੰਘ ਉਰਫ ਬੁੱਢਾ ਨਾਲ ਸਬੰਧਤ ਮਾਮਲਿਆਂ ਦੀ ਅਗਲੇਰੀ ਜਾਂਚ ਵਿੱਚ ਪੰਜਾਬ ਪੁਲਿਸ ਨੇ ਫਿਰੋਜ਼ਪੁਰ ਰੇਂਜ ਅਤੇ ਇਸ ਦੇ ਨਾਲ ਲੱਗਦੇ ਸੂਬੇ ਹਰਿਆਣਾ ਅਤੇ ਰਾਜਸਥਾਨ ਵਿੱਚ ਛਾਪਿਆਂ ਦੌਰਾਨ 23 ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਉਨ੍ਹਾਂ ਕੋਲੋਂ 36 ਹਥਿਆਰ ਬਰਾਮਦ ਕੀਤੇ ਹਨ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੰਜਾਬ ਦੇ ਡੀਜੀਪੀ ਦਿਨਕਰ ਗੁਪਤਾ ਨੇ ਦੱਸਿਆ ਕਿ ਇਨ੍ਹਾਂ ਮੁਲਜ਼ਮਾਂ ਦੇ ਹੋਰ ਸੰਪਰਕਾਂ ਦੀ ਪਛਾਣ ਅਤੇ ਪਤਾ ਲਗਾਉਣ ਲਈ ਅਗਲੇਰੀ ਕਾਰਵਾਈ ਜਾਰੀ ਹੈ।

ਉਨ੍ਹਾਂ ਕਿਹਾ ਕਿ ਹਥਿਆਰ ਡੀਲਰਾਂ ਵੱਲੋਂ ਹਥਿਆਰਾਂ ਦੀ ਗੈਰਕਾਨੂੰਨੀ ਸਪਲਾਈ ‘ਤੇ ਇਕ ਵੱਡੀ ਕਾਰਵਾਈ ਦੌਰਾਨ ਵੱਖ ਵੱਖ ਅਪਰਾਧੀਆਂ, ਜਿਹਨਾਂ ਨੂੰ ਛਾਪਿਆਂ ਦੌਰਾਨ ਗ੍ਰਿਫਤਾਰ ਕੀਤਾ ਗਿਆ, ਕੋਲੋਂ 30 ਹਥਿਆਰ ਬਰਾਮਦ ਹੋਏ ਹਨ। ਇਨ੍ਹਾਂ ਵਿੱਚ 14 ਡੀਬੀਬੀਐਲ 12 ਬੋਰ, ਚਾਰ ਐਸਬੀਬੀਐਲ 12 ਬੋਰ, ਪੰਜ 32 ਬੋਰ ਪਿਸਤੌਲ, ਇੱਕ 45 ਬੋਰ ਦੀ ਪਿਸਤੌਲ, ਤਿੰਨ 30 ਬੋਰ ਪਿਸਤੌਲ, ਇੱਕ 25 ਬੋਰ ਦੀ ਪਿਸਤੌਲ ਅਤੇ ਦੋ ਕਾਰਬਾਈਨ ਸ਼ਾਮਲ ਹਨ। ਇਨ੍ਹਾਂ ਨਾਜਾਇਜ਼ ਹਥਿਆਰਾਂ ਦੀ ਬਰਾਮਦਗੀ ਤੋਂ ਬਾਅਦ ਕਈ ਅਸਲਾ ਡੀਲਰਾਂ ਖਿਲਾਫ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ ਅਤੇ ਇਸ ਸਬੰਧੀ ਅਗਰੇਲੀ ਜਾਂਚ ਜਾਰੀ ਹੈ।

ਅਸਲਾ ਡੀਲਰਾਂ ਅਤੇ ਲਾਇਸੈਂਸ ਧਾਰਕਾਂ ਦੁਆਰਾ ਹਥਿਆਰਾਂ ਅਤੇ ਗੋਲੀ ਸਿੱਕੇ ਦੇ ਭੰਡਾਰ, ਵਿਕਰੀ ਤੇ ਖਰੀਦ ਵਿਚ ਵੱਡੇ ਪੱਧਰ ‘ਤੇ ਉਣਤਾਈਆਂ ਦਾ ਗੰਭੀਰ ਨੋਟਿਸ ਲੈਂਦਿਆਂ ਸੂਬਾ ਪੁਲਿਸ ਵੱਲੋਂ ਸੂਬੇ ਭਰ ਦੇ ਅਸਲਾ ਡੀਲਰਾਂ ਅਤੇ ਲਾਇਸੈਂਸ ਸ਼ਾਖਾਵਾਂ ਦੇ ਕੰਮਕਾਜ ਦਾ ਆਡਿਟ ਵੀ ਕੀਤਾ ਜਾ ਰਿਹਾ ਹੈ।

ਕਾਬਲੇਗੌਰ ਹੈ ਕਿ ਪੰਜਾਬ ਪੁਲੀਸ ਦੇ ਨਿਰੰਤਰ ਯਤਨਾਂ ਸਦਕਾ ਗੈਂਗਸਟਰ ਸੁਖਪ੍ਰੀਤ ਸਿੰਘ ਉਰਫ਼ ਬੁੱਢਾ ਦੇ ਅਰਮੀਨੀਆ ਤੋਂ ਡਿਪੋਰਟ ਹੋਣ ਬਾਅਦ ਉਸਨੂੰ ਨਵੰਬਰ, 2019 ਵਿੱਚ ਨਵੀਂ ਦਿੱਲੀ ਏਅਰਪੋਰਟ ਤੋਂ ਗ੍ਰਿਫਤਾਰ ਕੀਤਾ ਗਿਆ । ਉਸਨੇ ਕਈ ਖੁਲਾਸੇ ਕੀਤੇ, ਜਿਸ ਨਾਲ ਸੂਬਾ ਪੁਲਿਸ ਨੇ ਪੰਜਾਬ ਵਿੱਚ ਅਣਸੁਲਝੇ ਅਪਰਾਧਿਕ ਮਾਮਲਿਆਂ ਨੂੰ ਸੁਲਝਾਉਣ ਦੇ ਨਾਲ-ਨਾਲ ਬਹੁਤ ਸਾਰੇ ਅਪਰਾਧੀਆਂ ਨੂੰ ਕਾਬੂ ਕਰਨ ਵਿੱਚ ਸਫਲਤਾ ਪ੍ਰਾਪਤ ਹੋਈ।

ਬੁੱਢਾ ਦੇ ਖੁਲਾਸੇ ਤੋਂ ਬਾਅਦ, ਪੰਜਾਬ ਪੁਲਿਸ ਨੇ ਏਟੀਐਸ, ਉੱਤਰ ਪ੍ਰਦੇਸ਼ ਦੇ ਨਾਲ ਮਿਲ ਕੇ ਸਾਂਝੇ ਆਪ੍ਰੇਸ਼ਨ ਵਿਚ, 30 ਜਨਵਰੀ, 2020 ਨੂੰ ਜ਼ਿਲ੍ਹਾ ਮੇਰਠ (ਯੂਪੀ) ਦੇ ਪਿੰਡ ਟਿੱਕਰੀ ਦੇ ਵਸਨੀਕ ਅਸ਼ੀਸ਼ ਪੁੱਤਰ ਰਾਮਬੀਰ ਨੂੰ ਵੀ ਗ੍ਰਿਫਤਾਰ ਕੀਤਾ। ਅਸ਼ੀਸ਼ ਗੈਰਕਾਨੂੰਨੀ ਹਥਿਆਰਾਂ ਦਾ ਮੁੱਖ ਸਪਲਾਇਰ ਸੀ ਜੋ ਅਪਰਾਧੀਆਂ ਦੁਆਰਾ ਕਤਲੇਆਮ, ਜਬਰਨ ਵਸੂਲੀ, ਫਿਰੌਤੀ ਲਈ ਅਗਵਾ ਕਰਨ ਅਤੇ ਹੋਰ ਜੁਰਮਾਂ ਲਈ ਵਰਤੇ ਗਏ ਸਨ। ਇਸ ਵੇਲੇ ਏਡੀਜੀਪੀ, ਅੰਦਰੂਨੀ ਸੁਰੱਖਿਆ ਦੀ ਨਿਗਰਾਨੀ ਹੇਠ ਅਸ਼ੀਸ਼ ਦੀ ਵੱਖ-ਵੱਖ ਮਾਮਲਿਆਂ ਵਿਚ ਜਾਂਚ ਕੀਤੀ ਜਾ ਰਹੀ ਹੈ।

ਜ਼ਿਕਰਯੋਗ ਹੈ ਕਿ ਆਸ਼ੀਸ਼ ਦੀ ਧਰਮਿੰਦਰ ਉਰਫ ਗੁਗਨੀ ਨੇ ਸੁਖਪ੍ਰੀਤ ਬੁੱਢਾ ਨਾਲ ਜਾਣ-ਪਛਾਣ ਕਰਵਾਈ, ਜੋ ਆਰਐਸਐਸ ਦੇ ਅਹੁਦੇਦਾਰ ਬ੍ਰਿਗ. ਗਗਨੇਜਾ ਅਤੇ ਪੰਜਾਬ ਦੇ ਹੋਰ ਹਿੰਦੂ ਧਾਰਮਿਕ ਆਗੂਆਂ ਦੀ ਨਿਸ਼ਾਨਾ ਹੱਤਿਆ ਦੇ ਮਾਮਲਿਆਂ ਵਿਚ ਮੁੱਖ ਦੋਸ਼ੀ ਹੈ। ਐਨਆਈਏ ਵੱਲੋਂ ਜਾਂਚ ਕੀਤੇ ਜਾ ਰਹੇ ਨਿਸ਼ਾਨਾ ਹੱਤਿਆ ਦੇ ਮਾਮਲਿਆਂ ਵਿਚ ਹਥਿਆਰਾਂ ਦੀ ਸਪਲਾਈ ਲਈ ਵੀ ਲੋੜੀਂਦਾ ਸੀ।

ਸ੍ਰੀ ਗੁਪਤਾ ਨੇ ਦੱਸਿਆ ਕਿ ਅਸ਼ੀਸ਼ ਨੂੰ ਪਹਿਲੀ ਵਾਰ 120 ਡੱਬੇ ਸ਼ਰਾਬ ਦੀ ਤਸਕਰੀ ਵਿੱਚ ਸ਼ਾਮਲ ਹੋਣ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਬਾਅਦ ਵਿੱਚ, ਉਸਨੂੰ ਪੰਜਾਬ ਪੁਲਿਸ ਨੇ ਕਾਬੂ ਕਰ ਲਿਆ ਅਤੇ ਇੱਕ ਐਨਡੀਪੀਐਸ ਕੇਸ ਤਹਿਤ ਮੁਕੱਦਮਾ ਦਰਜ ਕੀਤਾ ਗਿਆ, ਜਿਸ ਵਿੱਚ ਉਸਨੂੰ 2012 ਵਿੱਚ 10 ਸਾਲ ਕੈਦ ਦੀ ਸਜ਼ਾ ਸੁਣਾਈ ਗਈ ਅਤੇ ਨਾਭਾ ਜੇਲ੍ਹ, ਪਟਿਆਲਾ ਭੇਜਿਆ ਗਿਆ, ਜਿੱਥੇ ਉਸ ਦੀ ਦੋਸਤੀ ਧਰਮਿੰਦਰ ਗੁਗਨੀ, ਸੁੱਖਾ ਕਾਹਲਵਾਂ ਤੇ ਹੋਰਾਂ ਨਾਲ ਹੋਈ ਜੋ ਉਸ ਸਮੇਂ ਉਸੇ ਜੇਲ੍ਹ ਵਿੱਚ ਬੰਦ ਸਨ।

ਜੇਲ ਤੋਂ ਰਿਹਾ ਹੋਣ ਤੋਂ ਬਾਅਦ, ਉਸਨੇ ਸਾਲ 2014 ਵਿੱਚ ਜ਼ਮਾਨਤ ਛਾਲ ਮਾਰ ਦਿੱਤੀ, ਪਰ ਉਹ ਧਰਮਿੰਦਰ ਗੁਗਨੀ ਦੇ ਸੰਪਰਕ ਵਿੱਚ ਰਿਹਾ ਅਤੇ ਧਰਮਿੰਦਰ ਗੁਗਨੀ ਅਤੇ ਜਸਟੂ ਭਗਵਾਨਪੁਰੀਆ, ਦਵਿੰਦਰ ਬਾਂਬੀਆ, ਸੁੱਖਾ ਕਾਹਲਵਾਂ ਆਦਿ ਬਹੁਤ ਸਾਰੇ ਲੋੜੀਂਦੇ ਅਪਰਾਧੀਆਂ ਨੂੰ ਗੈਰ ਕਾਨੂੰਨੀ ਹਥਿਆਰ ਸਪਲਾਈ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। 2014 ਤੋਂ ਪੰਜਾਬ ਵਿੱਚ ਗੈਂਗ ਵਾਰਾਂ, ਕਤਲਾਂ, ਗਿਰਫਤਾਰੀ, ਅਗਵਾ ਆਦਿ ਵਿੱਚ ਹਥਿਆਰ ਹਨ।

ਅੱਗੇ ਪਤਾ ਚੱਲਿਆ ਕਿ ਅਸ਼ੀਸ਼ ਨੇ ਪੰਜਾਬ ਅਧਾਰਤ ਵੱਖ ਵੱਖ ਅਪਰਾਧੀਆਂ ਨੂੰ ਵੱਡੀ ਗਿਣਤੀ ਵਿਚ ਨਾਜਾਇਜ਼ ਹਥਿਆਰ ਸਪਲਾਈ ਕੀਤੇ ਸਨ, ਜਿਨ੍ਹਾਂ ਨੇ ਇਹਨਾਂ ਹਥਿਆਰਾਂ ਨੂੰ ਸਾਲ 2015 ਵਿਚ ਤਰਨਤਾਰਨ ਅੰਤਰ ਗਰੋਹ ਦੀਆਂ ਲੜਾਈਆਂ ਅਤੇ ਹਾਲ ਹੀ ਵਿਚ ਨਵੰਬਰ 2019 ਵਿਚ ਮਲੇਰਕੋਟਲਾ ਵਿਖੇ ਅਬਦੁੱਲ ਰਾਸ਼ਿਦ ਉਰਫ ਗੁੱਧੂ ਦੀ ਹੱਤਿਆ ਲਈ ਵਰਤਿਆ ਸੀ।

ਸੁਖਪ੍ਰੀਤ ਬੁੱਢਾ ਅਤੇ ਉਸਦੇ ਸਾਥੀਆਂ ਨੂੰ ਦਿੱਤੇ ਗਏ ਹਥਿਆਰਾਂ ਦੀ ਵਰਤੋਂ ਮੁਹਾਲੀ ਵਿੱਚ ਪੰਜਾਬੀ ਗਾਇਕ ਪਰਮੀਸ਼ ਵਰਮਾ ਅਤੇ ਪੰਜਾਬ ਵਿੱਚ ਹੋਏ ਕਈ ਹੋਰ ਕਤਲਾਂ, ਡਕੈਤੀਆਂ ਅਤੇ ਜਬਰਨ ਵਸੂਲੀ ਤੇ ਹਮਲਿਆਂ ਲਈ ਕੀਤੀ ਗਈ ਸੀ।

ਅਸ਼ੀਸ਼ ਵੱਲੋਂ ਕੀਤੇ ਖੁਲਾਸਿਆਂ ‘ਤੇ ਦੋ ਅਪਰਾਧੀਆਂ ਗੁਰਪ੍ਰੀਤ ਸਿੰਘ ਉਰਫ ਲਾਡੀ (20 ਅਪਰਾਧਿਕ ਮਾਮਲਿਆਂ ਵਿਚ ਲੋੜੀਂਦਾ) ਅਤੇ ਨੀਰਜ ਕੁਮਾਰ ਉਰਫ ਧੀਰਜ ਬੱਟਾ (13 ਮਾਮਲਿਆਂ ਵਿਚ ਲੋੜੀਂਦਾ) ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਇਕ 0.30 ਬੋਰ ਅਤੇ ਦੋ 32 ਬੋਰ, 36 ਜਿੰਦਾ ਕਾਰਤੂਸ ਬਰਾਮਦ ਕੀਤਾ ਗਏ। ਆਸ਼ੀਸ਼ ਅਤੇ ਉਸਦੇ ਸਾਥੀਆਂ ਖਿਲਾਫ ਐਸ.ਏ.ਐਸ.ਨਗਰ ਵਿਖੇ ਯੂ.ਏ.ਪੀ.ਏ ਤਹਿਤ ਵੱਖਰਾ ਕੇਸ ਦਰਜ ਕੀਤਾ ਗਿਆ ਹੈ।

ਏਆਈਜੀ ਹਰਕਮਲਪ੍ਰੀਤ ਖੱਖ ਦੀ ਨਿਗਰਾਨੀ ਹੇਠ ਇਕ ਵਿਸ਼ੇਸ਼ ਜਾਂਚ ਟੀਮ (ਸਿਟ) ਜਾਂਚ ਕਰ ਰਹੀ ਹੈ ਅਤੇ ਜੇਲ੍ਹਾਂ ਵਿਚ ਬੰਦ ਅਪਰਾਧੀਆਂ ਦੇ ਪ੍ਰੋਡਕਸ਼ਨ ਵਾਰੰਟ ਲੈ ਕੇ ਸਾਰੇ ਗੈਰਕਾਨੂੰਨੀ ਹਥਿਆਰਾਂ ਨੂੰ ਬਰਾਮਦ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ, ਜਿਹਨਾਂ ਦੇ ਇਸ਼ਾਰਿਆਂ ‘ਤੇ ਅਸ਼ੀਸ਼ ਨੇ ਹਥਿਆਰ ਸਪਲਾਈ ਕੀਤੇ ਸਨ। ਵਿਸ਼ੇਸ਼ ਜਾਂਚ ਟੀਮ ਅਸ਼ੀਸ਼ ਨੂੰ ਹਥਿਆਰ ਬਣਾਉਣ ਅਤੇ ਸਪਲਾਈ ਕਰਨ ਵਾਲੇ ਵਿਅਕਤੀਆਂ ਦੀ ਭਾਲ ਕਰਨ ਅਤੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰਨ ਲਈ ਏਟੀਐਸ, ਯੂਪੀ ਦੀ ਮਦਦ ਵੀ ਲੈ ਰਹੀ ਹੈ।

ਸੁਖਪ੍ਰੀਤ ਬੁੱਢਾ ਤੋਂ ਪੁੱਛਗਿੱਛ ਤੋਂ ਇਹ ਵੀ ਪਤਾ ਲੱਗਿਆ ਹੈ ਕਿ ਜਲਾਲਾਬਾਦ ਦੀ ਕਪਿਲ ਅਰਮਜ਼ ਕੰਪਨੀ ਦੇ ਮਾਲਕ ਕਪਿਲ ਦੇਵ ਪੁੱਤਰ ਹਰਭਜਨ ਲਾਲ ਵਾਸੀ ਜਲਾਲਾਬਾਦ, ਜ਼ਿਲ੍ਹਾ ਫਾਜ਼ਿਲਕਾ ਵੱਲੋਂ ਕਤਲ, ਡਕੈਤੀਆਂ, ਅਗਵਾ ਕਰਨ ਆਦਿ ਅਪਰਾਧਾਂ ਲਈ ਪੰਜਾਬ ਵਿੱਚ ਅਪਰਾਧੀਆਂ ਨੂੰ ਨਾਜਾਇਜ਼ ਹਥਿਆਰ ਅਤੇ ਅਸਲਾ ਸਪਲਾਈ ਕਰ ਰਿਹਾ ਸੀ।

ਕਪਿਲ ਦੇਵ ਖਿਲਾਫ ਥਾਣਾ ਫੇਜ਼ 8 ਐਸ ਏ ਐਸ ਨਗਰ ਵਿਖੇ ਆਈ ਪੀ ਸੀ ਦੀ ਧਾਰਾ 420, 465, 467, 468, 471 ਅਤੇ ਆਰਮਜ਼ ਐਕਟ ਦੀ ਧਾਰਾ 25 ਅਧੀਨ ਐਫਆਈਆਰ ਨੰ. 150 ਮਿਤੀ 10-12-2019 ਅਤੇ ਪੁਲਿਸ ਥਾਣਾ ਐਸਐਸਓਸੀ ਫਾਜ਼ਿਲਕਾ ਵਿਖੇ ਆਈਪੀਸੀ ਦੀ ਧਾਰਾ 420, 465, 467, 471, 120-ਬੀ ਤਹਿਤ ਐਫਆਈਆਰ ਨੰ. 02 ਮਿਤੀ 05-02-22020 ਦਰਜ ਹੈ।

ਕਪਿਲ ਵੱਲੋਂ ਕੀਤੇ ਖੁਲਾਸਿਆਂ ਨੇ ਅਸਲਾ ਡੀਲਰਾਂ ਵਿਚਕਾਰ ਗਹਿਰੇ ਗਠਜੋੜ ਵੱਲ ਇਸ਼ਾਰਾ ਕੀਤਾ ਜੋ ਗੈਰਕਾਨੂੰਨੀ ਹਥਿਆਰ ਅਤੇ ਗੋਲੀ ਸਿੱਕਾ ਖਰੀਦ ਰਹੇ ਹਨ ਅਤੇ ਪੰਜਾਬ ਵਿੱਚ ਵੱਖ-ਵੱਖ ਅਪਰਾਧੀਆਂ ਨੂੰ ਸਪਲਾਈ ਕਰ ਰਹੇ ਹਨ। ਕਪਿਲ ਵੱਲੋਂ ਕੀਤੇ ਖੁਲਾਸਿਆਂ ਨਾਲ ਵੱਖ-ਵੱਖ ਵਿਅਕਤੀਆਂ ਤੋਂ ਤਕਰੀਬਨ 14 ਨਾਜਾਇਜ਼ ਹਥਿਆਰ ਬਰਾਮਦ ਕੀਤੇ ਗਏ ਹਨ ਅਤੇ ਫਾਜ਼ਿਲਕਾ ਤੇ ਫਿਰੋਜ਼ਪੁਰ ਜ਼ਿਲ੍ਹਿਆਂ ‘ਚ ਵੱਖ-ਵੱਖ ਐਫ.ਆਈ.ਆਰਜ਼ ਦਰਜ ਕੀਤੀਆਂ ਗਈਆਂ ਹਨ।

ਅਭੋਰ, ਜਲਾਲਾਬਾਦ, ਮਮਦੋਟ ਅਤੇ ਫਾਜ਼ਿਲਕਾ ਵਿਚ ਵੱਖ-ਵੱਖ ਅਸਲਾ ਡੀਲਰਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ ਅਤੇ ਏਆਈਜੀ / ਓਸੀਸੀਯੂ ਗੁਰਮੀਤ ਸਿੰਘ ਚੌਹਾਨ ਦੀ ਅਗਵਾਈ ਵਾਲੀ ਵਿਸ਼ੇਸ਼ ਜਾਂਚ ਟੀਮ ਦੀ ਨਿਗਰਾਨੀ ਹੇਠ ਜਾਂਚ ਕੀਤੀ ਜਾ ਰਹੀ ਹੈ।

ਜ਼ਿਕਰਯੋਗ ਹੈ ਕਿ ਸੇਤੀਆ ਗਨ ਹਾਊਸ ਦਾ ਮਾਲਕ ਅਮਰ ਸੇਤੀਆ ਪਹਿਲਾਂ ਸੀਬੀਆਈ ਦੁਆਰਾ ਜਾਂਚ ਕੀਤੇ ਜਾਅਲੀ ਅਸਲਾ ਲਾਇਸੈਂਸ ਮਾਮਲੇ ਵਿਚ ਸ਼ਾਮਲ ਸੀ ਅਤੇ ਉਸ ਨੂੰ ਤਿੰਨ ਸਾਲ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ ਅਤੇ ਉਸਦਾ ਲਾਇਸੈਂਸ ਰੱਦ ਕਰ ਦਿੱਤਾ ਗਿਆ ਸੀ। ਹਥਿਆਰਾਂ ਦੇ ਜਾਅਲੀ ਲਾਇਸੈਂਸਾਂ ਵਿਚ ਉਸ ਦੀ ਭੂਮਿਕਾ ਤੋਂ ਇਲਾਵਾ, ਉਹ ਬਿਨਾਂ ਲਾਇਸੈਂਸ ਤੋਂ ਗੈਰਕਨੂੰਨੀ ਹਥਿਆਰਾਂ ਦੀ ਵਿਕਰੀ ਅਤੇ ਖਰੀਦ ਵਿਚ ਸ਼ਾਮਲ ਰਿਹਾ ਹੈ।

ਇਸੇ ਤਰ੍ਹਾਂ ਦੁਰਗਾ ਗਨ ਹਾਊਸ, ਅਬੋਹਰ, ਰਾਹੁਲ ਗਨ ਹਾਊਸ, ਫਾਜ਼ਿਲਕਾ ਦੇ ਮਾਲਕ ਹਰੀਸ਼ ਕੁਮਾਰ ਰਿਸ਼ੂ, ਏਲਨਾਬਾਦ, ਹਰਿਆਣਾ ਦੇ ਸੰਦੀਪ ਬਿਸ਼ਨੋਈ ਅਤੇ ਰਾਜਸਥਾਨ ਦੇ ਹਨੂੰਮਾਨਗੜ੍ਹ ਜ਼ਿਲੇ ਦੇ ਸੁਰਿੰਦਰ ਉਰਫ ਸੁਮੀ ਗੋਧਰਾ ਨੂੰ ਹਥਿਆਰ ਅਤੇ ਗੋਲੀ ਸਿੱਕੇ ਦੀ ਗੈਰਕਾਨੂੰਨੀ ਵਿਕਰੀ ਅਤੇ ਖਰੀਦ ਲਈ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।

- Advertisement -

Yes Punjab - TOP STORIES

Punjab News

Sikh News

Transfers, Postings, Promotions

- Advertisement -spot_img

Stay Connected

20,369FansLike
112,293FollowersFollow

ENTERTAINMENT

National

GLOBAL

OPINION

Joe Biden

Joe Biden’s QUAD summit could yield up to $100bn in military sales – by Robinder Sachdev

US President Joe Biden will be hosting the QUAD countries' heads of governments summit this coming week, in Washington D.C. – comprising of the...
Taliban captures Kandahar

Finally, the Taliban are on the receiving end – by Amjad Ayub Mirza

London, Sep 17, 2021- As missiles came raining down on Kabul during the early afternoon of September 16, it sent a disturbing message across...
Rahul Gandhi Congress Neon

RaGa’s Kashmiri Pandit solidarity may be an assertion for electoral gain – By Deepika Bhan

Thirty-one years after the exodus of Kashmiri Pandits from Kashmir, the Nehru-Gandhi family has for the first time unambiguously spoken up for the community....

SPORTS

Health & Fitness

Gallbladder

Is gallbladder gangrene a new post-Covid risk?

New Delhi, Sep 17, 2021- Doctors at Sir Ganga Ram hospital (SGRH) here on Friday reported five cases of gallbladder gangrene among people two months after they recovered from Covid-19 infections. The gallbladder is a small, pear-shaped organ on the right side of the abdomen, beneath the liver. Its function is to store bile needed for the digestion of fats...

Gadgets & Tech

error: Content is protected !!