ਯੈੱਸ ਪੰਜਾਬ
ਚੰਡੀਗੜ੍ਹ, 29 ਨਵੰਬਰ, 2022:
ਮਸ਼ਹੂਰ OTT ਪਲੇਟਫਾਰਮ ਐਮਾਜ਼ਾਨ ਪ੍ਰਾਈਮ ਵੀਡੀਓ ਨੇ ਪੰਜਾਬੀ ਸਿਨੇਮਾ ਦੀ ਸੁਪਰਹਿੱਟ ਫਿਲਮ, ‘ਤੇਰੀ ਮੇਰੀ ਗਲ ਬਣ ਗਈ’ ਹੁਣ ਸਾਨੂੰ ਦੇਖਣ ਨੂੰ ਮਿਲੇਗੀ। ਇਸ ਫਿਲਮ ਵਿੱਚ ਪੰਜਾਬੀ ਸਿਨੇਮਾ ਦੇ ਮਸ਼ਹੂਰ ਅਦਾਕਾਰ ਰੁਬੀਨਾ ਬਾਜਵਾ, ਅਖਿਲ, ਗੁੱਗੂ ਗਿੱਲ ਅਤੇ ਪ੍ਰੀਤੀ ਸਪਰੂ ਦੁਆਰਾ ਵਿਸ਼ੇਸ਼ ਭੂਮਿਕਾ ਨਿਭਾਈ ਗਈ ਹੈ। ਫਿਲਮ ਦੀ ਕਹਾਣੀ ਆਪਣੇ ਆਪ ਵਿੱਚ ਓਨੀ ਹੀ ਖਾਸ ਹੈ ਜਿੰਨਾ ਇਸਦਾ ਸਿਰਲੇਖ ਹੈ। ਇਸ ਵਿੱਚ ਸਾਨੂੰ ਇਹਨਾਂ ਪਾਤਰਾਂ ਵਿਚਕਾਰ ਵੱਖਰੀ ਹੀ ਕੈਮਿਸਟਰੀ ਦੇਖਣ ਨੂੰ ਮਿਲੇਗੀ।
ਅਦਾਕਾਰਾ ਪ੍ਰੀਤੀ ਸਪਰੂ ਦੇ ਆਪਣੇ ‘ਸਾਈ ਸਪਰੂ ਕ੍ਰਿਏਸ਼ਨਜ਼’ ਦੇ ਬੈਨਰ ਹੇਠ ਬਣੀ ਇਹ ਫ਼ਿਲਮ ਇੱਕ ਰੋਮਾਂਟਿਕ-ਕਾਮੇਡੀ ਹੈ ਅਤੇ ਫਿਲਮ ਵਿਚਲੇ ਕਿਰਦਾਰ ਗੁਰੀ(ਰੁਬੀਨਾ) ਅਤੇ ਨਵੀ(ਆਖਿਲ) ਵਿਚਕਾਰ ਉਭਰਦੇ ਰੋਮਾਂਸ ਅਤੇ ਗੂੜ੍ਹੇ-ਪਿਆਰ ਨੂੰ ਦਰਸਾਉਂਦੀ ਹੈ। ਇਹ ਦੋਨੋਂ ਲਵ-ਬਰਡਜ਼ ਜਦੋਂ ਇੱਕ ਦੂਜੇ ਨਾਲ ਵਿਆਹ ਕਰਵਾਉਣ ਦੀ ਸੋਚਦੇ ਹਨ ਤਾਂ ਗੁਰੀ ਆਪਣੇ ਪਿਤਾ ਲਈ ਚਿੰਤਤ ਹੈ ਕਿ ਉਹਨਾਂ ਨੂੰ ਇਕੱਲਾ ਰਹਿਣਾ ਪਵੇਗਾ| ਫਿਲਮ ਵਿੱਚ ਅਜਿਹਾ ਮੋੜ ਜੋ ਸਭ ਨੂੰ ਹੈਰਾਨ ਕਰ ਦੇਵੇਗਾ ਜਿੱਥੇ ਗੁਰੀ ਆਪਣੇ ਪਿਤਾ ਲਈ ਇੱਕ ਵਧੀਆ ਹਮਸਫ਼ਰ ਲੱਭਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਫਿਲਮ ‘ਤੇਰੀ ਮੇਰੀ ਗੱਲ ਬਣ ਗਈ” ਹੁਣ ਐਮਾਜ਼ਾਨ ਪ੍ਰਾਈਮ ਵੀਡੀਓ ਉੱਤੇ ਆ ਗਈ ਹੈ।
ਫਿਲਮ ਦੀ ਲੇਖਕ-ਨਿਰਦੇਸ਼ਕ-ਨਿਰਮਾਤਾ ਪ੍ਰੀਤੀ ਸਪਰੂ ਨੇ ਆਪਣੀ ਖੁਸ਼ੀ ਜਾਹਿਰ ਕਰਦੇ ਹੋਏ ਕਿਹਾ, ” ਮਸ਼ਹੂਰ OTT ਪਲੇਟਫਾਰਮ ਐਮਾਜ਼ਾਨ ਪ੍ਰਾਈਮ ਵੀਡੀਓ ‘ਤੇ ਸਾਡੀ ਫ਼ਿਲਮ ਦੀ ਦੂਜੀ ਪਾਰੀ ਦੇ ਗਵਾਹ ਬਣੋ। ਇਹ ਫਿਲਮ ਬਹੁਤ ਦਿਲ, ਹਾਸੇ, ਚੰਗੇ ਇਰਾਦੇ ਅਤੇ ਮਨੋਰੰਜਨ ਦੇ ਉਦੇਸ਼ ਨਾਲ ਬਣਾਈ ਗਈ ਸੀ। ਇਸ ਲਈ, ਅਸੀਂ ਉਮੀਦ ਕਰਦੇ ਹਾਂ ਕਿ ਸਾਡੇ ਯਤਨ ਇਸ ਦੇ ਡਿਜੀਟਲ ਪ੍ਰੀਮੀਅਰ ਰਾਹੀਂ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚਣਗੇ ਅਤੇ ਸੁਪਰ ਹਿੱਟ ਸਾਬਤ ਹੋਣਗੇ।
ਅਦਾਕਾਰਾ ਰੁਬੀਨਾ ਬਾਜਵਾ ਨੇ ਕਿਹਾ, “ਮੈਨੂੰ ਇਸ ਫ਼ਿਲਮ ਦੀ ਸ਼ੂਟਿੰਗ ਵਿੱਚ ਬਹੁਤ ਮਜ਼ਾ ਆਇਆ ਕਿਉਂਕਿ ਇਹ ਫਿਲਮ ਰੋਮਾਂਸ ਨਾਲ ਸ਼ੁਰੂ ਹੁੰਦੀ ਹੈ ਪਰ ਬਾਅਦ ਵਿੱਚ ਮੁੱਖ ਹਿੱਸਾ ਸਭ ਤੋਂ ਮਜ਼ੇਦਾਰ ਹਿੱਸਾ ਹੈ। ਦਰਸ਼ਕਾਂ ਨੂੰ ਇਸ ਵਿੱਚ ਮੇਰੇ ਅਤੇ ਅਖਿਲ ਦੀ ਇੱਕ ਵੱਖਰੀ ਤਰ੍ਹਾਂ ਦੀ ਕੈਮਿਸਟਰੀ ਦੇਖਣ ਨੂੰ ਮਿਲੇਗੀ। ਅਸੀਂ ਯਕੀਨੀ ਤੌਰ ‘ਤੇ OTT ਪਲੇਟਫਾਰਮ ਐਮਾਜ਼ਾਨ ਪ੍ਰਾਈਮ ਵੀਡੀਓ ‘ਤੇ ਫਿਲਮ ਪ੍ਰਤੀ ਵਧੇਰੇ ਖਿੱਚ ਵੇਖਦੇ ਹਾਂ ਕਿਉਂਕਿ ਇਹ ਇੱਕ ਸੰਪੂਰਣ ਪਰਿਵਾਰਕ ਮਨੋਰੰਜਨ ਹੈ ਜੋ ਸਾਰੇ ਦਰਸ਼ਕਾਂ ਦੇ ਲਈ ਦੇਖਣ ਦਾ ਇੱਕ ਵਿਸ਼ੇਸ਼ ਮੌਕਾ ਸਿੱਧ ਹੋਵੇਗੀ”।
ਗਾਇਕ ਅਤੇ ਅਦਾਕਾਰ ਅਖਿਲ ਨੇ ਕਿਹਾ, “ਇਸ ਫਿਲਮ ਦੀ ਸ਼ੂਟਿੰਗ ਬਹੁਤ ਮਜ਼ੇਦਾਰ ਰਹੀ ਕਿਉਂਕਿ ਕਹਾਣੀ ਬਹੁਤ ਵਿਲੱਖਣ ਅਤੇ ਰੋਮਾਂਚਕ ਹੈ। ਪਿਆਰ ਦੀਆਂ ਕਹਾਣੀਆਂ ਇੱਕ ਖੁਸ਼ਹਾਲ ਅੰਤ ਨਾਲ ਖਤਮ ਹੁੰਦੀਆਂ ਹਨ ਅਤੇ ਸਾਨੂੰ ਇੱਕ ਬੇਹੱਦ ਰੋਮਾਂਚਕ ਸਫਰ ਪ੍ਰਦਾਨ ਕਰਦੀਆਂ ਹਨ। ਹੁਣ ਜਦੋਂ ਫਿਲਮ ਦਰਸ਼ਕਾਂ ਦੀ ਹੈ, ਮੈਂ OTT ਪਲੇਟਫਾਰਮ ਐਮਾਜ਼ਾਨ ਪ੍ਰਾਈਮ ਵੀਡੀਓ ‘ਤੇ ਮੇਰੀ ਫਿਲਮ ‘ਤੇਰੀ ਮੇਰੀ ਗੱਲ ਬਣ ਗਈ’ ਪੇਸ਼ ਕਰਨ ਲਈ ਉਤਸ਼ਾਹਿਤ ਹਾਂ। ਮੈਨੂੰ ਉਮੀਦ ਹੈ ਕਿ ਦਰਸ਼ਕਾਂ ਵਿੱਚ ਇਸ ਫਿਲਮ ਦਾ ਡਿਜਿਟਲ ਪ੍ਰੀਮਿਅਰ ਸਫਲ ਰਹੇਗਾ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
